Rooma 4:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ iꞌdi liichiiruu, “An ooyohi yaafohi ittaawenye kaayeele.” Aburaaham Waakh ortiis ka a ooyoheenna. Waakkha us rummeeste a Waakkhi enenyet omoot kasookahcho toro la wihi goorat nolol ikhabin noolaacho.

Rooma 4:17 Referans Kwoze

1 Koriinto 1:28

Waakh wihi harrata ka magah ikhabin ichoow wihi ꞌdooꞌdi harrata ꞌdarraawo, ichoow wihi ꞌdooꞌdi harrata wohoo ikoogeynane soobahche, wihi ꞌdooꞌdi harrata wohoo khumman koog kabaabiiche.

Yoohana 5:21

Saggi Aabbahiis ꞌdooꞌdi tuume isookahcho jiro isiicho, saggaase Weeliis laka, eti us ꞌdoono jiro isiicha.

1 Beetero 2:10

Atin goorat ꞌhor ꞌdooꞌdi Waakh ma eheynane, iꞌdaasenyi toolla a ꞌdooꞌdi Waakh. Goorat ꞌhor uurnugleeli Waakh ma ꞌheline, iꞌdaasenyi toolla uurnugleeli Waakh a ꞌhesseen.

Yoohana 6:63

Rubeyti Waakhe enenyet jiro siissa. Weeli enenyet, enenyet jiro ma siicho. Yeedi an atin icheeke la Rubeyti Waakhe kayamiite, toro la enenyet jiro siicha.

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Yoohana 5:25

Rume atin icheeka, ibeen a yateehe kola la a yitah, ibeenki ꞌdooꞌdi tuume hooyi Weeli Waakh daago. Eti tuummane daage la, jiroti jirtuu imassanne ꞌhela.

Ibiraaniya 11:12

Kholoyyohi ittaawe ꞌdeerka makhaabala atteka yumuy iche kayimaateen. Nyaakhuti kholoyyoha ittaaw ka a geeddi yiyyihimohi saraate toro iꞌdi yoohti beyti buure afiche kijirtuu ekkees ma layabuuꞌd.

Rooma 3:29

Waakh a Waakkhi yaafohi Yaꞌhuud kaldach on a? Us Waakkhi yaafohi Yaꞌhuud ieheynan laka menya? Aa, a iꞌdaas on,

2 Beetero 3:8

Iꞌdaasenyi aalasseeyki an weyti ꞌdoono, waha akadabina. Kamur ka, ibeenkoo a iꞌdi guꞌh alifoo, guꞌh alifoo la a iꞌdi ibeenkoo.

Ibiraaniya 11:7

Noowa la kakhuufnaanki us Waakh kakhuufe on ka, iche maanti Waakh tootooche, wihi maalinkaas liiargin icheeke, koobanhi buure dise, goobiis ribe. Kakhuufnaanki us Waakh kakhuufe ka, ꞌdooꞌdi harrata uskeel igooche. Toro la Waakh usu eti fissanoonki kakhuufnaanki Waakh lakakhuufo lakeelo muꞌdan iekkaache.

1 Timooti 6:13

Waakkhi walah dakkhan jiro siicho ortiis ka ichoow Yeesso Kiriistohi goorat Boontiyo Bilaato ortiis ka runtiis cheeke, orcho ka amurane kibahcha.

Rooma 9:26

Toro, “Wihi yateeh, inti Waakh, ‘Atin ꞌdooꞌdeey mee,’ ikayidah, intaas on ka wihi us icho iyadeeh, ‘Atin a nyaakhuti Waakkhi jiro.’ ”

1 Koriinto 15:45

ꞌDeerka wihi chiiran, “Eti oraate Aadam layadeeh, eti noole eheet.” Iꞌdaasenyi, Aadamhi ꞌdaꞌddaboot a Rubeyti enenyet jiro siisso.

Rooma 4:2

Chirri rumanka Waakh wihi Aburaaham yeele ka usu eti fissan iekkaache, wihi us keeylajo a khaba gon. Iꞌdaasenyi Waakh ortiis ka, Aburaaham walah us yeele us keeylajo mele.

Hilassi Ergaano 15:18

goorat archiiy waha ꞌdooꞌd idowdowe essa.

Mattaayo 3:9

Taba la iisekkeysanna, ‘Aburaaham a aacchihaanya,’ eelanna. Wihi an atin icheeko, Waakh a geeddi us dagahta urgiyicho us nyaakhut nyaakhut Aburaaham kayeelo.

Rooma 4:18

Aburaaham chirri us khajjeel waaye laka, us Waakh on rummeeste toro khajjeel kakhabe. Waakh ꞌdeerka usu ooyohi yaafohi ittaawe kayeele iꞌdi Kamur usu iyidah u, “Nyaakhut nyaakhutaah ꞌdeerka a ittaawa.”

Rooma 9:11

Iꞌdaasenyi Waakh geeddi manꞌdaanoha idelanne icho wohoo haaggan ommos suujoonkoo laka iyeelin, iche saggi us ꞌdooꞌd iwaho ꞌdee wihi us gooche isooꞌhadaan tuse.

Ibiraaniya 11:3

Jeenteti inno Waakh ikakhuufno, iche saggi us yeedi afiis on ka us harra isoouume igaranna. Wihi toolla indo lakaargo la, wihi indo liikaargine lakasoouume.