Maantaka nahi Yaꞌhuude mehe goonna? Innohi yaafohi Yaꞌhuud yaafohi Yaꞌhuud ieheynan a kadeefna? Iꞌdaaru laka ma kadeefno! Saggi an atin ituse u, weeli enenyet tuumman Yaꞌhuud ichoow ki Yaꞌhuud ieheynan ba, uskeele sam dese, woya.
Nah uur a atin miigoonne, uur atin khoboonne, atin hawwaassanne, ꞌdee jiroti Waakh kahamaado jirtaan. A mehe Waakh dakhiis ichoow weynaantiisti ababto a atin iwaha.
Toollaka wihi inno garanni a mehe ya, wihi amurre Muusa goya kachiiran tuumman ꞌdooꞌdi amurretaas anatti iche leeyyeedda. Waakh la iꞌdane yeela, ꞌdee enenyet tuumman wihi us laabti waaya toro la enenyet tuumman hukkuma, sina igoocha.
Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.
Toro la jeenteti icho Waakh garan iꞌdiiꞌdeen u, Waakh icho a ꞌdiiche, uskeeli nool kamassaan. Suujoonki nool on kamassaane, jeentetaas u wihi kootte ikamaline yeelaan.
Maantaka, wihi an ewweenki urur Kiriisto woyo daaho a waha. Ani laka a ewweenkoo iꞌdiinenye, toro la garti saggi Kiriisto sina liiomhiche a laaba. Ani laka maanti us soonokhti weynaantiis a leegisma.
Waakh uliba laka a inno iayyicha nasmetiis a inno siicha. Maantaka taba a isyaakhinno, uus ꞌdee eteenkoo kalday laka meessa nasme eleelin waayin giꞌde.