Rooma 3:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Kamalda bal, wihi inno keeylajno a khabna? Mele, wohoo rucchule inno keeylajno ma khabno! Jeenteti inno amurretoo iraahnuu eylajin a nabuuꞌd? Mele, a jeenteti inno Yeesso ikakhuufno on.

Rooma 3:27 Referans Kwoze

Rooma 2:23

Atin amurre Muusati atin khabtaane keeylajjaane, iꞌdaasenyi atin rubeytiin amurreti atin iraahin ka, Waakh lakhaanyo a kadowtaan?

Rooma 4:2

Chirri rumanka Waakh wihi Aburaaham yeele ka usu eti fissan iekkaache, wihi us keeylajo a khaba gon. Iꞌdaasenyi Waakh ortiis ka, Aburaaham walah us yeele us keeylajo mele.

Galaatiya 3:22

Iꞌdaasenyi Chiirnaanneti Waakh mehe cheekta ya, uskeel weeli enenyete harra tuumman a hide, ꞌdee ꞌdooꞌd Kiriisto ayyinti Waakh gooche, kakhuufnaanki Yeesso Kiriisto lakakhuufo ka ꞌhela.

Rooma 2:17

Toollaka atihi Yaꞌhuud istadeeh, amurre Muusa khucchissa, wihi ati ichoow Waakh isitahiin keeylajja.

Rooma 7:21

Maantaka runta gaane jiroteey goyaka abde. Chirri an wihi haaggan yeelin ꞌdoono tuumman, suujoon la garabaaya on raaha.

Galaatiya 2:16

Iꞌdaasenyi wihi nah garanni, eti Waakh ortiis ka eti fissan iekkaacho ki amurre Muusa raaho menye, a ki Yeesso Kiriisto kakhuufo on. ꞌDeerka nah laka Yeesso Kiriisto kakhuufna, ꞌdee amurre Muusati nah raahno ka menye, kakhuufnaanki nah Kiriisto kakhuufno ka, Waakh nah laka ꞌdooꞌdi ortiis ka fiffissan nah iekkaacha. A mehe etoo kaldaye amurre Muusati us raaho ka, Waakh eti ortiis ka fissan iekkaacho mele.

1 Koriinto 4:7

Ayyo ꞌdooꞌdi etoo addan kadeefo atin kayeele? Mehe khabtaane, Waakh atin isiin? Chirri atin lasiiche la, a iꞌdoh iꞌdi etoo iꞌhelin u, ieylajjaan?

Rooma 11:6

ꞌDooꞌda Waakh soobahsate jeenteti icho wohoo haaggan iyeeleen menye, a jeenteti haaggi Waakhe buure on. A mehe chirri Waakh wihi enenyet yeele yeyo, kootte ꞌdeerka iꞌdaakka haaggaas kola haaggi Waakhe buure mee gon.

Rooma 10:5

Wihi Muusa yidahye jita amurreta laraaho ꞌdee enenyet ꞌdooꞌdi fiffissan liiekkaacho miinsan a waha, “Eti tuummane wihi amurre cheekto tuum raaho, amurretaas us raaho ka, jiro ꞌhela.”

Rooma 9:32

Icho a iꞌdoh iꞌhelin? A jeenteti icho kakhuufnaanki icho Waakh kakhuufaan ka iyowanne, icho wihi icho yeeleen ka wahaas iyowteen. Iꞌda ka icho daakki enenyet tarraantarricho kombicheen.

Rooma 9:11

Iꞌdaasenyi Waakh geeddi manꞌdaanoha idelanne icho wohoo haaggan ommos suujoonkoo laka iyeelin, iche saggi us ꞌdooꞌd iwaho ꞌdee wihi us gooche isooꞌhadaan tuse.

Rooma 8:2

Iꞌdi tahe runti gaan Rubeyti Waakh Yeesso Kiriisto ka jiro kikeenta, runtaas gaan la uskeeli omoot keeno a kaasoofurta.

Rooma 7:25

Waakh weyti kalaꞌd ilaaba! A mehe Yeesso Kiriistohi Kamureene ka, Waakh a isoofure. Kola ꞌdeerka saggi an ijiro a iꞌda, maleey ka an a bowꞌdati amurreti Waakh. Iꞌdaasenyi wihi uureey goya kijiro uskeel imoono ka, ani a bowꞌdati miigti uskeel.

Rooma 7:23

Iꞌdaasenyi runtoo gaane miilassi sarteey hil kahaaggisso a jirta. Runtaas gaan ichoow runti gaane maleey ꞌdoono a iꞌdoo icho isdihaan. Toro la runtaas gaane sarteey goya kijirto bowꞌdati uskeeli goyteey kijiro ikayeessa.

Rooma 3:19

Toollaka wihi inno garanni a mehe ya, wihi amurre Muusa goya kachiiran tuumman ꞌdooꞌdi amurretaas anatti iche leeyyeedda. Waakh la iꞌdane yeela, ꞌdee enenyet tuumman wihi us laabti waaya toro la enenyet tuumman hukkuma, sina igoocha.

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

Marko 16:16

Eti rummeesti toro labaattissiyo, a lariba. Iꞌdaasenyi eti irummeysan Waakh uskeel a igoocha.

Rooma 3:26

Toro la Waakh iꞌdane yeele saggi us weyꞌda laka ifissanyahe tusa. Iꞌdaas ka us a fissanyahe toro la eti tuummane Yeesso kakhuufe eti fissane iekkaacha.

Rooma 9:31

Iꞌdaasenyi, ꞌdooꞌdi Issiraayel amurre Muusati laraaho jiti Waakh icho ꞌdooꞌdi fiffissan iekkaacho a yowteene, toro la ma ꞌhelin.