Rooma 16:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Timootihi ullaka hil Kiriisto ka iwalhicho a atin soobariitiche. Luukiyo ichoow Yaason ichoow Soosibatiro laka a atin soobariiticheen. Icho a yaaftaaya.

Rooma 16:21 Referans Kwoze

Hilassi Ergaano 20:4

ꞌDooꞌdi usu walhiche a inam Birroki ili Beeroya, Soobarro layadeeh ichoow Aristaarkos ichoow Sekundohi ilkerengeetti ꞌDessaloonika ichoow Gaayohi ili Deerbe. ꞌDooꞌdi ili Aassiya Baawulo walhiche la a Tuuchiko ichoow Turofiimo. Timooti laka Baawulo a walhiche.

Hilassi Ergaano 17:5

Iꞌdaasenyi ꞌdooꞌdi Yaꞌhuud inaaf gele, ꞌdeerka ꞌdooꞌdoo sussuuje sokko ka soobaayicheene, ururi suuje yitaaheene ilkerengeet tuumman wereericheen. Minki etoo Yaason layadeeh dihte, kol Baawulo ichoow Siila minkaas kijiraane koogyihiine, ꞌdee reeraas khaatta enenyet igeessa.

Hilassi Ergaano 13:1

Urur Kiriistoki ilkerengeetti Antiyookhiya kijiro ꞌdooꞌdoo Waákh íyeyyeedo ichoow ꞌdooꞌdoo Yeedi Waakh ꞌdooꞌd abcho goya a kijire. Icho la a Barnaba ichoow Siimiyonhi Nigeer layadeeh ichoow Luukiyohi ili Kureene kayimiy ichoow Manaayenhi gaafanahi ꞌHerood Antiiba layadeeh weyneeste ichoow Saawulo.

Rooma 16:11

Heroodiyonhi yaafteeye bariitoteey eleelicha. ꞌDooꞌdi goob Narkiise Kamur rummeeste bariiticha.

Rooma 16:7

Andirooniko ichoow Yuuniya bariiticha. Icho goorat jeela ikaleejireene toro la a yaaftaaya. Lammacheba la a ergaanoti weyti lagarti, toro la ortaaya Kiriisto rummeesteen.

Ibiraaniya 13:23

Wihi addane an atin isoocheeko, walaaleenki Timooti layadeeh jeela ka a lasoofure. Chuꞌus dowwa isooeleele la, a issooraahna ꞌdee atin sooarga.

2 Timooti 1:2

Eti an isoochiiro la a ati Timooti. At la a iꞌdi weeleeyki an weyti ꞌdoono. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane, toro la nebey kaakaalaan.

1 Timooti 6:20

Timooti, wihi Waakh dahantaah soogesse mujjum yaakhi. ꞌDooꞌdi yeedi ꞌdalame inkaanyitoo rucchul laka Waakh ikakhabin ichoow iriirti ilmarhaatteete icho been ka a garanti rummaat essaan nabah iisudin.

1 Timooti 6:11

Iꞌdaasenyi at a eti hili Waakh haaggicho. Maantaka uskeelaas tuumman kafirid. Hol dowe jiroti fissan yowo, jiroti Waakh kahamaado jire, Waakh kakhuufe, ꞌdooꞌdi addan ꞌdoone, garrahso toro samacchaar ateeh.

1 Timooti 1:2

Eti an isoochiiro la, a ati Timooti. Ati jiroti inno Kiriisto kakhuufno ka a weelaaya. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane toro la nebey kaakaalaan.

2 'Dessaloonika 1:1

Khadaaba ꞌdooꞌdi atin isoochiiro a ani, Baawulo ichoow Silfaano ichoow Timooti. ꞌDooꞌdi nah isoochiirro la a atinhi urur Kiriisteenye ilkerengeetti weene ꞌDessaloonika taalliine, koo Waakkhi Aabbaheenenye toro la koo Yeesso Kiriistohi Kamure.

1 'Dessaloonika 3:6

Iꞌdaasenyi toolla Timooti a soonokhte. Wori haaggane us keene a atinhi uliba Kiriisto kakhuuftaane toro la uliba isꞌdoontaan. Wihi addane us yidah, a atinhi uliba hamaad ka nah kasooꞌhessaane, ichoow saggi atin argin nah iꞌdoontaan saggi nah laka toolla argin atin iꞌdoonnuu.

1 'Dessaloonika 3:2

Toro la Timooti atin isooeregne. Us a eteenki koo Kiriisteenye, hili Waakh ka a wahalhaanya, Wori Haaggane Kiriisto miinsane ꞌdooꞌd icheeka. Usu a sooeregne, ꞌdee kakhuufnaanki atin Yeesso Kiriisto kakhuuftaan ka atin miigoocha toro la atin faajjiya.

1 'Dessaloonika 1:1

Khadaaba ꞌdooꞌdi atin isoochiiro a ani Baawulo ichoow Silfaano ichoow Timooti. ꞌDooꞌdi nah isoochiirro la a atinhi urur Kiriisteenye ilkerengeetti weene ꞌDessaloonika taalliine, koo Waakkhi Aabbaheene ichoow koo Yeesso Kiriistohi Kamure. Waakh ba atin imaala, nebey atin kakaala.

Kolossaay 1:1

Khadaaba eti atin isoochiiro a ani, Baawulohi Waakh saggi us iꞌdoono on u ergaano Yeesso Kiriisto ikayeesse. Timootihi koo Kiriistee laka a iskhabna.

Fiiliffi 1:1

Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

2 Koriinto 1:19

A mehe Yeesso Kiriistohi Weeli Waakhenye ani ichoow Silfaano ichoow Timooti woriis atin icheekne, koloo kalday laka, “Aa,” ichoow, “Mele,” ma isleeyadeeh. Iꞌdaasenyi usu ka a, “Aa,” kalday on.

2 Koriinto 1:1

Khadaaba ꞌdooꞌdi atin isoochiiro a ani, Baawulohi jeenteti Waakh isoobahsatuu ergaano Yeesso Kiriistee ichoow eteenki ullaka koo Kiriisteenye Timooti layadeeh. ꞌDooꞌdi nah khadaaba ichiirro la, a ururi Waakhe ilkerengeetti weene Koriinto kijiro, ichoow ꞌdooꞌdi Waakhe boroofenhi Akhaaya kajiro tuumman.

Hilassi Ergaano 19:22

Baawulo geeddi us ibeennetoo boroofenhi Aassiya fiddiyo reeroo lammeenye kiisenye usu gargaaro ili Makedooniya iergate. Reera a Timooti ichoow Eraasta.

Hilassi Ergaano 18:5

Maanti Siila ichoow Timooti ili Makedooniya kayimaateen ka, Baawulo Yeedi Waakhe us cheeko kalday miinsate, ꞌdooꞌdi Yaꞌhuud saggi Yeesso rumanka Ki Lasubhe iyahe icheeke.

Hilassi Ergaano 17:14

ꞌDooꞌdi Kiriisto rummeeste chirraas on Baawulo khaate, beyti buure afiche eleeliche, iꞌdaasenyi Siila ichoow Timooti Beeroya fiddiyeen.

Rooma 9:3

jeenteti ꞌdooꞌdeey u. Chirri kootte iche tateehe an yaafteey indigirtoo igelo, incheenka Waakh a ifala, ꞌdee ani ichoow Kiriisto ba seley bahna.