Rooma 2:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Khandihi Yaꞌhuude atin khandiyattaan indigir a atin ikhaba chaꞌatin amurre Muusa raahtaan. Iꞌdaasenyi chaꞌatin amurre Muusa iraahin a iꞌdoo atin ikhandiineynan.

Rooma 2:25 Referans Kwoze

Galaatiya 6:15

A mehe khandi ommos khandiwaayyo mee khumman. Wihi khumman, a atihi kola uumacchotoo husub titah.

Hilassi Ergaano 7:51

“Atin a matah miig mehe? Uurassiin ichoow dogtiin a iꞌdi wihi ꞌdooꞌdi Waakh ikakhuufin. Atin a iꞌdi aacchinyetiinna, kol dakkhan Rubeyti Munyeenye tirrintaan.

Rooma 2:28

Eti rumanka Yaꞌhuude ki wihi indo ka laargo kalday menye, ommos khandihi rummaat ki sarti kharaate laaggoocho mee.

Rooma 2:23

Atin amurre Muusati atin khabtaane keeylajjaane, iꞌdaasenyi atin rubeytiin amurreti atin iraahin ka, Waakh lakhaanyo a kadowtaan?

Rooma 2:13

A mehe ꞌdooꞌdi amurre Muusa nabah on ka daago mee Waakh ꞌdooꞌdi fiffissan iekkaacho. Iꞌdaasenyi ꞌdooꞌdi wihi amurre ꞌdoonto yeelo iche Waakh ꞌdooꞌdi fiffissan iekkaacha.

Rooma 2:26

Maantaka chirri eti Yaꞌhuud ieheynane ikhandiineynan wihi amurre Muusa enenyet kaꞌdoonto raaho, Waakh etaas iꞌdi etoo lakhandiye ma iekkaacho?

Rooma 2:27

ꞌDooꞌdi Yaꞌhuud ieheynane sartiis ka ikhandiyanne toro amurre Muusa raaho, iche atinhi Yaꞌhuude chiirnaanneti amurreta khabtaane khandiyattaane toro la iraahin, saggi atin amur ijebisseene uskeel iyeesseen atin igoocha.

1 Koriinto 7:19

Anki Waakh ka, khandi ommos khandiwaayyo a walahba. Wihi khumman a atihi amurreti Waakh raahto.

Galaatiya 6:13

ꞌDooꞌdi Yaꞌhuude khandiiti laka, amurre Muusa tuum ma raaho. Iꞌdaasenyi icho atinhi atin lakhandiyo ꞌdoonaane, ꞌdee khandihiin ka eylajaan.