Rooma 16:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Tirafeenna ichoow Tirafoossa bariiticha. Deyyehota weyti Kiriisto hol idowta. Beersiti weyti aaleeyenye hili buure Kamur ihaaggisse bariitoteey eleelicha.

Rooma 16:12 Referans Kwoze

1 Koriinto 16:16

ꞌdooꞌdi iꞌdaase ichoow ki addane hil leehaaggicho aficho akutina.

1 Koriinto 15:58

Maantaka ꞌdooꞌd Kiriistoki an weyti ꞌdoono, mujjum tolossada, uus wohoo rucchul laka atin sesseehin. Kol dakkhan hili Kamur tuum haaggicha. Iꞌdi tahe saggi atin igarattaan u, hili atin Kamur ihaaggissaan ki ilmarhaatteet mee.

1 Timooti 4:10

Jeentetuu la weyti hol downa, tirriinsanna, jeenteti inno Waakkhi jiro khajjeel ikakhabnuu. Waakkha la a ꞌDoorribehi enenyet tuummane, kach ka la ꞌdooꞌdi usu rummeeste.

1 'Dessaloonika 1:3

Kol dakkhan Waakkhi Aabbaheene ortiis ka saggi jeenteti atin Kiriisto ikakhuuftaan u hili haaggan ihaaggissaan ichoow jeenteti atin usu iꞌdoontaan u hol idowtaan ichoow jeenteti atin Yeesso Kiriistohi Kamureene khajjeel ikakhabtaan u igarrahsattaan, a kasooꞌhella.

Kolossaay 4:12

Ebaabarahi kiinenye, falfa Yeesso Kiriistee, a atin soobariitiche. Us kol tuumman geeddi us yabuuꞌde hol dowa Waakh atin isoowaha, ꞌdee mujjum tolossaane, iiꞌdowtaane, ꞌdee wihi tuummane Waakh atin kaꞌdoono rumanka abattaan.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

Mattaayo 9:38

Maantaka Kamuri gurnaan leh daaha, ꞌdee ꞌdooꞌdi ittaawenye gurnaan soogoocho a sooergo.”

Mattaayo 5:47

Chirri atin ꞌdooꞌdiinna on bariitissaan la walah addane atin ꞌdooꞌdi addan ꞌdirihiis yeesseen mele. ꞌDooꞌdi Waakh igaran laka iꞌdaas a yeela on.

Rooma 16:11

Heroodiyonhi yaafteeye bariitoteey eleelicha. ꞌDooꞌdi goob Narkiise Kamur rummeeste bariiticha.

Rooma 16:13

Ruufohi Kamur soobahsate kiis kayeesse ichoow abartiisti ani laka saggi weeliche iwoywoyte bariiticha.