Rooma 6:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Wihi addan, miiliinkoo kaldach laka uus uskeel dakhan, uus ꞌdee atin wihi khollokkhan yeeline. Waakh tuum isibahcha, a mehe Waakh omoot a atin kasookahche, jiro atin siiche. Iꞌdaasenyi miilassi sartiin tuumman Waakh ibahcha, wihi fissan kalday on kahaaggicha.

Rooma 6:13 Referans Kwoze

Rooma 12:1

Maantaka ꞌdooꞌd Kiriistokaaw, jeenteti uurnugleeli Waakh u, a atin hawwaasda, taba sartiin Waakh ibahcha, iꞌdi soorriyoti jirto toro la munyee u. Soorriyotaas la a ti Waakh kahamaadisso. Waha la a saggi imasse atin Waakh iwahattaan.

Rooma 6:16

Wihi atin rumanka garattaan a mehe ya, eti tuummane etoo addan isibahche iꞌdi bowꞌduu raaho wihi kamuriis kaꞌdoono yeela. Atin a bowꞌdayyohi uskeele omoot isohti ommos atin a bowꞌdayyohi ayti Waakh raaho ꞌdee us ꞌdooꞌdi fiffissan iekkaacho.

1 Beetero 2:24

Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

Rooma 7:5

A mehe geeddi wihi uurasseen goya kijiro uskeel imoono inno dakhtaan, amurretaas ildeerroti suujenye goyteen kijirto iche neybaasse, sarteen woyte, gurnaanki omoot keeno khabne.

1 Beetero 4:2

Jeentetaas u jirotiisti addane harrata ka us soojiro, suujoonki enenyet imoono ma ijiro iꞌdaasenyi wihi Waakh ꞌdoono yeela.

Kolossaay 2:13

Atin ꞌhor jeenteti uskeeliin ichoow wihi uurassiin goya kijiro uskeel imoono atin liikabihin u wahanyeyyohi Waakh ka a tuunteen. Iꞌdaasenyi Waakh Kiriisto jiro a atin leesiiche. A mehe Waakh uskeeleen tuumman a inno ikakute.

1 Koriinto 6:20

A mehe Waakh wihi buurenye gute atin gatte. Maantaka ebba sartiis ka Waakh a inkaanyito.

1 Yoohana 1:9

Chirri inno uskeeleen Waakh icheekanne, usu a lakakhuufa toro wihi rummaat on yeela, uskeeleen a inno ikakuta toro la khollookh tuumman inno kadikha.

1 Koriinto 6:15

Atin saggi sartiin miili sar Kiriisto itahe ma garattaan a? An sar Kiriisto a khaata ichoow sarti malaaya ba too kalday kayeela? Waakh meesseen bujiiy!

Efeesso 2:5

inno ichoow Kiriisto wohoo kaldaye inno kayeele, jiro inno siiche. A mehe jeenteti inno Waakh idaagiwwaaynuu anki Waakh ka a tuunne, iꞌdaasenyi haaggiiski buurenye inno imunneynan ka us a inno ribe.

Fiiliffi 1:20

Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.

1 Koriinto 6:9

Saggi eti uskeel leh dakhi Waakh igelin ma garattaan a? Iisekkeysanna ꞌdooꞌdi isidisanne isleeurꞌdo ichoow ki iyookkoyyohi waakkhakh lakayeessi wahti ichoow eti makhaabassi tiis ieheynan leeurꞌdo ommos mejeli mejel leeurꞌdo,

Rooma 6:19

Jeenteti atin ꞌdabakkhi weeli enenyet ikhabtaan u, an iyookkoyyohi jiroteen ka inno garanni atin kaleeyyeeda. Atin goorat miilassi sartiin a soobihisseene, bowꞌdayyohi biꞌdiri nool ichoow ti hugunꞌdarriti weyti kakhayanto eheet. Saggaas on u taba, miilassi sartiin bowꞌdayyohi fiffissan ibahcha, ꞌdee ꞌdooꞌdi munyee ateeha.

2 Koriinto 10:4

A mehe birti inno diho leeiranni ti harrata mee, birteen a miigti Waakhe worassi beenaat jejjebisso.

Rooma 6:11

Saggaas on u taba giꞌde, atin laka ꞌdooꞌdi wihi uskeel miinsan ka tuume isiekkaacha. Iꞌdaasenyi jeenteti atin ichoow Yeesso Kiriisto ba wohoo kalday itahiin u, jiroti atin jirtaan Waakh ijira.

Efeesso 5:14

Iꞌdi tahe banay walah tuumman wihi icho yahiin a tusaan. Jeentetaase mehe liiessa ya, “Atiha uꞌdurto, sookahe, omoot kasookahe, Kiriisto la banayhiis a atin kiifchaa.”

2 Koriinto 8:5

Wihi nah imurre weyti kuteen. Icho kolooraat Kamure isisoobahcheene, toro la saggi Waakh iꞌdoonuu wihi nah yeela inidah laka raaheen.

2 Koriinto 5:15

Ulla enenyet tuumman a iyumuyye ꞌdee eti tuummane jiro uus saggi us awtiis u iꞌdoono ijirine, iꞌdaasenyi saggi Kiriisto iꞌdoono a ijiro. Iꞌdi tahe Kiriisto a yumuyye Waakh la iroonotichuu usu omoot kasookahche ꞌdee icho la jiraan.

Rooma 7:23

Iꞌdaasenyi runtoo gaane miilassi sarteey hil kahaaggisso a jirta. Runtaas gaan ichoow runti gaane maleey ꞌdoono a iꞌdoo icho isdihaan. Toro la runtaas gaane sarteey goya kijirto bowꞌdati uskeeli goyteey kijiro ikayeessa.

Luuka 15:32

Iꞌdaasenyi a imasse chiꞌinno sukuuku bihinno hamaano, a mehe walaalaahka goorat a iꞌdi eti yumuyye toolla la a jira, goorat a baabe toolla la a soonokhte.’ ”

Yaakoobo 4:1

Waha kamalda bal, mehe jihit ichoow jaakh goytiin keena? Wihi suujenye uurassiin goyaka isdiho menya kayamiitiin?

Rooma 1:29

Wihi jiroticho buuhiche a khollookkhi nool ichoow suujoon ichoow ꞌdamaam ichoow uskeel. Wihi addane icho buuhicho a kalꞌdarri ichoow ogoossi dubunuunu lagelo ichoow isjihit ichoow ekkeysi ichoow rubeyti suuje ichoow meꞌdeꞌddeel.

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Luuka 15:24

Iꞌdi tahe inankeeyka a iꞌdoo goorat us yumuyye toolla la a sookahe, goorat a baabe toollaka a soonokhte!’ Sukuuku ꞌdeerka labahche.

2 'Dessaloonika 2:12

Iꞌdane yeela ꞌdee jeenteti icho runti icho ribto irummeysanne, iꞌdaasenyi icho suujoonki icho yeelaan ikahamaadaan u, icho tuumman berri sina igoocha.

2 Koriinto 5:14

Saggi Yeesso Kiriisto meessi enenyet tuumman ikayumuy a tissibna. Jeentetuu ꞌdoonin Kiriisto inno dakhatta. Inno tuumman a iꞌdoo inno tuunne, jiroti oraat ma inno dakhatti.

2 Timooti 2:15

Geeddi at tabuuꞌd hol dowe eti Waakh kahamaadicho, hili us haaggicho ikuuryaawine, wori rummaat mujjum cheeko ateeh.