Rooma 3:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Iꞌdaasenyi chirri inno ꞌdooꞌdi khokkhollokkhan nahe waha la saggi Waakh tuum ifissanyahe ꞌdooꞌd rumanka tusaan, mehe nidaaheey? Waakh chuꞌus holiis inno tuso, a khollokkhayyahe nadeeh? Waha abda, an saggi ꞌdooꞌd gaasoo iyeyyeedo iche iyeyyeeda.

Rooma 3:5 Referans Kwoze

Rooma 6:19

Jeenteti atin ꞌdabakkhi weeli enenyet ikhabtaan u, an iyookkoyyohi jiroteen ka inno garanni atin kaleeyyeeda. Atin goorat miilassi sartiin a soobihisseene, bowꞌdayyohi biꞌdiri nool ichoow ti hugunꞌdarriti weyti kakhayanto eheet. Saggaas on u taba, miilassi sartiin bowꞌdayyohi fiffissan ibahcha, ꞌdee ꞌdooꞌdi munyee ateeha.

Galaatiya 3:15

ꞌDooꞌd Kiriistokaaw, iyookkoti wohoo orran dakkhan inno garanni atin tusa. Chirri et lamma ayyintoo iskadaagte, et ayyintaas ꞌdol ilaabo ommos wohoo addan kakhayo mele.

1 Koriinto 9:8

An waha mali weeli enenyet kalday on keelda? Chiirnaanneti amurre Muusa laka iꞌdaas on kachiiran menya?

Rooma 7:7

Toollaka wihi inno elanni kamalanni. Amurre Muusa rubeyche a uskeele nadeeh? Mele! Iꞌdaaru laka iꞌdaas mee! Amurretaas rubeycheeda ani wihi uskeel rumanka yahe iabisse. A mehe chirri amurre, “Wihi etoo addan amaanjeeran,” iidaahan, ani rubeyteey wihi etoo addane lamaanjeerti suujoonkicho ma abdi ba.

Rooma 4:1

Kamalda bal, aacchiheenki Aburaaham layadeeh ayta ka mehe isabche?

Rooma 2:5

Iꞌdaasenyi matahenyetiin a mimmiige toro la uurassiin ka uskeeli atin kasoonokhattaan a ꞌdiiꞌddaan. Jeentetaas u atin sinati berri ibeenki Waakh holiis atin tuso toro jiti rummaat ka enenyet hukkumo, a isibuuraassaan.

Bakkaahit 18:20

Atinhi goobi Waakh kajirtaan, taba giꞌde ilkerengeetta weyti kahamaada! ꞌDooꞌdi Waakh ichoow ergaano ichoow ꞌdooꞌdi Waákh íyeyyeedo, taba hamaada. Jeenteti wihi iche atin yeessuu, Waakh iche sina a igooche.’ ”

Bakkaahit 15:3

geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.

1 Koriinto 15:32

Chirri an saggi weeli enenyet on ꞌdooꞌdi ilkerengeetti Efeesso ka iꞌdi binaat u isjahne an iꞌdaakka mehe yeela? Chirri Waakh enenyet omoot ikasookahin, a geeddi an iꞌdi enenyet essuu, “Golossanni, farso laka danno, iꞌdi tahe saahta a tuunna,” an adeeh on gon.

Rooma 12:19

Aalassaay koloo kalday laka aál agutanna, holi Waakhe buure aassiin a gutti. A mehe wihi chiiran, “Aale a taaya, ani baha,” iche Kamur essa.

Rooma 6:1

ꞌDeerka mehe nidaahe? Uskeeli inno yeello on orey ileesohanna yeella ꞌdee haaggi Waakhe buurenye inno imunneynan kakhayma?

Rooma 3:19

Toollaka wihi inno garanni a mehe ya, wihi amurre Muusa goya kachiiran tuumman ꞌdooꞌdi amurretaas anatti iche leeyyeedda. Waakh la iꞌdane yeela, ꞌdee enenyet tuumman wihi us laabti waaya toro la enenyet tuumman hukkuma, sina igoocha.

Rooma 3:7

Etoo kolossoo a geeddi us iꞌda yadeeh, “Chirri beenteey runti Waakh enenyet mujjum tusso ꞌdee koolohi Waakh buuraataan, Waakh a iꞌdoh ani uliba eti uskeel leh ikagoocha?”

Rooma 5:8

Iꞌdaasenyi Waakh saggane geeddi us inno ꞌdoono inno tusa, ꞌdooꞌdi uskeel leh nahaayi, Kiriisto inno iyumuy.

Rooma 8:31

Haagga tuumman a khabna gone, ꞌdeerka mehe nidaahe? Chiꞌ Waakh ankeen jiro, ayyo inno tirrima?

Rooma 9:30

ꞌDeerka mehe nidaahe? ꞌDooꞌdi yaafohi Yaꞌhuud ieheynane goorat jiti icho ꞌdooꞌdi fiffissan liiekkaache iyowan, iche toolla Waakh ꞌdooꞌdi fiffissan iekkaacha jeenteti icho Waakh ikakhuufaan u.

2 Koriinto 6:4

Wihi nah yeello tuumman ka saggi nah rumanka ilbooyyeti Waakh inahe tusna. Saggane wahaas itusna, ꞌhool ka ichoow sinayyohi nah loomhicho ka ichoow chirri mal nah gele a garrahsanna on.

2 Koriinto 7:11

Bal wihi oytintaas saggi Waakh iꞌdoono liiooyo atin ikeento yeya. Saggi atin uskeel iyeeline tusseene, wihi yitah ka hollowteene, wihi soosohti ka la roorro atin gesse. Atinhi iagartaane ꞌdoonteen, atinhi ani igessaane etaas uskeel yeele hukkuntaan iche ꞌdoonteen. Wahaas tuumman ka saggi atin wihi yitah ka eloo rucchul laka ikhabine tusseen.

Galaatiya 2:18

Chaꞌan jiti amurre Muusati laraaho an ꞌhor jire an ꞌdiiꞌde toro toolla kanoolahe, iꞌdaas ka saggi rumanka an uskeel iyeele tusa.