Rooma 4:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Sumatti Aburaaham khandi ka lasunte mehe tussa ya, geeddi liikhandiyin on Waakh usu eti fissan iekkaache, jeenteti us Waakh ikakhuufo on u. Aburaaham ꞌdeerka a iꞌdoo us ooyohi ꞌdooꞌdi Waakh kakhuufo yitah chiꞌicho liikhandiyin laka. Iꞌdi Aburaaham u jeenteti icho Waakh ikakhuufaan, iche Waakh ꞌdooꞌdi fiffissan iekkaacha.

Rooma 4:11 Referans Kwoze

Rooma 3:22

Waakh kakhuufnaanki enenyet Yeesso Kiriisto kakhuufo ka iche enenyet eti ortiis ka fissan iekkaacha. Waha la eti tuummane Yeesso Kiriisto rummeesti ka a rum. Waakh enenyet seley ma sassaaho,

Luuka 19:9

Yeesso la wihi us Sakkaayo ilaabe, “Gooba maalinka Waakh a ribe. Iꞌdi tahe eta laka rumanka a hiiy Aburaaham.

Ibiraaniya 11:7

Noowa la kakhuufnaanki us Waakh kakhuufe on ka, iche maanti Waakh tootooche, wihi maalinkaas liiargin icheeke, koobanhi buure dise, goobiis ribe. Kakhuufnaanki us Waakh kakhuufe ka, ꞌdooꞌdi harrata uskeel igooche. Toro la Waakh usu eti fissanoonki kakhuufnaanki Waakh lakakhuufo lakeelo muꞌdan iekkaache.

2 Koriinto 1:22

sumattiis inno gesse toro la Rubeyti Munyee rubeyoheen goya gesse. Toolla Rubeyti Munyeenye inno siicha ꞌdee wihi us inno iayyicho us berri inno siicho rummaacha.

Fiiliffi 3:9

ani ichoow Yeesso Kiriisto ba wohoo kalday nateeh. Waakh ani eti ortiis ka fissane iekkaacha, waha la jeenteti an amurre iraaho menye, a jeenteti an Kiriisto ikakhuufo.

Efeesso 4:30

Rubeyti Munyeenye Waakh la akabolkhinna. Iꞌdi tahe Rubeyta Waakh a sumatti saggi atin ꞌdooꞌdi Waakh itahiine ichoowka ibeenki Waakh ribnaanki ꞌdaꞌddaboot atin ribo tusso.

Efeesso 1:13

Atinhi Yaꞌhuud ieheynan laka yeedi rummaat a daagteen, a Wori Haaggane atin ribo. Maanti atin Kiriisto rummeysatteen, sumatti Rubeyti Munyeenye atin liiayyiche iche ꞌhesseen.

Galaatiya 6:16

Waakh ba ꞌdooꞌdi yeeda raaho tuumman nebey kakaala, toro uur isoonugleesta. ꞌDooꞌdaas la rumanka a ꞌdooꞌdi Waakh gon.

Galaatiya 5:5

Iꞌdaasenyi kakhuufnaanki inno Kiriisto kakhuufno ichoow Rubeyti Munyee ka, wihi inno khajjeello a Waakkhi ꞌdooꞌdi fiffissan inno iekkaacho.

Galaatiya 3:29

Atin koo Kiriisto a titaaheen gone, atin laka ꞌdeerka a nyaakhut Aburaahame, toro la ayyinti goorat Waakh Aburaaham igooche, atin laka a muꞌdantahiin.

Galaatiya 3:22

Iꞌdaasenyi Chiirnaanneti Waakh mehe cheekta ya, uskeel weeli enenyete harra tuumman a hide, ꞌdee ꞌdooꞌd Kiriisto ayyinti Waakh gooche, kakhuufnaanki Yeesso Kiriisto lakakhuufo ka ꞌhela.

Galaatiya 3:7

Waha abda, nyaakhut Aburaaham a ꞌdooꞌdi Waakh kakhuufo on.

Rooma 10:11

Iꞌdi Chiirnaanneti Waakh lakachiiruu, “Eti tuummane usu kakhuufo, lakhaanyo ma lakadowo.”

