Biblia Todo Logo
Bib sou entènèt

- Piblisite -




Rooma 5:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

1 Maantaka Waakh kakhuufnaanki inno usu kakhuufno ka, ꞌdooꞌdi fiffissane inno iekkaache gone, Yeesso Kiriistohi Kamureene ka Waakh nebey a ikhabna.

Gade chapit la Kopi




Rooma 5:1
53 Referans Kwoze  

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.


Waha la a atin icheeke, ꞌdee ani ka nebey ꞌhessaan. ꞌDooꞌdi harrata goyaka sina a atin taham. Iꞌdaasenyi roorro akhabina, an harrata a soorichee.”


toro Kiriisto ka walah tuumman ankiis a keene. Diig Kiriistoki massalaaba kakhubte ka, Waakh walah tuumman a ineybe, wihi serey kijiro ommos wihi harra kajiro eheetteey ka ba.


Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.


A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.


Maantaka Kamuri nebey leh rubeytiis ba walahbaaw atin isoobaho ka, kol dakkhan nebey atin kahida. Kamur ba atin tuumman atin leejira.


Nebeye atin ikataba. Nebeytaaya atin siicha. Saggi ꞌdooꞌdi harrata nebey ꞌdooꞌd isiicho mee an nebey atin isiicho. Amalalina toro la roorro akhabina.


Iꞌdaasenyi weeli enenyet jeenteti wihi us haaggicho menye, jeenteti us Waakkhi ꞌdooꞌdi uskeel leh ꞌdooꞌdi fiffissan iekkaacho ikakhuufo, iche Waakh eti fissan iekkaacha.


Nebey Kiriisto uurassiin a dakhatti. Iꞌdi tahe iꞌdi ꞌdooꞌdi sartoo kalday u, nebeytane Waakh atin iwahe. Waakh la kalaꞌd ilaaba.


Waakkhi nebey tuumman leh ba atin tuumman atin leejira. Aamiin.


Atin farniinki Waakh ꞌdooꞌdi Issiraayel isooerge a garattaan. Farniinka la Wori Haaggane cheeke, Yeesso Kiriisto ka innohi enenyete ichoow Waakh a isinebeyne. Yeesso Kiriisto la a Kamuri weeli enenyet tuumman.


ani ichoow Yeesso Kiriisto ba wohoo kalday nateeh. Waakh ani eti ortiis ka fissane iekkaacha, waha la jeenteti an amurre iraaho menye, a jeenteti an Kiriisto ikakhuufo.


Toollaka Waakkhi nebey leh ba tuum atin munyaacha. Waakh ba rubeyohiin ichoow uurassiin ichoow sartiin ba tuum el tuumman kasoohossa, ichoowka ibeenki Yeesso Kiriistohi Kamureene soonokhti yateeh.


ꞌDeerka saggaas amuroo kaldaye lajebcho hukkunki Waakh weeli enenyet tuumman hukkumo sina igoocho keenuu, saggaas on u, wihi kaldaye fissane etoo kalday yeele keeneen ka Waakh weeli enenyet tuumman ꞌdooꞌdi fiffissane iekkaacha, jiro siicha.


wihi us yidah, “ꞌDooꞌdi ilkerengeetti weene Yeerusaleem, incheenka kootte maalinka jiti nebey lakaꞌhelo a abattaan. Iꞌdaasenyi toolla a atin lakadagche!


Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.


“Waakh karnati magahi Kamur kayamiit a imaale! Goobi Waakh nebey a lakakaala, Waakkheenki inti weyti saraat kijiro a lakoolicho.”


Iꞌdaasenyi wihi nah garanni, eti Waakh ortiis ka eti fissan iekkaacho ki amurre Muusa raaho menye, a ki Yeesso Kiriisto kakhuufo on. ꞌDeerka nah laka Yeesso Kiriisto kakhuufna, ꞌdee amurre Muusati nah raahno ka menye, kakhuufnaanki nah Kiriisto kakhuufno ka, Waakh nah laka ꞌdooꞌdi ortiis ka fiffissan nah iekkaacha. A mehe etoo kaldaye amurre Muusati us raaho ka, Waakh eti ortiis ka fissan iekkaacho mele.


Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.


Iꞌdi tahe uuraahha Yeesso karummeysatta, wahaas la mehe delaan ya, Waakkhi eti fissan kiekkaacho. Toro la chaꞌat ꞌdow ka saggi at Yeesso rummeysatti cheekto, waha mehe delaan ya, Waakkhi kiribo.


iꞌdi tahe Waakh a koo kaldach one, jiti us weeli enenyet tuumman ꞌdooꞌdi fiffissan iekkaacho la a koo kaldach on. Waha la a chirri enenyet Kiriisto kakhuufo on, yaafohi Yaꞌhuude khandiiti eheetteey ichoow yaafohi Yaꞌhuud ieheynane ikhandiyan eheetteey ka ba.


Wora Haaggan wihi us soobabbakkaahicho a saggi Waakh enenyet ꞌdooꞌdi ortiis ka fiffissan ikayeelo. Waha la koli enenyet Waakh kakhuufe kaldach on yateehiin. Iꞌdi liichiiruu, “Eti Waakh ortiis ka fissan Waakhe rummeesta. Saggaase rumanka jiro ikhaba.”


Waakkhi nebey leh Yeessohi Kamureenenye Ersinki weene iiyyaate diiggi ayyinti husube jirtuu tuumman imassanne us gooche ka omoot a kasookahche.


Waakh iꞌdane yeele ꞌdee Yeesso Kiriisto ka haaggiiski buurenye inno imunneynane wohoo weyti buure laka liikookkaanne uuriiski ꞌdabakhenye us inno ikhabo lakaargo, inno tusa.


Toolla jiti Kiriisto lakakhuufo yimiy la, amurre Muusa ma inno yaakhisso.


ꞌDooꞌdi wora cheeko la saggoh woraas ꞌdooꞌd ieleelicha chirri liiergin? Iꞌdi liichiiruu, “Luhti Wori Haaggan keento, weyti lagantahe!”


ꞌDeerka mehe nidaahe? ꞌDooꞌdi yaafohi Yaꞌhuud ieheynane goorat jiti icho ꞌdooꞌdi fiffissan liiekkaache iyowan, iche toolla Waakh ꞌdooꞌdi fiffissan iekkaacha jeenteti icho Waakh ikakhuufaan u.


“Waakkhi saraat a lasaaꞌdo. ꞌDooꞌdi harrata ka Waakh kahamaado la nebey a lakakaalo!”


Waakh kakhuufnaanki enenyet Yeesso Kiriisto kakhuufo ka iche enenyet eti ortiis ka fissan iekkaacha. Waha la eti tuummane Yeesso Kiriisto rummeesti ka a rum. Waakh enenyet seley ma sassaaho,


“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele.


Waha kalday la menye, Yeesso Kiriistohi Kamureene ka Waakh a keeylajna, a mehe Kiriisto ka Waakh ankiis a inno keene.


Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,


Swiv nou:

Piblisite


Piblisite