Rooma 16:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² A atin daaha, jeenteti atin ichoow Kamur ba wohoo kalday itahiin u, nyaama soodowweesda toro la wihi iche atin kaꞌdoonto kagargaara. Iꞌda yeela iꞌdi ꞌdooꞌdi Waakh isiyeeluu. Iꞌdi tahe Fiibi rubeyche ꞌdooꞌdi ittaawenye gargaarte, toro la ani laka a igargaarte.

Rooma 16:2 Referans Kwoze

Fiiliffi 2:29

Iꞌdi eti Kamur rummeestuu, taba hamaadi buure ka usú martiisda, ꞌdooꞌdi iꞌdiise laka inkaanyita.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

2 Yoohana 1:10

Chiꞌ etoo atin iyimiyye ulla wori us keene, wori Kiriisto enenyet abche buusanyahe, etaas urantiin laka asoogelinna ommos bariito laka abariitinna.

Fiilemon 1:17

ꞌDeerka chirri rumanka at ani hil Kiriisto ka iꞌdi wahalhaah ikhaatto, Oneesmo saggi kootte at ani imartiisatti imartiiso.

Fiilemon 1:12

Usuhi an uureey ka weyti ꞌdoono a kisoolaaba.

Tiito 2:3

Iꞌdaasu la, deyyehoti araarrinyee laka wihi at itadeeh, jiroticho ka, saggi deyyehoti munyee ijira. Iiche enenyet meꞌdeꞌddeeline, farsoti sabiib barin. Iꞌdaasenyi wihi haaggan enenyet a abisso,

2 Timooti 1:18

Kamur ba usu gargaara, ibeenki ꞌdaꞌddaboot Kamur usu uur isoonugleesta. Geeddi us ilkerengeetti Efeesso ka igargaare rumanka a garatta.

1 Timooti 2:10

Iꞌdaasenyi deyyehoti ꞌdooꞌdi Waakh istadeeh, wihi lakasooraaho a haaggi iche yeesso.

Kolossaay 4:10

Aristaarkohi jeela ikaleejiro laka a atin soobariitiche. Markohi Barnaba abaayyahiis yahe laka a atin soobariitiche. Amuri usu miinsan a ꞌhesseene, chiꞌ Marko atin iyimiy, mujjum martiisda.

Efeesso 5:3

Atin a ꞌdooꞌdi Waakhe munyee gone, uus goytiin ka wahanyeyyohi iꞌdee jirin, ꞌdooꞌdi isidisanne isleeurꞌdo ommos biꞌdiri nool ommos suujoonki uurassiin goya kasoobaho ommos ꞌdamaam.

Rooma 16:23

Gaayohi an leefiddiye urur Kiriisto minkiis ka kulmo a atin soobariitiche. Eraastahi chilimmeti ilkerengeeteet khuccho ichoow eteenki koo Kiriisteenye Kuwaarto layadeeh a atin soobariiticheen.

Rooma 16:9

Urbaanohi ullaka hil Kiriisto ka inno walhicho bariiticha. Aaleeyki an weyti ꞌdoono Isitaaku layadeeh bariiticha.

Rooma 16:6

Maariyati goorat jeentetiin u weyti hol dowte bariiticha.

Rooma 15:7

Taba giꞌde, saggi Kiriisto atin ikhaattuu, saggaas isikhaadda, ꞌdee enenyet Waakh a saaꞌdo.

Hilassi Ergaano 9:41

Ulla dahan sookhabte toolliche. ꞌDeerka muunkheyyo ichoow ꞌdooꞌdi Kiriisto rummeeste soowahe, ichehi nool dahanticho gesse.

Hilassi Ergaano 9:39

Beetero la icho raahe. Chirri us sooeleele ka, lakhaate goonankaas saraat lageeche. Deyyehoti ittaawenye muunkheyyee la intaase tolossa ooyta. Ubbaarreti derdeer ichoow kabuuꞌddeti iche geeddi iche jirte tosse, Beetero tuseen.

Hilassi Ergaano 9:36

Ilkerengeetti Yooba ka makhaabassoo abatti Kiriisteenye Tabiita layadeeh a jirte. Magahiche afi Giriig ka a Dorkas. Afaf lammacho ka chiꞌ lalaabe a Hoól. Iche la kol tuumman ꞌdooꞌd wihi haaggane iyeesse, toro la miskiino gargaarte.

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Hilassi Ergaano 9:13

Anaaniya wihi us ilaabe, “Kamur, ꞌdooꞌdi ittaawe wori eta a isiiche, suujoonki noole us ꞌdooꞌdi Waakhe ilkerengeetti weene Yeerusaleem kijiro yeele a daage.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Rooma 16:15

Filoologaas ichoow Yuuliya ichoow Neereya ichoow walaassiis ichoow Oliimbaas ichoow ꞌdooꞌdi Waakhe tuummane icho iskhabaan bariitoteey eleelicha.