Rooma 2:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Toollaka atihi Yaꞌhuud istadeeh, amurre Muusa khucchissa, wihi ati ichoow Waakh isitahiin keeylajja.

Rooma 2:17 Referans Kwoze

Rooma 2:23

Atin amurre Muusati atin khabtaane keeylajjaane, iꞌdaasenyi atin rubeytiin amurreti atin iraahin ka, Waakh lakhaanyo a kadowtaan?

Bakkaahit 2:9

Sinati atin loomhicho ichoow miskiinkiin a garda. Iꞌdaasenyi atin a kamurre! Saggi ꞌdooꞌdoo Yaꞌhuud isyadeehe toro la Yaꞌhuud ieheynan suujoonki nool atin ikadowo a garda, iꞌdaasenyi icho a minki weysiite Yaꞌhuude Seytaan dakhti.

Rooma 9:32

Icho a iꞌdoh iꞌhelin? A jeenteti icho kakhuufnaanki icho Waakh kakhuufaan ka iyowanne, icho wihi icho yeeleen ka wahaas iyowteen. Iꞌda ka icho daakki enenyet tarraantarricho kombicheen.

Yoohana 5:45

Iꞌdaasenyi kol an Aabbaheey ortiis ka uskeeli atin yeesseen cheeko akoogeynana. Eti atin cheekti, a Muusahi atin khajjeel kakhabtaan.

Mattaayo 3:9

Taba la iisekkeysanna, ‘Aburaaham a aacchihaanya,’ eelanna. Wihi an atin icheeko, Waakh a geeddi us dagahta urgiyicho us nyaakhut nyaakhut Aburaaham kayeelo.

Bakkaahit 3:9

Idagansada! ꞌDooꞌdi minki weysiite Seytaan dakhti a ꞌdooꞌdi Yaꞌhuud essi, iꞌdaasenyi ꞌdooꞌdi Yaꞌhuud ieheynane been goocho a jira. An ꞌdooꞌdaas a sookhaata, ortiin ka jilbo il kaguꞌddaane, toro la saggi an atin iꞌdoono abtaan.

Bakkaahit 3:1

“Herti Waakhe keleyenye urur Kiriistoki Sardi itolosso waha ichiir. Ki rubeyohi Waakhe teebee khuccho toro la bakkaalleti teebee khuccho farniinkiis a kan. Wihi atin yeessaan a garda. ꞌDooꞌd kol atin jiro khabtaane koogyahe, iꞌdaasenyi atin a tuunteen.

Efeesso 2:11

Maantaka, atinhi yaafohi Yaꞌhuud ieheynan kadelatteen, bal wihi goorat atin ꞌhor eheet kasooꞌhela. Yaafohi Yaꞌhuud mehe atin yadeehiin ya, “ꞌDooꞌdi ikhandiineynan.” Icho la mehe isyadeehiin ya, “ꞌDooꞌdi khandiyan.” Iꞌdaasenyi, khandihaas a wihi enenyet on sar lagoggoocho, dahanti weeli enenyet on yeesso.

Galaatiya 2:15

“Nah delmaat ka a Yaꞌhuud. Nah yaafohi Yaꞌhuud ieheynane innohi Yaꞌhuud uskeele kaassohtaan elanni mee.

2 Koriinto 11:22

Icho a ꞌdooꞌdi Ibiraaniya? Ani laka. Icho saggi ꞌdooꞌdi Issiraayele Waakh iwahtaan? Ani laka. Icho hiiy Aburaahame kayimaateen? Ani laka.

Yoohana 8:41

Wahanyeyyohi aabbahiin yeele on atin laka yeessaan.” Icho la wihi icho ilaabeen, “Nah iꞌdi nyaakhuti eysingꞌalaje mee. Aabbahi kaldaye nah khabno a Waakh rubeytiissa.”

Yoohana 8:33

Icho la wihi icho usu ilaabeen, “Nah a nyaakhut nyaakhut Aburaaham, toro et nah injire ifalle mele. Toollaka chirri at, ‘Runti Waakh a atin furta,’ nah idowto, mehe tussa?”

Yoohana 7:19

Muusa amurre ma atin siinna? Iꞌdaasenyi etiin amurretaas raaho mele. A iꞌdoh ani ogoos imarantaan?”

Luuka 10:28

Yeesso wihi us ilaabe, “At a eysiisse, tab giꞌde wahaas yeele, ꞌdee jiroti imassan ꞌhel.”

Yoohana 5:39

Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Rooma 3:27

Kamalda bal, wihi inno keeylajno a khabna? Mele, wohoo rucchule inno keeylajno ma khabno! Jeenteti inno amurretoo iraahnuu eylajin a nabuuꞌd? Mele, a jeenteti inno Yeesso ikakhuufno on.