Rooma 15:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Taba giꞌde, saggi Kiriisto atin ikhaattuu, saggaas isikhaadda, ꞌdee enenyet Waakh a saaꞌdo.

Rooma 15:7 Referans Kwoze

Mattaayo 10:40

“Eti tuummane atin khaatti, ani ikhaatta. Eti ani ikhaatti la, Waakkhi ani isooerge iche khaatta.

Yoohana 13:34

“Amuroo husube atin siicha. Taba isꞌdoona. Saggi an atin iꞌdoone, atin laka saggaas isiꞌdoona.

Rooma 5:2

Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.

Efeesso 1:18

Wihi addane an Waakh daaho, a malassiinki lafuro ꞌdee walah seyyah abattaan. Khajjeeli us atin iwahe abattaane, buurti kamurroonka noole atinhi ꞌdooꞌdi Waakhe atin muꞌdan abattaane,

Luuka 9:48

Wihi us icho iyidah, “Eti tuummane jeenteti us abattiteey iyahuu weela rucchul martiisti, ani imartiista. Eti tuummane ani imartiisti la eti isooergate martiista. A mehe eti goytiin ka weyti rucchul usu weyti ween.”

Marko 9:37

“Eti tuummane jeenteti us abattiteey iyahuu, nyaakhuta rurrucchul kichekoo martiisti, ani imartiista. Eti ani imartiisti la, ani menye eti isooergate martiista.”

Luuka 15:2

Iꞌdaasenyi Farissaayo ichoow tagaammeti amurre ba nyunnyuweene wihi icho yidaaheen, “Eta ꞌdooꞌdi uskeel lehe soodowweesta toro leegolossata!”

Efeesso 1:12

ꞌdee weynaanti Waakh nahi Yaꞌhuudenye kolooraat Kiriisto kakhuufne koolo nah kaꞌhessa.

Rooma 15:9

Kiriisto la a yimiyye ꞌdee yaafohi Yaꞌhuud ieheynan Waakh saaꞌdaan jeenteti us enenyet uur ikasoonugleestuu. Iꞌdi liichiiruu, “Maantaka an ꞌdooꞌdi yaafohi Yaꞌhuud ieheynan goyaka a kikoolicha, geeyo ka magahaah a saaꞌda.”

Yoohana 6:37

“Eti tuummane Aabbaheey dahanteey soogesso ani iyamiit. Anna eti tuummane ani iyimiy jirtuu ma riho.

Kolossaay 3:13

Taba giꞌde chiꞌ etoo atin kaholloocho laka igarrahsada on. Chirri etoo ki addan wohoo kakhabo laka, etaas a ikakuto. Saggi Kamur uskeel atin ikakutuu, saggaas on u atin laka ꞌdooꞌdi addan uskeel ikakuta.