Rooma 5:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ A mehe saggi etoo kaldaye Waakh raahin ꞌdiiꞌde ka, ꞌdooꞌdi ittaawe ꞌdooꞌdi uskeel lehe lakayeele, saggaas on u etoo kaldaye Waakh raahe ka, Waakh ꞌdooꞌdi ittaawe ꞌdooꞌdi fiffissane kayeela.

Rooma 5:19 Referans Kwoze

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

Rooma 5:18

ꞌDeerka saggaas amuroo kaldaye lajebcho hukkunki Waakh weeli enenyet tuumman hukkumo sina igoocho keenuu, saggaas on u, wihi kaldaye fissane etoo kalday yeele keeneen ka Waakh weeli enenyet tuumman ꞌdooꞌdi fiffissane iekkaacha, jiro siicha.

Fiiliffi 2:8

Usu a isnuglaache. Saggoh u? Ayti Waakhe raahe, ichoowka omoote ititahye, omoottaas, a ti usu massalaaba lakakaahe.

Rooma 5:12

Maantaka uskeel maanti goorat us harra soogele etoo kaldache keene, uskeeli etaas la omoote ꞌdub kasookhabe. Omoottaas weeli enenyet tuumman itaaꞌhte, a mehe weeli enenyet tuumman uskeel a yeele.

Efeesso 1:6

Maantaka Waakh koolinno jeenteti haaggiiski buurenye us inno siiche u. Weeliiski us weyti ꞌdoono ka haagga iꞌdaanu a inno siiche.

Rooma 5:15

Iꞌdaasenyi siinta Waakh inno siiche iꞌdi amurreti lajebcho Aadam yeele mee. A mehe chirri ꞌdooꞌdi ittaawe amurreti lajebcho etaas kalday yeele ka tuume, haaggi Waakhe buurenye inno imunneynan ichoow siinta eta kaldaye Yeesso Kiriisto keene geeddoo meheenye ꞌdooꞌdi ittaawe ikakhubta.

Rooma 11:32

Maantaka Waakh weeli enenyet tuumman ꞌdooꞌdi lahide usu raahin ꞌdiiꞌde kayeele. Ulla iꞌdane yeela, ꞌdee icho tuumman uur inugleesta.