Rooma 5:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Toro siinta Waakh ichoow wihi uskeeli etoo kalday yeele keeno iꞌdoo kalday mee. A mehe inkoo Aadam uskeeloo kalday yeele, Waakh usu a hukkume, sina igooche. Iꞌdaasenyi inkoo uskeel buuraate, siinti inno imunneynan timiy. Siinta ka la Waakh ꞌdooꞌdi fiffissane inno iekkaacha.

Rooma 5:16 Referans Kwoze

Yaakoobo 2:10

Iꞌdi tahe eti amurreti Waakh tuumman raaho iꞌdaasenyi aytoo kalday katarraantarrate, sinati eti amurre tuumman jebcho liigoocha.

Galaatiya 3:10

ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”

1 Koriinto 11:32

Chirra Kamur inno hukkumo a inno sookhuncha, uus ꞌdee iꞌdi ꞌdooꞌdi wahanyeyyohi harratane sussuuje raahuu uskeel inno liigoonne.

Mattaayo 6:14

A mehe chaꞌatin ꞌdooꞌdi uskeel atin iyeele uskeel ikakuttaan, Aabbahiinki serey jiro laka uskeeliin a atin ikakuta.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.