Rooma 2:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Atin ꞌdooꞌdi wihi Waakh miinsan ka ꞌdalammee jite tussaane, ꞌdooꞌdi iiꞌdowin jiti Waakh abissaan. Iꞌdi tahe atin mehe tissibtaan ya, amurre Muusa ka, buuhi runti Waakh enenyet abcho a khabtaan.

Rooma 2:20 Referans Kwoze

2 Timooti 3:5

ꞌDooꞌdi Waakh tuum raaho iskaayyeela, iꞌdaasenyi miigti Wori Haaggan jiroticho ka a ꞌdiiꞌdaan. ꞌDooꞌdi iꞌdee buj.

Tiito 1:16

ꞌDooꞌda Waakh a garanna essa, iꞌdaasenyi jiroti icho jiraan ka Waakh a ꞌdiiꞌddanyahiin. Weyti laꞌdiiꞌddanyahe, yeed ma daagaane, haaggoo rucchul laka yeelin ma yabuuꞌdiin.

2 Timooti 1:13

Kakhuufnaanki at Kiriisto kakhuufto ichoow ꞌdooninti at ꞌdooꞌdi addan ꞌdoonto ka, wor Yeesso ki rummaate at ikadaagte mujjum jurkhi, a mehe ati ichoow Yeesso Kiriisto ba a wohoo kalday.

1 Koriinto 3:1

ꞌDooꞌd Kiriistokaaw an saggi ꞌdooꞌdi Rubeyti Munyee woyto ma atin ileeyyeedine, iꞌdaasenyi iꞌdoo atin ꞌdabakkhi weeli enenyete harrata ikhabtaane atin ileeyyeede. Toro la kakhuufnaanki atin Kiriisto kakhuuftaan ka atin a iꞌdi nyaakhuti nahas nuugo.

Rooma 6:17

Waakh weyti kalaꞌd ilaabno giꞌde! Chirri atin goorat bowꞌdayyohi uskeel eheneet laka, toolla uurassiin ka runti Waakhe dahantiin lasoogesse tuum a raahteen.

1 Beetero 2:2

Iꞌdi nyaakhuti rurrucchule dessuu, taba atin laka Wori Haaggan iꞌdi haanuut u iamuuma, ꞌdee ribnaankiin ka weynaada.

Ibiraaniya 5:13

A mehe eti tuummane haanu kalday on damo a weeli nucchule, wihi fissane kootte liiꞌdoono us yeelo ma garti.

Mattaayo 11:25

Yeesso chirraakka weeste wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse.

Rooma 2:19

Saggi at eti ki indo laa angaamicho, at banayhi ꞌdooꞌdi mugꞌdi goya kijiro, Waakh igaran itahe a tissibta.

Rooma 3:31

Maantaka chiꞌinno kakhuufnaanki Waakh lakakhuufo on khumummaanno, amurre Muusa ꞌdol nassil? Mele, iꞌdaas mee! Rumanka chiꞌinno Waakh kakhuufno kaldache amurretaas laka miigoonna.

Yaakoobo 3:1

ꞌDooꞌd Kiriistokaaw, buurtiin iiche ꞌdooꞌdi enenyet Yeedi Waakh abcho itaahan. A mehe a garattaane Waakh nahi Yeedi Waakh enenyet abinno, ꞌdooꞌdi addan ꞌdirihiissa nah hukkuma.