Rooma 15:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ A mehe wihi an atin icheeko, Kiriisto falfati yaafohi Yaꞌhuude khandiiti iche yitah. Falfatichoti us yitah ka la, saggi Waakh liikakhuufo us ayyinti us aacchinyeteenti oraat igooche irummaache iche tusa.

Rooma 15:8 Referans Kwoze

Mattaayo 15:24

Wihi us makhaabál ilaabe, “Ani Waakh a isooerge ꞌdee ꞌdooꞌdi Issiraayele iꞌdi iiyti baabaatee kalday yowda.”

Yoohana 1:11

Us ꞌdooꞌdiissa iyimiyye, iꞌdaasenyi ꞌdooꞌdiis usu ma khaatan.

2 Koriinto 1:20

A mehe Waakh ayyinti tuummane us ayyiche, Kiriisto ka a buuhiche. Maantaka kol dakkhan chiꞌinno Waakh koolinno Yeesso Kiriisto ka, “Aamiin,” iche nadeeh.

Yoohana 10:16

ꞌDooꞌdoo addane iꞌdi iiyteeyenye, woyheey goya ikajirin a jira. Kaas laka a soodowa. Icho laka hooyeey a dagansataane, icho tuumman la iꞌdi woyhoo kaldache ersinkoo kaldach khabo yateehiin.

Rooma 15:16

Iꞌdi tahe an a falfa Yeesso Kiriisto, ꞌdooꞌdi yaafohi Yaꞌhuud ieheynane liisooerge. An hili kuhaani haaggicha, Wori Haaggane Waakh iche cheeka, ꞌdee ꞌdooꞌda iꞌdi soorriyoti Waakh kahamaado Rubeyti Munyee munyaasse yateeh.

Rooma 3:3

Rumanka gaasichokoo Waakh ma kakhuufin. Jeenteti icho Waakh ikakhuufin u Waakh koloo kalday laka ayyintiis ma jebcho.

Efeesso 2:12

Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Rooma 11:30

Atinhi ꞌdooꞌdi ilassi addan goorat Waakh raahin a ꞌdiiꞌddeen. Toolla la ꞌdooꞌdi Issiraayel Waakh a raahiwwaaye gone, Waakh uur a atin isoonugleeste.

Rooma 11:22

Mujjum saggi Waakh uur iꞌdabakhyahe us uskeel ikagarrahsan isiyeya. Waakh ꞌdooꞌdi uskeel kaassohti a hukkuma, sina igoocha. Atin la uuri ꞌdabakhenye atin tusa, chirri atin saggi us iꞌdoono isohattaan. Koli addan la, atin laka Waakh a atin jebcha, atin roga.

Rooma 4:16

Maantaka ayyinti Waakh ꞌdooꞌdiis igooche, ꞌdooꞌdi usu kakhuufo on ꞌhela ꞌdee haaggi Waakhe buure ka nyaakhut nyaakhut Aburaaham tuumman iꞌdaanu rumanka lasiicha. Ayyintaas la nahi amurre Muusa raahno kalday menye, ꞌdooꞌdi tuummane saggi Aburaaham Waakh ikakhuufe Waakh ikakhuufo laka a miinsantahe. Jita ka Aburaaham a ooyohi inno tuummane,

Rooma 3:26

Toro la Waakh iꞌdane yeele saggi us weyꞌda laka ifissanyahe tusa. Iꞌdaas ka us a fissanyahe toro la eti tuummane Yeesso kakhuufe eti fissane iekkaacha.

Hilassi Ergaano 13:46

Iꞌdaasenyi Baawulo ichoow Barnaba wihi icho roorro laan soolaabeen, “Wihi nah lakaꞌdoono, a nahi Yeedi Waakh kolooraat atin isoocheekno. Jeenteti atin iꞌdiiꞌddeene, saggi atin jiroti armaanjireen ikamalin isikeekkaasseen u la, kola yaafohi Yaꞌhuud ieheynane iiranna.

1 Koriinto 15:50

ꞌDooꞌd Kiriistokaaw, wihi an atin icheeko kallaayo, sarti weeli enenyete jid ichoow diig khabto dakhi Waakh ma muꞌdan. Ommos wihi kheerowo inti berri walah ikakheerowin ma muꞌdan.

1 Koriinto 10:29

Waha la jeenteti rubeytaahti haag ichoow suujoon seley saahto menye, a jeenteti rubeyti etaas. A mehe a iꞌdoh furnaanki an furanahe ka wihi an yeelin ꞌdoono rubeyti etoo addane waha a suuj ielatti u ijeycha?

Mattaayo 20:28

Saggaas on u, Ínam Aadam ma imaatane ꞌdee enenyet usu ma ifalo, iꞌdaasenyi a yimiyye ꞌdee us ꞌdooꞌd ifala, rubeytiis diiba, ꞌdee enenyeti ittaawe mogti uskeelicho iguta.”

1 Koriinto 10:19

Iꞌda ka mehe elda ya, soorriyoti iyookkoyyohi waakkhakh lakayeessi liibahche ommos iyookkoyyoha waakkhakh lakayeessi walah icho yahiin mele.

1 Koriinto 1:12

Wihi an eldi a mehe ya, gaasiinkoo mehe essa ya, “Ani Baawulo raaha,” gaasoo la, “An Aboollo raaha,” essaane, gaasoo la “An Keefase raaha,” gaasoo la “Ani Kiriisto raaha,” essaan.