Rooma 10:6

Iꞌdaasenyi jiti Waakh lakakhuufo toro la Waakh enenyet eti fissan iekkaacho ka, “Uur ka iꞌda ma leessi, ‘Ayyo serey irta ichoowka goobi Waakh goya gela?’ ” ꞌDee iꞌdaakka Kiriisto iche harrata lakeena.

Rooma 10:4

Kiriisto jiti amurre Muusa laraaho ꞌdee enenyet ꞌdooꞌdi fiffissan lakayeelo a massiche, ꞌdee eti tuummane Kiriisto rummeeste, Waakh eti fissan iekkaacha.

Yoohana 6:35

Yeesso la wihi us ilaabe, “Ani a gololi rummaate jiro lakeelo. Eti tuummane ani iyamiite, ani irummeesti la, a iꞌdoo us jirtuu iankayine ommos jirtuu isubgaan.

Bakkaahit 9:4

Geeyi harra ommos hoos laka agaameerina liidah. Iꞌdaasenyi eti tuummane sumatti Waakh miin ikakhabin sina kawaaricha iche liidah.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Rooma 9:30

ꞌDeerka mehe nidaahe? ꞌDooꞌdi yaafohi Yaꞌhuud ieheynane goorat jiti icho ꞌdooꞌdi fiffissan liiekkaache iyowan, iche toolla Waakh ꞌdooꞌdi fiffissan iekkaacha jeenteti icho Waakh ikakhuufaan u.

Rooma 9:6

Waha iꞌdoo Yeedi Waakh kufe mee. A mehe ꞌdooꞌdi Yaakoobohi Waakh Issiraayel yidah hiiyyiis kayimiy tuumman mee rumanka Issiraayelenye ꞌdooꞌdi Waakhe.

Rooma 3:26

Toro la Waakh iꞌdane yeele saggi us weyꞌda laka ifissanyahe tusa. Iꞌdaas ka us a fissanyahe toro la eti tuummane Yeesso kakhuufe eti fissane iekkaacha.

Yoohana 8:33

Icho la wihi icho usu ilaabeen, “Nah a nyaakhut nyaakhut Aburaaham, toro et nah injire ifalle mele. Toollaka chirri at, ‘Runti Waakh a atin furta,’ nah idowto, mehe tussa?”

Yoohana 6:47

“Rume atin icheeka, eti tuummane ani irummeesti, jiroti jirtuu imassan a khaba.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

Mattaayo 16:16

Siimonhi Beetero layadeeh wihi us ilaabe, “At a Ki Lasubhe, a Weeli Waakkhi jirtuu tuumman jiro.”

Mattaayo 8:11

Wihi an atin iadeeh, maanti harrata ꞌdubiche yitah, ꞌdooꞌdi ittaawe beri ichoow bahaye kayamiite, Aburaaham ichoow Isakh ichoow Yaakoobo khabaani meelassicho khaattaane, dakhi goobi Waakh ka sukuuku isleegelaan.

Rooma 9:33

Iꞌdi liichiiruu, “Yeya, an ilkerengeetti Saayon goya daakkoo enenyet tarraantarricho gessa, waha la a daddaabtoo enenyet lagaꞌddo. Eti tuummane usu rummeeste la, lakhaanyo ma lakadowo.”

Yoohana 3:33

Chiꞌ etoo yeediis kakhuufe, etaas saggi wihi Waakh yidah rum iyahiin, iche tusa.

Rooma 3:30

iꞌdi tahe Waakh a koo kaldach one, jiti us weeli enenyet tuumman ꞌdooꞌdi fiffissan iekkaacho la a koo kaldach on. Waha la a chirri enenyet Kiriisto kakhuufo on, yaafohi Yaꞌhuude khandiiti eheetteey ichoow yaafohi Yaꞌhuud ieheynane ikhandiyan eheetteey ka ba.

Rooma 4:10

Kakhuufnaanki Aburaaham Waakh kakhuufo la maantoh sagga liikeekkaache? Geeddi Aburaaham liikhandiyin a, bal inkoo lakhandiye yimiy? Waakh Aburaaham inkoo lakhandiye menye, geeddi liikhandiyine eti fissan iekkaache.