Rooma 16:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Andirooniko ichoow Yuuniya bariiticha. Icho goorat jeela ikaleejireene toro la a yaaftaaya. Lammacheba la a ergaanoti weyti lagarti, toro la ortaaya Kiriisto rummeesteen.

Rooma 16:7 Referans Kwoze

Rooma 16:21

Timootihi ullaka hil Kiriisto ka iwalhicho a atin soobariitiche. Luukiyo ichoow Yaason ichoow Soosibatiro laka a atin soobariiticheen. Icho a yaaftaaya.

Rooma 16:11

Heroodiyonhi yaafteeye bariitoteey eleelicha. ꞌDooꞌdi goob Narkiise Kamur rummeeste bariiticha.

Fiilemon 1:23

Ebaabarahi jeenteti us wor Yeesso Kiriisto ꞌdooꞌd ikacheekuu jeela ikaleejiro a kisoobariitiche.

Kolossaay 4:10

Aristaarkohi jeela ikaleejiro laka a atin soobariitiche. Markohi Barnaba abaayyahiis yahe laka a atin soobariitiche. Amuri usu miinsan a ꞌhesseene, chiꞌ Marko atin iyimiy, mujjum martiisda.

Efeesso 2:10

A mehe Waakhe wihi toolla inno nahe inno kayeele. Wohoo kaldaye inno ichoow Yeesso Kiriisto nahe ka a inno soouume ꞌdee hilassi hahhaaggane Waakh goorat inno itannabiche kaassahanna.

Galaatiya 1:22

Maantaas la urur Kiriistoki boroofenhi Yaꞌhuudiya kijiro, et injire iarge mele.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

1 Yoohana 5:20

Wihi inno garanni Weeli Waakh a yimiyye, miigti inno wahanyeyyohi Waakh kaabanni inno siiche, ꞌdee saggi Waakh rum iyahe abanna. Toolla la inno ichoow Waakkhi rummaat a wohoo kaldaye, inno ichoow Yeesso Kiriistohi Weeliise laka a wohoo kalday. Us a Waakkhi rummaate, toro a jiroti jirtuu imassan.

1 Yoohana 4:13

Saggi inno goytiis ikijirro ulla goyteen ikijiro a garanna, a mehe us Rubeytiisti Munyee a inno siiche.

Galaatiya 6:15

A mehe khandi ommos khandiwaayyo mee khumman. Wihi khumman, a atihi kola uumacchotoo husub titah.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Galaatiya 2:6

ꞌDooꞌda urur ꞌdooꞌdi wewween ikhaato laka Wori Haaggane an enenyet abche walah icho kakhayeen mele. Wihi ꞌdooꞌda eheet, ani ka a walahba. A mehe Waakh enenyet fool mee yeyo.

2 Koriinto 11:23

An saggi sirgo iyeyyeeda. Icho a ilbooyye Kiriisto? An ilbooy ka icho a kuta. ꞌDirihichooda hili miige haaggiche, ꞌdirihichooda jeela ka liihide, ꞌdirihichooda laajja ka liijahe, ꞌdirihichooda liigaasan leheet laka.

2 Koriinto 5:21

Waakh Kiriistohi uskeeloo rucchul laka iyeeline meesseen ka eti uskeel leh kayeele, ꞌdee Kiriisto ka fissanoonki Waakh inno liiekkaacha.

1 Koriinto 1:30

Iꞌdaasenyi jeenteti wihi Waakh yeeluu, atin ichoow Yeesso Kiriisto ba a wohoo kalday. Kiriisto la kharati Waakh katimiyye inno liikayeele. Kharataas ka la Kiriisto ꞌdooꞌdi fiffissane inno kayeele toro la inno munyaache toro la inno gatte, uskeel inno kasoofure.

Rooma 8:1

Maantaka ꞌdooꞌdi icho ichoow Yeesso Kiriisto ba wohoo kalday yahiin, Waakh icho ma hukkumo, sina la ma igoocho.

Yoohana 15:2

Aabbaheey la eti tuummane iꞌdi liikhimeet u ani ikatoollo gurnaan idelin, a goocha. Eti tuummane iꞌdi liikhimeet u gurnaan delo la, Aabbaheey mujjume yeela, ꞌdee gurnaanki buure bahcha.

Yoohana 14:20

Maantaas saggi ani ichoow Aabbaheey wohoo kalday inahe, atin ichoow ani wohoo kalday inahe, toro la ani ichoow atin wohoo kalday inahe a kassaan.

Yoohana 6:56

Eti tuummane sarteey yahame diiggeey la damo, goytaaya fiddiya, anna goytiissa fiddiya.

Galaatiya 2:2

An jeenteti wihi Waakh isoobabbakkaahiche iirde. Reeri ꞌdooꞌd Kiriisto woyo magah khabo kalday on Wori Haaggane an yaafohi Yaꞌhuud ieheynan icheeko, woriis icheeke. An mehe karoore ya, hili an orey haaggiche ichoow ki toolla an haaggicho, usuhi ki ilmarhaatteet yateeh ma ꞌdoono.

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Rooma 9:3

jeenteti ꞌdooꞌdeey u. Chirri kootte iche tateehe an yaafteey indigirtoo igelo, incheenka Waakh a ifala, ꞌdee ani ichoow Kiriisto ba seley bahna.

Rooma 16:3

Birisiila ichoow Akiila bariitoteey eleelicha. Hil Yeesso Kiriisto ka a iswalhinna.

Rooma 16:6

Maariyati goorat jeentetiin u weyti hol dowte bariiticha.

Rooma 16:8

Aaleeyki an weyti ꞌdoono Kamur ka ani ichoow usu ba wohoo kalday nahe, Ambiliyaanto layadeeh bariiticha.

Rooma 16:9

Urbaanohi ullaka hil Kiriisto ka inno walhicho bariiticha. Aaleeyki an weyti ꞌdoono Isitaaku layadeeh bariiticha.

Rooma 16:10

Abeelehi kakhuufnaanki us Kiriisto kakhuufo ka lakaje bariiticha. Goob Ariistobulo bariitoteey eleelicha.

2 Koriinto 12:2

An etoo usu ichoow Kiriisto wohoo kalday yahiine guꞌh tomon ichoow affar kutte goobi Waakh ka inti seeyyahnaatteet liikorche a garda. Sar kijiryeey ommos sar ma kijirineey ka ba an ma gardi, Waakh on garta.