Rooma 5:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Iꞌda ka saggi uskeeli weeli enenyet yeele omoot ikeene idakhtuu, saggaas on haaggi Waakhe buurenye inno imunneynan weeli enenyet idakhta, ꞌdee Waakh Yeesso Kiriistohi Kamureene ka ꞌdooꞌdi fiffissan inno iekkaacha, toro jiroti jirtuu imassan ꞌhella.

Rooma 5:21 Referans Kwoze

Tiito 2:11

A mehe haaggi Waakhe buurenye inno imunneynane ribnaan keeno, weeli enenyet tuumman a liisoobabbakkaahiche.

Rooma 5:14

Chiꞌiche iꞌdaas tahe laka, uus maanti Aadam harrata kijire ichoowka maanti Muusa, omoot on weeli enenyet dakhatte. Aadam amuri Waakhe raahiwwaaye. ꞌDooꞌdi uskeeli Aadam yeele iyeelin laka, omoot on dakhatte. Toollaka Aadam a iyookkoti Kiriistohi yomboka yimiy.

Rooma 8:10

Kiriisto goytiinna kijira gone, chirri sartiin jeenteti uskeel u tamuut, jeenteti Waakh ꞌdooꞌdi fiffissan atin iekkaachuu, Rubeyti Waakh jiro a atin siissa.

Rooma 6:23

Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

Rooma 6:14

A mehe uskeel kola ma atin dakhti, iꞌdi tahe jirotiin ka wihi amurre Muusa atin kaꞌdoonto mee atin dakhti, haaggi Waakhe buurenye inno imunneynane atin dakhta.

Rooma 5:12

Maantaka uskeel maanti goorat us harra soogele etoo kaldache keene, uskeeli etaas la omoote ꞌdub kasookhabe. Omoottaas weeli enenyet tuumman itaaꞌhte, a mehe weeli enenyet tuumman uskeel a yeele.

Rooma 5:17

A mehe jeenteti amuroo kaldaye lajebcho goorat eta kalday yeele u, omoote etaas kalday ka tuum a inno dakhatta. Iꞌdaasenyi wihi Yeesso Kiriisto inno iyeele, geeddoo meheenye wahaas kussanyahiin. Siinta haaggi Waakhe buurenye inno imunneynan ichoow siinti us ꞌdooꞌdi fiffissan inno iekkaacho a inno siiche. Siinta ka ꞌdooꞌd jiroti soorinnaane ꞌhela.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

Rooma 6:16

Wihi atin rumanka garattaan a mehe ya, eti tuummane etoo addan isibahche iꞌdi bowꞌduu raaho wihi kamuriis kaꞌdoono yeela. Atin a bowꞌdayyohi uskeele omoot isohti ommos atin a bowꞌdayyohi ayti Waakh raaho ꞌdee us ꞌdooꞌdi fiffissan iekkaacho.

1 Yoohana 2:25

Waha la a wihi Kiriisto inno iayyiche, a jiroti jirtuu imassanne inno ꞌhello.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Ibiraaniya 4:16

Maantaka Waakkheenki haaggiiski buure inno tusti roorro laan kombortiisti antoot ortiis iranni giꞌde. Intaas ka maambaaw inno gargaar ꞌdoonno, us uure inno isoonugleesta toro haaggiiski buure inno siicha.

Rooma 4:13

Wihi inno garanni, Waakh goorat Aburaaham ichoow nyaakhut nyaakhut Aburaaham ayyinti us igooche a mehe ya, harra tuummane dalhaan. Aburaaham jeenteti us amurre Muusa iraaho ayyinta ma iꞌheline, iꞌdaasenyi jeenteti us Waakh ikakhuufe usu eti fissan liiekkaache, iche Waakh ayyinta igooche.

Yoohana 10:28

ꞌDooꞌdi ani isooraaho la jiroti jirtuu imassanne siicha, icho la jirtuu ma yamuutiin. Et dahanteey ikasaro mele.

Rooma 6:12

Maantaka uus uskeel sartiinta tamuut dakhan, uus ꞌdee atin wihi uurassiin kijiro uskeel imoono raahine.

Mattaayo 25:46

“ꞌDeerka ꞌdabi armaanjireene goya irtaane, iꞌdaasenyi ki fiffissan jiroti jirtuu imassanne ꞌhela.”

Yoohana 1:14

Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.