Rooma 6:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Wihi atin rumanka garattaan a mehe ya, eti tuummane etoo addan isibahche iꞌdi bowꞌduu raaho wihi kamuriis kaꞌdoono yeela. Atin a bowꞌdayyohi uskeele omoot isohti ommos atin a bowꞌdayyohi ayti Waakh raaho ꞌdee us ꞌdooꞌdi fiffissan iekkaacho.

Rooma 6:16 Referans Kwoze

Yoohana 8:34

Yeesso wihi us ilaabe, “Rume atin icheeka, eti tuummane uskeel yeelo, a iꞌdoo us bowꞌdati uskeelaas yitah.

2 Beetero 2:19

Wihi icho enenyet iayyichaan a furnaane, iꞌdaasenyi icho rubeycho a bowꞌdayyohi uskeel. A mehe wihi kianti iche bowꞌdaticho tahe.

Mattaayo 6:24

“Et kamur lamma ifalo mele. A mehe koo a ꞌdiiꞌdda ki addan la ꞌdoonta, toro la koo inkaanyitta ki addan la ꞌdarraawta. Waakh ichoow chilimme ba koloo kalday ma ifasso.

Rooma 6:17

Waakh weyti kalaꞌd ilaabno giꞌde! Chirri atin goorat bowꞌdayyohi uskeel eheneet laka, toolla uurassiin ka runti Waakhe dahantiin lasoogesse tuum a raahteen.

Rooma 11:2

Waakh rumanka sag us ꞌdooꞌdiiski goorat usu on uumaccho ka garte iꞌdiiꞌde mele gon. Atin laka rumanka Chiirnaanneti Waakh goyaka maanti eti Waákh íyeyyeedo Eliiya layadeeh Waakh hawwaaste us yaafohi Issiraayel wihi ittaawe kacheekte a garattaan. Eliiya wihi us yidah a mehe ya,

Rooma 12:1

Maantaka ꞌdooꞌd Kiriistokaaw, jeenteti uurnugleeli Waakh u, a atin hawwaasda, taba sartiin Waakh ibahcha, iꞌdi soorriyoti jirto toro la munyee u. Soorriyotaas la a ti Waakh kahamaadisso. Waha la a saggi imasse atin Waakh iwahattaan.

1 Koriinto 3:16

Saggi atin rubeytiin minki Waakhe buure itahiine Rubeyti Waakh rubeyohiin goya ifiddiito kasooꞌhela.

1 Koriinto 5:6

Atin a eylajjaane, wahaas la ma haaggan. Saggi chirri makaate lahaaggicho booddati makaate fuurisso too rucchul liikakhayo ꞌdee makaate tuumman weyti ifuurto weyti garattaan. Iꞌdaasu la etoo uskeel khabo, rabitohi enenyet tuumman a suujaacha.

1 Koriinto 6:2

Saggi ꞌdooꞌdi Waakh berri ꞌdooꞌdi harrata ihukkumo ma garattaan a? Chaꞌatin ꞌdooꞌdi harrata berri hukkuntaan, wahaar rurrucchule goytiin kasoobabbaho ma tabuuꞌdiin a?

1 Koriinto 6:3

Saggi berri inno herti Waakh laka ihukkunno ma garattaan a? Geeddoo meheenye wahanyeyyohaar rurrucchule jirota miinsan igoossaan?

1 Koriinto 6:9

Saggi eti uskeel leh dakhi Waakh igelin ma garattaan a? Iisekkeysanna ꞌdooꞌdi isidisanne isleeurꞌdo ichoow ki iyookkoyyohi waakkhakh lakayeessi wahti ichoow eti makhaabassi tiis ieheynan leeurꞌdo ommos mejeli mejel leeurꞌdo,

1 Koriinto 9:13

Saggi eti minki Waakhe buure hil kahaaggicho gololiis minkaas ikaꞌhelo ma garattaan a? Toro la eti chalag hil kahaaggicho wihi chalagtaas lakasoorriyoocho miil kakhaba.

1 Koriinto 9:24

Saggi atin igarattaan u ꞌdooꞌdi iskabahsati icho tuummane orya, iꞌdaasenyi etoo kalday on ꞌdooꞌd sooricha ꞌdee wihi laꞌhelo ꞌhela menya? Atin laka saggaas iorya ꞌdee wihi ꞌdooꞌd lasiicho ꞌhela.

Mattaayo 20:4

Wihi us reera iyidah, ‘Atin laka nyaama goseeyki sabiib hil kahaaggicha amba wihi mujjume atin gutaa.’