Rooma 3:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Maantaka etoo kaldaye jeenteti us hili amurretaas ꞌdoonto iyeeluu Waakh ortiis ka eti fissan liiekkaacho ma jiro. Amurretaas ka saggi inno uskeel iyeelle on abanna.

Rooma 3:20 Referans Kwoze

Galaatiya 2:16

Iꞌdaasenyi wihi nah garanni, eti Waakh ortiis ka eti fissan iekkaacho ki amurre Muusa raaho menye, a ki Yeesso Kiriisto kakhuufo on. ꞌDeerka nah laka Yeesso Kiriisto kakhuufna, ꞌdee amurre Muusati nah raahno ka menye, kakhuufnaanki nah Kiriisto kakhuufno ka, Waakh nah laka ꞌdooꞌdi ortiis ka fiffissan nah iekkaacha. A mehe etoo kaldaye amurre Muusati us raaho ka, Waakh eti ortiis ka fissan iekkaacho mele.

Hilassi Ergaano 13:39

Usu ka eti tuummane usu rummeeste, Waakh eti fissane iekkaacha. Iꞌdaasenyi amurre Muusati laraaho ka, Waakh etoo kalday laka eti fissan ma iekkaacho.

Rooma 3:28

A mehe chirri inno amurre Muusa raahno menye, chirri inno Yeesso kakhuufno kaldach on Waakh ꞌdooꞌdi fiffissan inno iekkaacha.

Galaatiya 2:19

A mehe amurre Muusati an raahe ka, woynaanki amurretaas iwoyte a massate, ꞌdee Waakh ijira.

Rooma 4:15

Iꞌdi tahe amurre Muusa holi Waakh on keenta. A mehe chirri amurretaas ijirin, amurre lajebcho mele gon.

Rooma 9:32

Icho a iꞌdoh iꞌhelin? A jeenteti icho kakhuufnaanki icho Waakh kakhuufaan ka iyowanne, icho wihi icho yeeleen ka wahaas iyowteen. Iꞌda ka icho daakki enenyet tarraantarricho kombicheen.

Rooma 5:20

Amurre Muusa a lakasookhaye ꞌdee amurreti lajebcho kakhayanta, iꞌdaasenyi maanti uskeel kakhayme, weyti ꞌdirihiissa haaggi Waakhe buurenye inno imunneynan kakhayme.

Rooma 4:13

Wihi inno garanni, Waakh goorat Aburaaham ichoow nyaakhut nyaakhut Aburaaham ayyinti us igooche a mehe ya, harra tuummane dalhaan. Aburaaham jeenteti us amurre Muusa iraaho ayyinta ma iꞌheline, iꞌdaasenyi jeenteti us Waakh ikakhuufe usu eti fissan liiekkaache, iche Waakh ayyinta igooche.

Galaatiya 5:4

Atinhi amurre raahin ꞌdoontaane ꞌdee Waakh ꞌdooꞌdi fiffissan atin iekkaacho, Kiriisto a atin lakagooche, toro la haaggi Waakhe buure a rogteen.

Rooma 5:13

Rumanka geeddi amurre Muusa enenyet liisiin laka, weeli enenyet tuumman uskeel on yeele, iꞌdaasenyi inti amurre ikajirin, uskeel ma leekkaacho gon.

Rooma 2:13

A mehe ꞌdooꞌdi amurre Muusa nabah on ka daago mee Waakh ꞌdooꞌdi fiffissan iekkaacho. Iꞌdaasenyi ꞌdooꞌdi wihi amurre ꞌdoonto yeelo iche Waakh ꞌdooꞌdi fiffissan iekkaacha.

Rooma 7:11

A mehe uskeel alohaas amurre kasookoosse, iekkeeste alohaas amurre ka iyigis.

1 Koriinto 15:56

Omoote uskeele miigti iche enenyet kabolkhisso kaꞌhessa. Uskeel la amurreti Muusa chiire iche miig kaꞌhela.

Ibiraaniya 7:19

A mehe amurre Muusa walah tuum ma kayeesso. Iꞌdaasenyi khajjeeli inno toolla khabno, khajjeeli goorat inno khabne khuuf on kadeefa, Waakhe inno idowwaachaa.