Rooma 3:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Toro la Waakh iꞌdane yeele saggi us weyꞌda laka ifissanyahe tusa. Iꞌdaas ka us a fissanyahe toro la eti tuummane Yeesso kakhuufe eti fissane iekkaacha.

Rooma 3:26 Referans Kwoze

Rooma 4:5

Iꞌdaasenyi weeli enenyet jeenteti wihi us haaggicho menye, jeenteti us Waakkhi ꞌdooꞌdi uskeel leh ꞌdooꞌdi fiffissan iekkaacho ikakhuufo, iche Waakh eti fissan iekkaacha.

Rooma 3:30

iꞌdi tahe Waakh a koo kaldach one, jiti us weeli enenyet tuumman ꞌdooꞌdi fiffissan iekkaacho la a koo kaldach on. Waha la a chirri enenyet Kiriisto kakhuufo on, yaafohi Yaꞌhuude khandiiti eheetteey ichoow yaafohi Yaꞌhuud ieheynane ikhandiyan eheetteey ka ba.

Rooma 8:33

Icho ayyo maanta ꞌdooꞌdi Waakh rubeytiis soobahsate uskeeloo kacheekta? Waakh rubeytiis ꞌdooꞌdaas ꞌdooꞌdi fiffissane iekkaache.

Bakkaahit 15:3

geey Muusahi falfati Waakhe ichoow geeyi Heleem laka doween, “Kamuri Waakhenye Miig Tuumman Leh, wihi at yeesso geeddoo meheenye haag ichoow girma yahiin! Karnati yaafo tuummanoow, wihi at yeesso a wihi rummaate am at kareeto mele.

Luuka 1:80

Yoohana la weynaate, Rubeyti Munyee ka miigowe. Ulla hidaad on fiddiye ichoowka ibeenki us ꞌdooꞌdi Issiraayel isoobaho yitah.

Rooma 3:25

Waakh Yeesso enenyet ortiis ka soorriyo kayeele, ꞌdee diig Kiriisto ka holiiski us inno ikhabe laaba. Chirri etoo saggi Yeesso soorriyoti Waakh iyahe kakhuufe, uskeeliis a liikakuta. Waakh la Yeesso soorriyo kayeele, saggi us iffissanyahe tusa. Waakh la iꞌdane yeele a mehe us a samacchaare, ꞌdooꞌdi orey uskeel yeele sirbi ma gelin.

Rooma 3:27

Kamalda bal, wihi inno keeylajno a khabna? Mele, wohoo rucchule inno keeylajno ma khabno! Jeenteti inno amurretoo iraahnuu eylajin a nabuuꞌd? Mele, a jeenteti inno Yeesso ikakhuufno on.