Rooma 5:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.

Rooma 5:2 Referans Kwoze

Efeesso 2:18

A mehe Kiriisto ka, innohi Yaꞌhuude ichoow yaafohi addan ba, Rubeyta Munyee ka, Waakkhi Aabbaheenenye inno leeyyeeno a muꞌdannahe.

Efeesso 3:12

Inno ichoow Kiriisto a wohoo kalday gone, toro la usu a kakhuufna gone, a geeddi inno roorro laan Waakh idowwaanni.

1 Koriinto 15:1

ꞌDooꞌd Kiriistokaaw, alleya giꞌde, Wori Haaggane an goorat atin icheeke, atin khaatatteene, atin mujjum katolossaan a atin kasooꞌhelcho.

1 Beetero 3:18

A mehe Kiriisto maantoo kalday on uskeeleen iyumuyye, maantoo addan la uskeeleen ma iyamuut. Eti fissan jeenteti ki khollokkhane iyumuyye ꞌdee inno Waakh inno ikeena. Usuhi weeli enenyetenye layigisye, iꞌdaasenyi Rubeyti Munyee ka omoot lakasookahche.

Rooma 12:12

Jeenteti atin khajjeel ikhabtaan u, hamaada. Sinati atin loomhicho ka garrahsada, kol dakkhan la Waakh wahda.

Ibiraaniya 3:6

Iꞌdaasenyi Kiriisto weeli lakakhuufo hili minki Waakh tuumman itoollo eheet. Chirri inno burꞌde ikhabine, khajjeeli inno Kiriisto kakhabno keeylajno la, inno a minkiissa.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

Yoohana 10:9

Ani arite, eti tuummane ikasoogelo a lariba. Eta sum a soogela, toro la baha, yaakh yowta.

2 Koriinto 4:17

Iꞌdi tahe sinayyohaar ꞌdabakhe a wihi geeddoor one, wihi icho keenaan la a ababnaanki weyti khummane jirtuu tuumman imassanne sinayyohaas kussan.

Yoohana 5:24

“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

Bakkaahit 21:23

Ilkerengeete orrah ommos yeyyakki banay siicho ma ꞌdoonto. A mehe ababnaanki Waakhe ilkerengeet banay siicha, Heleem la a taahicheeda.

Bakkaahit 21:3

Hooyi buurenye komborti antoot kasooyeedo daage, wihi us yidah, “Yeya, Waakh kola weeli enenyet goya furta. Ulla icho a leefiddiya, icho la ꞌdooꞌdiis yateehiin. Waakh rubeytiis la icho a leejira, ulla Waakkhichooda yateeh.

Rooma 5:5

Khajjeela inno khabno ka, rubeye ma inno jebto. Iꞌdi tahe Waakh Rubeytiisti Munyee a inno siiche, ꞌdee iche la ꞌdooninti Waakh rubeyoheen goya buuhissa.

Rooma 3:23

iꞌdi tahe weeli enenyet tuumman uskeel a yeele, weynaanti Waakh kadeeraate.

Rooma 2:7

Waakh eti tuummane garrahsati haag on yeelo, jita ka la Waakkhi usu koolicho, inkaanyit tuso toro la jiroti ituumin siicho yowti, jiroti jirtuu imassanne siicha.

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

Yoohana 10:7

Maantaka Yeesso toro wihi us yidah, “Rume atin icheeka, ani a iꞌdi aritti sunki iiyyaat.

Bakkaahit 21:11

Banayhi ilkerengeetta ababnaanki Waakh rubeytiis kasooababo kayamiitiin. Ababnaankaas la a iꞌdi daakkoo gato miigenye ulhawe iꞌdi kiyoow u warraakhe.

Bakkaahit 3:21

Eti tuummane sooricho, antohi ullaka komborteeyti antoot ikaleeorronti siicha, saggaas ani laka isooriche komborti antoot Aabbaheey ikaleeorronduu.

Ibiraaniya 6:18

Waakh wihi us ayyiche ichoow wihi us daatte ma urgiyaane, been goon ma yabuuꞌd. Maantaka innohi Waakh inyaanne karibanne uure inno miigoocha, ꞌdee khajjeeli us inno siiche mujjum khabanna.

Rooma 8:24

A mehe Waakh a inno ribe, khajjeeli wihi soosohti inno siiche. Iꞌdaasenyi chirri inno wihi inno berri khajjeello indoheen kaagarro, waha khajjeel mee gon. Etoo wihi us ꞌhele a khajjeela?

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Hilassi Ergaano 14:27

Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen.

Mattaayo 25:21

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam!’

Efeesso 6:13

Maantaka gaaddi diho Waakh atin siiche tuumman gessada, ꞌdee maanti suujoon atin isoobaho ka jeyin tudduba. Toro la inkoo atin wahanyeyyoha yeesseen mujjum jeyin a tabuuꞌdiin.

2 Koriinto 3:18

Inno tuumman la foolasseenki liiogoogin ka, a iꞌdoo inno ababnaanki Kamur kitaab goyaka bihinno. Geedda inno bihinno la a inno luurgiyicha, samacchaar usu iokkanaanna. Ababnaanka inno ababno la Rubeyti Kamure kayamiite, kakhayma weyti buuraata.

Rooma 14:4

Atihi bowꞌdati etoo addan uuraah ka hukkunto a ayyo? Kamuriissa gon usu uskeel khabo kufe ommos usu uskeel ikhabine toollo goocha. Ulla ꞌdee rumanka a toolla, a mehe Kamur toollin a yabuuꞌde.

Rooma 11:20

A eysiisseen! Iꞌdaasenyi icho jeenteti liijebche, a jeenteti icho Waakh ikakhuufin. Atin la jeenteti atin geey ikakabantahiin, a jeenteti atin Waakh ikakhuufteen. Maantaka, taba giꞌde rannyaat akhabina, Waakh karoora.