Rooma 16:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Abeelehi kakhuufnaanki us Kiriisto kakhuufo ka lakaje bariiticha. Goob Ariistobulo bariitoteey eleelicha.

Rooma 16:10 Referans Kwoze

Rooma 14:18

Eti tuummane iꞌdaasu Kiriisto ifalo la, Waakh a kahamaada, weeli enenyet laka a jilhaata.

1 Beetero 1:7

Sinayyoha a atin isoobaheene kakhuufnaanki atin Waakh kakhuuftaan kajaane, ꞌdee saggi us ki rummaat iyahe toro eloo rucchul laka ikhabin tusaan. Kakhuufnaanka Waakh lakakhuufo gatoti ꞌdahab laka a kussanyahe. A mehe ꞌdahabi kheerowo laka ꞌdabe lakakaja toro la ꞌdabe dikha. Maanti Yeesso Kiriisto harra tuumman liisoobabbakkaahicho ka kakhuufnaankiin koolo ichoow weynaan ichoow inkaanyiti buure ꞌhela.

1 Timooti 3:10

Toro la koloo jiroti icho Kiriisto goyaka jiraan a lafiiricho. Chirri wohoo rucchul laka liikacheekan ꞌdeerka hili ꞌdooꞌd lagargaaro a geleen.

Fiiliffi 2:22

Iꞌdaasenyi Timooti saggi us rumanka indigir ikhabe us enenyet tuumman ituse a garattaan. Ani ichoow Timooti iꞌdi ooyo ichoow inankiissa Wori Haaggan isileecheekne.

2 Koriinto 8:22

Toro etoo addane koo Kiriisteenye icho kaꞌdarra. Usu jitassi ittaawe ka saggi us rumanka wahanyeyyo Kiriisto uur ikakhabo a tuse. Ulla toolla jeenteti us weyti atin ikakhuufuu weyti gargaar atin ꞌdoona.

2 Koriinto 2:9

Khadaaba an atin isoochiire ka a atin kaja, ꞌdee usu atin wihi an yeela atin iidah tuumman yeessaan abda.

1 Koriinto 11:19

A mehe koobbinohaas goytiinna kijiraane, ꞌdee goytiin ka ꞌdooꞌdi rumanka koo Kiriistee laarga.

2 Timooti 4:19

Bariitoteey Birisiila ichoow Akiila ichoow min Oneesiferas ba eleeli.

Rooma 8:11

Toro la chirri rumanka Rubeyti Waakhe Yeesso omoot kasookihisse goytiin fiddiito, saggaas Waakh Kiriisto omoot ikasookahche, saggaase Rubeyta goytiin fiddiito ka, sartiinta tamuut jiro ikasoolaaba.

Rooma 16:3

Birisiila ichoow Akiila bariitoteey eleelicha. Hil Yeesso Kiriisto ka a iswalhinna.

Rooma 16:7

Andirooniko ichoow Yuuniya bariiticha. Icho goorat jeela ikaleejireene toro la a yaaftaaya. Lammacheba la a ergaanoti weyti lagarti, toro la ortaaya Kiriisto rummeesteen.

2 Koriinto 5:17

Maantaka eti tuummane usu ichoow Kiriisto wohoo kalday yahiin a uumacchotoo husub. Jiroti raagan a kasootabe, too husube jira.

2 Koriinto 12:2

An etoo usu ichoow Kiriisto wohoo kalday yahiine guꞌh tomon ichoow affar kutte goobi Waakh ka inti seeyyahnaatteet liikorche a garda. Sar kijiryeey ommos sar ma kijirineey ka ba an ma gardi, Waakh on garta.

Galaatiya 1:22

Maantaas la urur Kiriistoki boroofenhi Yaꞌhuudiya kijiro, et injire iarge mele.