Rooma 3:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Toollaka wihi inno garanni a mehe ya, wihi amurre Muusa goya kachiiran tuumman ꞌdooꞌdi amurretaas anatti iche leeyyeedda. Waakh la iꞌdane yeela, ꞌdee enenyet tuumman wihi us laabti waaya toro la enenyet tuumman hukkuma, sina igoocha.

Rooma 3:19 Referans Kwoze

Galaatiya 3:10

ꞌDooꞌdi tuummane raahnaanki us amurre Muusa raaho kanool a falanyahe. A mehe wihi chiiran, “Eti orey ikasohanne wihi Buuggi amurre Muusa kachiiran tuumman iraahin a falanyahe.”

Rooma 3:9

Maantaka nahi Yaꞌhuude mehe goonna? Innohi yaafohi Yaꞌhuud yaafohi Yaꞌhuud ieheynan a kadeefna? Iꞌdaaru laka ma kadeefno! Saggi an atin ituse u, weeli enenyet tuumman Yaꞌhuud ichoow ki Yaꞌhuud ieheynan ba, uskeele sam dese, woya.

Galaatiya 5:18

Iꞌdaasenyi chiꞌ Rubeyti Munyee atin woyto, amurre Muusa ma atin anatti gon.

1 Koriinto 1:29

Waakh iꞌdane yeele, uus ꞌdee etoo kalday laka ortiis ka eylajine.

Rooma 3:23

iꞌdi tahe weeli enenyet tuumman uskeel a yeele, weynaanti Waakh kadeeraate.

Galaatiya 4:21

Atinhi amurre Muusati atin anatti ꞌdoontaan, bal isoocheeka, wihi amurre Muusa elatti ma dagansattaan a?

Galaatiya 4:5

ꞌdee ꞌdooꞌdi amurre anatti soogatta toro soofura, ꞌdee Waakh tuum inno khaatta nyaakhutiis nateeh.

Rooma 1:20

A mehe uuꞌ goorat harra lasoouume, weeli enenyet saggi miigti Waakh jirtuu tuumman ijirto ichoow saggi us rumanka Waakh iyahe, a abte. Wahanyeyyoha Waakh leeyahe ma laargo, iꞌdaasenyi wihi Waakh soouume tuumman ka a lagarta. Jeentetaas u, wohoo rucchule icho laabaan ma khabaan.

Yoohana 8:9

Chirri icho waha daageen ka, icho tuumman seley tabeene, tattakkay ka irteen. Kolooraat la araarrinye iratte, ichoowka Yeesso ichoow makhaabál kalday sooꞌhadeen.

Rooma 3:4

Iꞌdaas mee! Chirri weeli enenyet tuumman been goocho laka, Waakh rume leeyahe. Iꞌdi liichiiruu, “ꞌDee atihi Waakhe saggi at rum on ikaayyeeddo laarga, toro la saggi at ꞌdooꞌdi wohoo kaacheekti isoorisso laarga.”

Rooma 3:2

Rumanka Yaꞌhuudhi layahe indigirti buurenye khaba. Kolooraat wori Waakh yaafohi Yaꞌhuude dahan lagesse.

Yoohana 15:25

Iꞌdaasenyi waha toolla a yateehiine, wihi Amurreticho lakachiire labuuhicha, ‘Walah an yeele icho ikaꞌdiiꞌdaan mele.’