Rooma 6:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ A mehe uskeel kola ma atin dakhti, iꞌdi tahe jirotiin ka wihi amurre Muusa atin kaꞌdoonto mee atin dakhti, haaggi Waakhe buurenye inno imunneynane atin dakhta.

Rooma 6:14 Referans Kwoze

Galaatiya 5:18

Iꞌdaasenyi chiꞌ Rubeyti Munyee atin woyto, amurre Muusa ma atin anatti gon.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

Ibiraaniya 8:10

Inkoo ibeennetaas kutte ayyinteeyti husube an ꞌdooꞌdi Issiraayel igoocho talla, iche Kamur essa. Amurreteey malichooda goya gessa, ꞌdee kamassaan, uurassicho goya kachiira, ꞌdee raahaan. An Waakkhichooda ateehe, icho la ꞌdooꞌdaaya yateehiin.

Rooma 6:12

Maantaka uus uskeel sartiinta tamuut dakhan, uus ꞌdee atin wihi uurassiin kijiro uskeel imoono raahine.

Yoohana 8:36

ꞌDeerka chirri Weeli Waakh kifure rumanka a furantahe.

Yoohana 1:17

A mehe Waakh amurretiis Muusa ka a inno siiche. Haaggi Waakhe buure ichoow runtiis la Yeesso Kiriisto ka a inno tuste.

Galaatiya 3:23

Geeddi goorat wori Yeesso lakakhuufo iimaatan la, amurre Muusa a inno hidde, toro inno toorribte, ichoowka wori Kiriistohi lakakhuufo lasoobabbakkaahiche.

Rooma 8:12

Maantaka ꞌdooꞌd Kiriistokaaw, wihi rumanka Waakh inno kaꞌdoono, uus koloo kalday laka jiroteen ichoow wihi uurasseen goya kijiro uskeel imoono israahin.

Mattaayo 1:21

Iche la inankoo dessa, magahi at ibihisso la a Yeesso. A mehe us ꞌdooꞌdiissa uskeelicho karibaa.”

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

Galaatiya 4:21

Atinhi amurre Muusati atin anatti ꞌdoontaan, bal isoocheeka, wihi amurre Muusa elatti ma dagansattaan a?

Rooma 11:6

ꞌDooꞌda Waakh soobahsate jeenteti icho wohoo haaggan iyeeleen menye, a jeenteti haaggi Waakhe buure on. A mehe chirri Waakh wihi enenyet yeele yeyo, kootte ꞌdeerka iꞌdaakka haaggaas kola haaggi Waakhe buure mee gon.

Rooma 4:16

Maantaka ayyinti Waakh ꞌdooꞌdiis igooche, ꞌdooꞌdi usu kakhuufo on ꞌhela ꞌdee haaggi Waakhe buure ka nyaakhut nyaakhut Aburaaham tuumman iꞌdaanu rumanka lasiicha. Ayyintaas la nahi amurre Muusa raahno kalday menye, ꞌdooꞌdi tuummane saggi Aburaaham Waakh ikakhuufe Waakh ikakhuufo laka a miinsantahe. Jita ka Aburaaham a ooyohi inno tuummane,

Rooma 6:15

Mehe yeello ꞌdeerka? Jeenteti amurre Muusa inno idakhanne, haaggi Waakhe buure inno idakhtuu, uskeel goya on kaassahanna? Iꞌdaas mee!

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.

Rooma 5:17

A mehe jeenteti amuroo kaldaye lajebcho goorat eta kalday yeele u, omoote etaas kalday ka tuum a inno dakhatta. Iꞌdaasenyi wihi Yeesso Kiriisto inno iyeele, geeddoo meheenye wahaas kussanyahiin. Siinta haaggi Waakhe buurenye inno imunneynan ichoow siinti us ꞌdooꞌdi fiffissan inno iekkaacho a inno siiche. Siinta ka ꞌdooꞌd jiroti soorinnaane ꞌhela.

Rooma 5:18

ꞌDeerka saggaas amuroo kaldaye lajebcho hukkunki Waakh weeli enenyet tuumman hukkumo sina igoocho keenuu, saggaas on u, wihi kaldaye fissane etoo kalday yeele keeneen ka Waakh weeli enenyet tuumman ꞌdooꞌdi fiffissane iekkaacha, jiro siicha.