Rooma 4:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ A mehe chiꞌ ayyinti Waakh gooche eti amurretaas raaho kalday dalho, kakhuufnaanki weeli enenyet Waakh kakhuufo walah us yahe mele gone, ayyinti Waakh enenyet igooche laka walah iche tahe mele gon.

Rooma 4:14 Referans Kwoze

Fiiliffi 3:9

ani ichoow Yeesso Kiriisto ba wohoo kalday nateeh. Waakh ani eti ortiis ka fissane iekkaacha, waha la jeenteti an amurre iraaho menye, a jeenteti an Kiriisto ikakhuufo.

Ibiraaniya 7:28

Iꞌdi tahe amurre Muusa mejeli wihi lakaꞌdoono ka ꞌdaꞌddarane soobihissa, ꞌdee kuhaaniyyohi weyti wewween yateeh. Iꞌdaasenyi inkoo amurre Muusa timiy ka Waakh daato ka ayyinti husub gooche, weeliis soobahche kuhaanihi weyti weene wihi lakaꞌdoono tuum buuhicho jirtuu tuumman kayeele.

Ibiraaniya 7:19

A mehe amurre Muusa walah tuum ma kayeesso. Iꞌdaasenyi khajjeeli inno toolla khabno, khajjeeli goorat inno khabne khuuf on kadeefa, Waakhe inno idowwaachaa.

Galaatiya 2:21

An haaggi Waakhe buurenye an ribnaan kaꞌhele sag an ꞌdol iassil mele. Iꞌdi tahe chirri amurre Muusati laraaho ka Waakh ꞌdooꞌdi ortiis ka fiffissan nah iekkaacho, Kiriisto walah us iyumuy mele gon!”

Rooma 4:16

Maantaka ayyinti Waakh ꞌdooꞌdiis igooche, ꞌdooꞌdi usu kakhuufo on ꞌhela ꞌdee haaggi Waakhe buure ka nyaakhut nyaakhut Aburaaham tuumman iꞌdaanu rumanka lasiicha. Ayyintaas la nahi amurre Muusa raahno kalday menye, ꞌdooꞌdi tuummane saggi Aburaaham Waakh ikakhuufe Waakh ikakhuufo laka a miinsantahe. Jita ka Aburaaham a ooyohi inno tuummane,

Rooma 3:31

Maantaka chiꞌinno kakhuufnaanki Waakh lakakhuufo on khumummaanno, amurre Muusa ꞌdol nassil? Mele, iꞌdaas mee! Rumanka chiꞌinno Waakh kakhuufno kaldache amurretaas laka miigoonna.

Galaatiya 5:4

Atinhi amurre raahin ꞌdoontaane ꞌdee Waakh ꞌdooꞌdi fiffissan atin iekkaacho, Kiriisto a atin lakagooche, toro la haaggi Waakhe buure a rogteen.

1 Koriinto 1:13

Kiriisto seleye laaggooche? Anihi Baawuleenye goorat jeentetiin u massalaaba liikakaahe? Ommos maanti atin labaattissiye, magahaaya atin lakabaattissiye? Mele!