Rooma 5:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Khajjeela inno khabno ka, rubeye ma inno jebto. Iꞌdi tahe Waakh Rubeytiisti Munyee a inno siiche, ꞌdee iche la ꞌdooninti Waakh rubeyoheen goya buuhissa.

Rooma 5:5 Referans Kwoze

Galaatiya 4:6

Jeenteti atin nyaakhuti Waakh itahiin u la, Waakh Rubeyti Weeliissa rirriirto, “Aabba, Aabbahaaw,” elatti sooerge, rubeyoheen goya gesse.

Fiiliffi 1:20

Wihi an weyti sugo toro la an khajjeelo intoo rucchul ka laka lakhaanyo ma isikeeno, iꞌdaasenyi toolla ichoow kol tuumman roorro laane sarteey ka Kiriisto weynaacha, jiroteey ommos omootteey eheetteey ka ba.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

2 Koriinto 1:22

sumattiis inno gesse toro la Rubeyti Munyee rubeyoheen goya gesse. Toolla Rubeyti Munyeenye inno siicha ꞌdee wihi us inno iayyicho us berri inno siicho rummaacha.

1 Yoohana 4:19

Inno Waakh ichoow ꞌdooꞌdi addan a ꞌdoonna, a mehe Waakhe kolooraat inno ꞌdoonee.

Efeesso 1:13

Atinhi Yaꞌhuud ieheynan laka yeedi rummaat a daagteen, a Wori Haaggane atin ribo. Maanti atin Kiriisto rummeysatteen, sumatti Rubeyti Munyeenye atin liiayyiche iche ꞌhesseen.

Hilassi Ergaano 2:33

A laweynaache, Waakh anki dahantiisti miigeet loorrommiche. Waakkhi Aabbahiise Rubeyti Munyeenye us ayyiche kaꞌhele. Waha buurenye toolla atin agarteene toro la daagteen tuumman la, Rubeyti Munyeenye kayamiitiin.

Efeesso 4:30

Rubeyti Munyeenye Waakh la akabolkhinna. Iꞌdi tahe Rubeyta Waakh a sumatti saggi atin ꞌdooꞌdi Waakh itahiine ichoowka ibeenki Waakh ribnaanki ꞌdaꞌddaboot atin ribo tusso.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Hilassi Ergaano 2:17

“ ‘Ibeenneti ꞌdaꞌddaboot, iche Waakh essa, Rubeyteey weeli enenyet tuumman a kakhuba. Yeeletiin ichoow albehiin wori Waakh a kaayyeedaan. Mejeliinki nunnugul fooltabcho a arga. Mejeliinki araarrinyee issilloyyo issilloota.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

2 Koriinto 4:6

Iꞌdi tahe Waakkhi, “Mugꞌdi goyaka banay a soobaheen,” yidah rubeytiissa banayhiis uurasseen goya kiifche, ꞌdee garanti inno ababnaanki Waakh garanni inno siicha. Ababnaankaas fool Kiriisto kasooababa.

Rooma 8:28

Wihi inno garanni a mehe ya, walah tuumman ka Waakh ꞌdooꞌdi usu ꞌdoono wihi haaggan a iyeela. ꞌDooꞌdaas la a ki Waakh saggi us igooche iwahe.

1 Koriinto 8:3

Iꞌdaasenyi eti Waakh ꞌdoono, Waakh usu a garta.

2 Koriinto 3:18

Inno tuumman la foolasseenki liiogoogin ka, a iꞌdoo inno ababnaanki Kamur kitaab goyaka bihinno. Geedda inno bihinno la a inno luurgiyicha, samacchaar usu iokkanaanna. Ababnaanka inno ababno la Rubeyti Kamure kayamiite, kakhayma weyti buuraata.

Hilassi Ergaano 10:45

ꞌDooꞌdi Yaꞌhuude Kiriisto rummeeste Beetero sooraahe la, Rubeyti Munyeenye yaafohi Yaꞌhuud ieheynan laka isooyagte weyti kagirmeeste.

Rooma 1:7

Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Rooma 9:33

Iꞌdi liichiiruu, “Yeya, an ilkerengeetti Saayon goya daakkoo enenyet tarraantarricho gessa, waha la a daddaabtoo enenyet lagaꞌddo. Eti tuummane usu rummeeste la, lakhaanyo ma lakadowo.”

2 Koriinto 13:14

Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.

1 'Dessaloonika 4:8

Maantaka eti waha laabcho ꞌdiiꞌdo weeli enenyet menye, Waakkhi Rubeytiisti Munyee atin siicho iche ꞌdiiꞌddanyahe.