Rooma 2:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Chirri ꞌdooꞌdi Waakh igaranne amurre Muusa ikhabin, uuricho on woyo wihi amurre elatti raaho, ꞌdooꞌda saggi us amurre iraaho tusa chiꞌicho amurre ikhabin laka.

Rooma 2:14 Referans Kwoze

Rooma 2:12

ꞌDooꞌdi Yaꞌhuud ieheynan amurre Muusa walah iche leetahe mele. Chirri icho uskeel yeelaan, Waakh icho a baabiicha chiꞌ amurreta wohoo ileeheynan laka. Iꞌdaasenyi yaafohi Yaꞌhuud amurre Muusa anatta gone, chirri icho uskeel yeelaane, amurretaas iraahin, Waakh icho amurretaase kahukkuma.

Rooma 2:27

ꞌDooꞌdi Yaꞌhuud ieheynane sartiis ka ikhandiyanne toro amurre Muusa raaho, iche atinhi Yaꞌhuude chiirnaanneti amurreta khabtaane khandiyattaane toro la iraahin, saggi atin amur ijebisseene uskeel iyeesseen atin igoocha.

Efeesso 2:12

Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Hilassi Ergaano 17:30

Goorat ꞌhor Waakh enenyeti aytiis igaran walah us iekkaache mele, iꞌdaasenyi toolla amuri us enenyet tuumman meelbaaw us kijiro ka ibahcho, a ki icho uskeelicho kasoonokhtaan.

Hilassi Ergaano 10:35

Iꞌdaasenyi Waakh ꞌdooꞌdi il tuummane usu karooro wihi fissan yeelo a khaatta.

Rooma 1:32

Icho wihi fissane Waakh enenyet kaꞌdoono us ꞌdooꞌdi jiroti iꞌdee jiro omoot ikagoocho a gartaan. Eheetteey laka, icho orey on isohtaane, uskeel yeelaane, toro la ꞌdooꞌdi addane wihi iꞌdaase yeelo laka leekhabtaan.

1 Koriinto 11:14

Weeli enenyet tuumman goyaka, chirri eti mejele tinti derdeer khabo lakhaanyo ma iskadowo?

Fiiliffi 4:8

ꞌDooꞌd Kiriistokaaw, wihi ꞌdaꞌddaboote an atin iadeeh, taba wihi rummaate toro la enenyet inkaanyito ichoow wihi fissan ichoow wihi miꞌdabe ichoow wihi enenyet ꞌdoono ichoow wihi haag khabo ichoow wihi weyti deefo ichoow wihi lasaaꞌdo kamalda.

Hilassi Ergaano 14:16

Kholoyyohi kute ka Waakh yaafo tuumman a ꞌdiiche, tooba jitiche tabte.

Rooma 2:15

Sohoticho wihi us tuso a mehe ya, wihi amurre Muusa enenyet kaꞌdoonto a iꞌdoo uurassicho goya lakachiire. Rubeyohichoki haag ichoow suujoon seley saaho laka waha a cheekaan. Toro la malassicho ankoo ka saggi icho uskeel iyeeleene cheekaane, ankoo ka la a iyeyyeedaane saggi icho haag iyeeleen icheekaan.

1 Koriinto 9:21

ꞌDooꞌdi amurre Muusa ikhabin ka la, an iꞌdi eti amurre Muusa ikhabine iskayeele, ꞌdee iꞌda ka ꞌdooꞌdi amurreta ikhabin Kiriisto ikeena. Iꞌdaasenyi an amurreti Waakh ma ꞌdiiꞌdo, toro la amurre Kiriisto ianatta.

Efeesso 2:3

Inno tuumman laka ꞌhor iꞌdichooda eheete, wihi uurasseen goya kijiro uskeel imoono on iamuunne, uskeeli uurasseen ichoow malasseen ꞌdooneen on maanjeeranne. Inno iꞌdi ꞌdooꞌdi addan u wihi inno imale a holi Waakh.