Rooma 2:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Wahaas mee etoo Yaꞌhuud kayeelo. Eti rumanka Yaꞌhuude, a ki uuriis ka Yaꞌhuude. Khandihi goyaatteete rummaat la wihi yeelo, amurreti chiiran menye, a Rubeyti Waakhe enenyet urgiyisso. Eti iꞌdaasu luurgiyiche, weeli enenyet menye, Waakhe koolo kaꞌhela.

Rooma 2:29 Referans Kwoze

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

1 'Dessaloonika 2:4

Iꞌdaasenyi nah saggi ꞌdooꞌdi Waakh khaatte, hili Wori Haaggan lakorche iche iyeyyeena. Nah hol ma downo weeli enenyet ma kahamaadinno, Waakkhi uurasseen kajo kahamaadinna.

1 Beetero 3:4

Eykodi atin iseykoddaan ki goytiin kasoobaho jirtuu tuumman ituumin a eheetti. Jiroti samacchaarenye sir laaye Waakh ortiis ka weyti khumman jira.

1 Koriinto 4:5

Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.

2 Koriinto 10:18

A mehe eti iskoolicho rumanka koolo ma khabo. Iꞌdaasenyi eti Kamur khaatti iche koolohi rummaat khaba.

Rooma 7:6

Iꞌdaasenyi toolla amurre Muusa ma inno dakhatti. Amurretaas ka a inno lafure, ꞌdee kola jiti raagane goorat amurretaas chiiran inno iwoyte ma isohanni, jiti husube Rubeyti Munyee inno abisse iche raahna.

Rooma 2:27

ꞌDooꞌdi Yaꞌhuud ieheynane sartiis ka ikhandiyanne toro amurre Muusa raaho, iche atinhi Yaꞌhuude chiirnaanneti amurreta khabtaane khandiyattaane toro la iraahin, saggi atin amur ijebisseene uskeel iyeesseen atin igoocha.

2 Koriinto 3:6

Waakh ꞌdooꞌdi ayyinti husube us gooche ifalin yabuuꞌde nah kayeele. Ayyinta husub la amurreti chiiran menye, a wihi Rubeyti Waakh kayimiy. A mehe amurreti lachiire omoote keenta, iꞌdaasenyi Rubeyti Munyee jiro keenta.

Yoohana 12:43

Iꞌdi tahe koolohi Waakh icho koolicho menye, koolohi weeli enenyet icho koolicho iche ꞌdoonaan.

Yoohana 5:44

Atin goytiinna on ka koolo iskayowattaane, iꞌdaasenyi Waakkhi usu kalday on Waakh yahe, koolo ma kayowattaan. Saggoh ani irummeysattaan?”

Luuka 11:39

Kamur ꞌdeerka wihi us iyidah, “Atinha Farissaayo, kokkoob ichoow baakhuul khariissa dikhtaane, iꞌdaasenyi uuriin goya ꞌdamaam ichoow suujoone buuha.

Rooma 14:17

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.

Yoohana 4:23

Ibeen a yamiite toro la kola a yitah. Ibeenki Rubeyti Waakh ꞌdooꞌd woyto, ꞌdee ꞌdooꞌd Waakh saggi rumanka us iyahe iwahti. Aabbaheey la ꞌdooꞌdi usú saggaas iwahti iche yowta.

Luuka 17:21

Et keley argo, ‘Yeya kalla soosohta,’ ommos, ‘Kuulla soosohta’ yadeeh mele. Iꞌdi tahe dakhi Waakh goytiinna kajira.”

Rooma 3:1

Kamalda bal, yaafohi Yaꞌhuude Waakh soobahsate ꞌdeerka yaafohi Yaꞌhuud ieheynan saggoo a ikadeefaan? Toro la khandihaas Yaꞌhuud indigirtoo khabaayi?

1 Koriinto 7:19

Anki Waakh ka, khandi ommos khandiwaayyo a walahba. Wihi khumman a atihi amurreti Waakh raahto.