Rooma 3:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Toollaka Waakh jiti us ꞌdooꞌdi fiffissan inno iekkaacho a soobabbakkaahiche. Jita la ki amurre laraaho menye, a jiti goorat archiiy Chiirnaanneti amurre Muusa ichoow ti ꞌdooꞌdi Waákh íyeyyeedo cheekte.

Rooma 3:21 Referans Kwoze

Hilassi Ergaano 10:43

ꞌDooꞌdi Waákh íyeyyeedo tuumman wihi usu miinsane icho cheekeen, eti Kiriisto rummeeste tuumman, usu ka uskeel a liikakuta.”

Fiiliffi 3:9

ani ichoow Yeesso Kiriisto ba wohoo kalday nateeh. Waakh ani eti ortiis ka fissane iekkaacha, waha la jeenteti an amurre iraaho menye, a jeenteti an Kiriisto ikakhuufo.

Galaatiya 3:8

Chiirnaanneti Waakh saggi Waakh berri yaafohi Yaꞌhuud ieheynan kakhuufnaanki icho usu kakhuufaan ka ꞌdooꞌdi fiffissan iekkaacho a cheekte. Waakh ꞌhor on Wori Haaggan Aburaaham icheeke, wihi us iyidah, “Ati ka yaafohi harra tuumman a liimaala.”

Rooma 5:19

A mehe saggi etoo kaldaye Waakh raahin ꞌdiiꞌde ka, ꞌdooꞌdi ittaawe ꞌdooꞌdi uskeel lehe lakayeele, saggaas on u etoo kaldaye Waakh raahe ka, Waakh ꞌdooꞌdi ittaawe ꞌdooꞌdi fiffissane kayeela.

Rooma 1:17

Wora Haaggan wihi us soobabbakkaahicho a saggi Waakh enenyet ꞌdooꞌdi ortiis ka fiffissan ikayeelo. Waha la koli enenyet Waakh kakhuufe kaldach on yateehiin. Iꞌdi liichiiruu, “Eti Waakh ortiis ka fissan Waakhe rummeesta. Saggaase rumanka jiro ikhaba.”

Rooma 1:2

Wora Haaggane goorat archiiy on Waakh ꞌdooꞌdi Waákh íyeyyeedo ka ayyiche, icho la Chiirnaanneti Waakhe munyee goya kachiireen la,

Hilassi Ergaano 15:11

Mele! Wihi inno rummeysanni a innohi haaggi buurenye inno imunneynane koo Yeessohi Kamureene ka inno laribe. Icho laka a iꞌdaas on.”

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

1 Beetero 1:10

Wori ribnaanka miinsan la ꞌdooꞌdi Waákh íyeyyeedo wihiis weyti yowte toro la mujjum hiisteen. Icho la haaggi Waakhe buurenye inno imunneynane atin iyamiit a cheekeen.

Galaatiya 5:5

Iꞌdaasenyi kakhuufnaanki inno Kiriisto kakhuufno ichoow Rubeyti Munyee ka, wihi inno khajjeello a Waakkhi ꞌdooꞌdi fiffissan inno iekkaacho.

Rooma 16:26

Iꞌdaasenyi runta dagsan toolla weyti lasoobabbakkaahiche. Runtaas la Chiirnaanneti Waakhe ꞌdooꞌdi Waákh íyeyyeedo ka a lacheeke. Waha la saggi Waakkhi jirtuu tuumman jiro iꞌdoono inno isoocheeke, iche liiyeele. Amuri us inno ibahche la a mehe ya, nyaama runtaas yaafohi harra tuumman abcha, ꞌdee Kiriisto a kakhuufeene, toro la a raaheen.

Hilassi Ergaano 26:22

Iꞌdaasenyi ichoowka maalinka Waakh a igargaare. Jeenteti toolla an inta itoollo an ꞌdooꞌdi weynaan laa ichoow ꞌdooꞌdi wewween ba ileeyyeedo a jeentetaas. Wihi an eldi a wihi goorat ꞌdooꞌdi Waákh íyeyyeedo ichoow Muusa ba ꞌdee berri a yateehiin cheekeen on.

Yoohana 1:45

Fiilif Naꞌdaanayel ꞌhele wihi us iyidah, “Nah eti goorat Muusa Chiirnaanneti Amurre ka chiire, ꞌdooꞌdi Waákh íyeyyeedo laka woriis chiireen a ꞌhelle. Ulla a Yeessohi ilkerengeetti Naasarete, a ínam Yuussuf.”

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

Rooma 9:30

ꞌDeerka mehe nidaahe? ꞌDooꞌdi yaafohi Yaꞌhuud ieheynane goorat jiti icho ꞌdooꞌdi fiffissan liiekkaache iyowan, iche toolla Waakh ꞌdooꞌdi fiffissan iekkaacha jeenteti icho Waakh ikakhuufaan u.

Rooma 5:21

Iꞌda ka saggi uskeeli weeli enenyet yeele omoot ikeene idakhtuu, saggaas on haaggi Waakhe buurenye inno imunneynan weeli enenyet idakhta, ꞌdee Waakh Yeesso Kiriistohi Kamureene ka ꞌdooꞌdi fiffissan inno iekkaacha, toro jiroti jirtuu imassan ꞌhella.

Hilassi Ergaano 28:23

Ibeenki icho Baawulo ꞌhelaan goocheene, toro la ꞌdooꞌdi inti us fiddiyo yimiy weyti buuraate. Ulla uus chirdeer ichoowka geleb wori dakhi Waakh miinsan idowdowe toro icheeke. Chiirnaanneti Amurre ichoow ti ꞌdooꞌdi Waákh íyeyyeedo idowdowe wori Yeesso miinsane icho isoojiitaa.

Rooma 3:28

A mehe chirri inno amurre Muusa raahno menye, chirri inno Yeesso kakhuufno kaldach on Waakh ꞌdooꞌdi fiffissan inno iekkaacha.

2 Koriinto 3:9

Chirri hili enenyet uskeel igoocho ababnaanki geeddee khabe, geeddoo meheenye ababnaanki hili enenyet Waakh ortiis ka ficcho kuta.