Rooma 2:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Saggi at eti ki indo laa angaamicho, at banayhi ꞌdooꞌdi mugꞌdi goya kijiro, Waakh igaran itahe a tissibta.

Rooma 2:19 Referans Kwoze

1 Koriinto 4:10

Jeente Kiriistuu nah ꞌdalamme nah lakoogyahe, iꞌdaasenyi jeenteti atin ichoow Kiriisto wohoo kalday itahiin u, kharayyo atin lakoogyahe. Nah a ꞌdaꞌddarannahe, iꞌdaasenyi atin a mimmiig, nah a nah laꞌdarraawa, atin la a atin liinkaanyita.

Yoohana 9:34

Waha ka wihi icho laabeen, “At uskeel goya kadelatte, toro la uskeel goya on kaweynaatte. Saggoh toollaka nah walah nah iabissa?” Khar iseyeen.

Mattaayo 15:14

Woricho ꞌdiicha! Icho a iꞌdi ꞌdooꞌdi indo laaye, toro enenyeti indo laa angaamicho. Etoo indo laa chuꞌus koo indo laa angaamicho, lammache ankhar a iskaleedihta.”

Mattaayo 6:23

Iꞌdaasenyi chirri indohaah suujyahiin sartaah mugꞌdi buuha. ꞌDeerka chirri banayhi at khabto lajicche at mugꞌdihi reebenye goya kijirta.

Mattaayo 5:14

“Atin iꞌdi banay u, enenyeti harratane jiti Waakh tussaan, ilkerengeetti hal sartiis kadisan la ma ladabo.

Fiiliffi 2:15

Iꞌda ka nyaakhuti Waakhe wohoo rucchul laka liikacheekanne toro la eloo rucchul laka ikhabine tateehiin. Atin ꞌdooꞌdi iꞌdeenye khollokkhane toro ꞌdooꞌdi addan baabiicho goycho ka, a iꞌdi yiyyihimohi harrata ka mugꞌdi goya kabildiikho,

1 Koriinto 3:18

Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Luuka 1:79

ꞌdee ꞌdooꞌdi mugꞌdihi omooteet goya kajiro serey ka banay sootusa, inno yaakhicha, jiti nebeyeet inno gata.”

Marko 10:15

Rume atin icheeka, eti dakhi Waakh saggi weeli rucchul ikakhaatan, koloo kalday laka goobi Waakh ma gelo.”

Mattaayo 4:16

Atinhi mugꞌdihi uskeel goya fiddiiteen, banayhi Waakhe buure a agarteen. ꞌDooꞌdi ili oosinti omooteet fiddiye, banay a isookoreen.

Rooma 2:18

Toro la wihi Waakh kaaꞌdoono a abatte, wihi haaggan ichoow wihi suuje seley bihin a tabuuꞌd. Waha la a jeenteti amurre Muusa kiabisse.

Rooma 2:20

Atin ꞌdooꞌdi wihi Waakh miinsan ka ꞌdalammee jite tussaane, ꞌdooꞌdi iiꞌdowin jiti Waakh abissaan. Iꞌdi tahe atin mehe tissibtaan ya, amurre Muusa ka, buuhi runti Waakh enenyet abcho a khabtaan.