Rooma 2:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Maantaka chirri eti Yaꞌhuud ieheynane ikhandiineynan wihi amurre Muusa enenyet kaꞌdoonto raaho, Waakh etaas iꞌdi etoo lakhandiye ma iekkaacho?

Rooma 2:26 Referans Kwoze

Kolossaay 2:11

Toro la atin ichoow Kiriisto a wohoo kalday gone, a atin lakhandiye. Iꞌdaasenyi waha khandihi dahanti weeli enenyet haaggisso menye, a ki Yeesso Kiriisto haaggicho. Iꞌda ka Kiriisto wihi uurassiin goya kijiro uskeel imoono a atin kabahche.

Rooma 8:4

ꞌdee jiroteen ka wihi fiffissane amurretaas inno kaꞌdoonto tuum labuuhicha. A mehe wihi uurasseen goya kijiro uskeel imoono ichoow jiroteen ma israahaane, Rubeyti Waakh ichoow jiroteen a israahaan.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Efeesso 2:11

Maantaka, atinhi yaafohi Yaꞌhuud ieheynan kadelatteen, bal wihi goorat atin ꞌhor eheet kasooꞌhela. Yaafohi Yaꞌhuud mehe atin yadeehiin ya, “ꞌDooꞌdi ikhandiineynan.” Icho la mehe isyadeehiin ya, “ꞌDooꞌdi khandiyan.” Iꞌdaasenyi, khandihaas a wihi enenyet on sar lagoggoocho, dahanti weeli enenyet on yeesso.

Rooma 3:30

iꞌdi tahe Waakh a koo kaldach one, jiti us weeli enenyet tuumman ꞌdooꞌdi fiffissan iekkaacho la a koo kaldach on. Waha la a chirri enenyet Kiriisto kakhuufo on, yaafohi Yaꞌhuude khandiiti eheetteey ichoow yaafohi Yaꞌhuud ieheynane ikhandiyan eheetteey ka ba.

Mattaayo 15:28

Yeesso ꞌdeerka wihi us ilaabe, “Makhaabassa, at weyti ani ikakhuufta, nyaam, wihi at daahte a kiyeelaa.” Chirraas on inantiche samaatte.

Rooma 2:25

Khandihi Yaꞌhuude atin khandiyattaan indigir a atin ikhaba chaꞌatin amurre Muusa raahtaan. Iꞌdaasenyi chaꞌatin amurre Muusa iraahin a iꞌdoo atin ikhandiineynan.

Rooma 2:27

ꞌDooꞌdi Yaꞌhuud ieheynane sartiis ka ikhandiyanne toro amurre Muusa raaho, iche atinhi Yaꞌhuude chiirnaanneti amurreta khabtaane khandiyattaane toro la iraahin, saggi atin amur ijebisseene uskeel iyeesseen atin igoocha.

Galaatiya 6:15

A mehe khandi ommos khandiwaayyo mee khumman. Wihi khumman, a atihi kola uumacchotoo husub titah.