Rooma 15:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Iꞌdi tahe urur Kiriistoki boroofenhi Makedooniya ichoow ki Akhaaya ba, baaysihi icho ꞌdooꞌdi Waakhe miskiinenye ilkerengeetti weene Yeerusaleem kagargaaraan a soobaayicheen.

Rooma 15:26 Referans Kwoze

2 Koriinto 9:12

A mehe hila ꞌdooꞌd lagargaaro atin gessaan ꞌdooꞌdi Waakh gargaar kalday ma gargaaro, iꞌdaasenyi kalaꞌddi buurenye Waakh liilaabo laka a dela.

2 Koriinto 9:2

Iꞌdi tahe saggi atin rumanka gargaar iꞌdoontaan a garda. Anna ꞌdooꞌdi boroofenhi Makedooniya ka bihin a atin kaguꞌdde, saggi atinhi boroofenhi Akhaaya kijirtaan baaysi ka guꞌhi kute itannabatteen cheeke. Uuriinkaas haaggan la buurche a kululaache ichoowka icho laka gargaar bihine ꞌdoonaan.

Fiilemon 1:5

Iꞌdi tahe saggi at Yeessohi Kamureene ikakhuufto toro la at ꞌdooꞌdi Waakh tuumman iꞌdoonto, a daaga.

1 Koriinto 16:15

Woriiyye goob Isteefana miinsan a garattaan. Icho a ꞌdooꞌdi kolooraate boroofenhi Akhaaya ka Kiriisto rummeeste, hili ꞌdooꞌdi Waakh liihilo ka issoobahche. ꞌDooꞌd Kiriistokaaw, a atin hawwaasde,

Hilassi Ergaano 18:12

Maanti Gaalliyo ili Akhaaya iweynaate ka, ꞌdooꞌdi Yaꞌhuud tuumman yimiyye Baawulo khabte, kootiin ortiis geecheen.

Hilassi Ergaano 16:9

Ibeen ka Baawulo fooltabcho ka etoo ili Makedooniya isootoollo hawwaasti, “Kaale Makedooniya amiite, nah gargaar,” idowo arge.

Luuka 14:13

Iꞌdaasenyi chirri at sukuuku bihisso, ꞌdooꞌdi miskiine ichoow ki maꞌdee, iꞌdi maanta ki luhlo laa ichoow ki indo laa wah.

Luuka 6:20

Yeesso la abattitiis yeye, wihi us yidah, “ꞌDooꞌdi Waakh imaalo, a atinhi toolla miskiine, a mehe dakhi Waakh a kiinna.

Mattaayo 26:11

Miskiin kol dakkhan goytiinna kakhabtaane, iꞌdaasenyi ani kol dakkhan ma ikhabtaan.

Mattaayo 25:40

“Karnat la wihi us ilaabo, ‘Rume atin icheeka, wihi atin ꞌdooꞌda irummeeste wohoo liikoogeynan iyeesseen, a iꞌdoo atin ani iyeesseen.’

Hilassi Ergaano 9:13

Anaaniya wihi us ilaabe, “Kamur, ꞌdooꞌdi ittaawe wori eta a isiiche, suujoonki noole us ꞌdooꞌdi Waakhe ilkerengeetti weene Yeerusaleem kijiro yeele a daage.

Hilassi Ergaano 16:12

Intaas ka kahne, ilkerengeetti Fiiliffi gelle. Fiiliffi la a ilkerengeetti oraate ili Makedooniya. Makedooniya la ꞌdooꞌdi ili Roomeenye anta. Ilkerengeettaas geeddoo fiddiine.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

1 Koriinto 16:5

Boroofenhi Makedooniya amiite, ꞌdee atin sooꞌdaara. Iꞌdi tahe boroofenhi Makedooniya goya leeamiit.

2 Koriinto 1:16

Iꞌdi tahe anihi maanti an Boroofenhi Makedooniya isohdi atin leeamiite toro la maanti an Makedooniya kasoonokhdi laka atin leeamiit iche ꞌdoone. Atin la ꞌdee sohoteeyki an ili Yaꞌhuudiya isohdi ka luhlo iyeessaan.

2 Koriinto 2:13

Iꞌdaasenyi jeenteti an eteenki koo Kiriisteenye Tiito layadeeh iꞌhelin u, weyti uur isuujowe. ꞌDeerka ꞌdooꞌd a Waakh atin bariisti iidahye, katabe, ilkerengeetti Makedooniya imiy.

2 Koriinto 7:5

A mehe maanti nah boroofenhi Makedooniya nimiy sarteenyo ma nasin. Iꞌdaasenyi ꞌdolloheenyo tuumman sina kijirte. Khareenyo jaakhe kijire goyteenyo la roorro kijirte.

2 Koriinto 9:4

Iꞌdi tahe chirri ꞌdooꞌdoo koo Kiriistee ili Makedooniya ka isooraahe atinhi itannaban atin sooeleele, jeenteti nah atin ikakhuufnuu atin ꞌdiiche nah laka lakhaanyo a nah khaatatta.

2 Koriinto 11:9

Maanti an atin leejire, chirri an walah waaye, et an hulees korche mele. Iꞌdi tahe ꞌdooꞌd Kiriistoki boroofenhi Makedooniya kayimiy wihi ikaankhan a isoobuuhiche. An hulees injire ma atin korinne, toro la uliba laka orey on isohda iꞌda yeela.

Fiiliffi 4:15

Atinha ꞌdooꞌd Kiriistoki ilkerengeetti Fiiliffee a garattaanee, ibeenneti kolooraate atin Wori Haaggan daagteen, maanti an boroofenhi Makedooniya kakahe, atin kaldaye ururre Kiriisto tuumman goyaka chilimme ileegisanteen.

1 'Dessaloonika 1:7

Jeentetaas u ꞌdooꞌdi Kiriisto rummeeste boroofenhi Makedooniya kijiro ichoow ki boroofenhi Akhaaya kijiro ba iyookko a ititaaheen.

1 'Dessaloonika 1:8

A mehe wori Kamur miinsane goytiin kasoobahe, ꞌdooꞌdi boroofenhi Makedooniya ichoow ki boroofenhi Akhaaya laka a khaatte. Toro la wori saggi atin Waakh ikakhuuftaan il tuumman a kataaꞌhe. Maantaka wohoo rucchule nah kakhayno laka ma jiraan.

1 'Dessaloonika 4:10

Rumanka la ꞌdooꞌdi Kiriisto rummeeste boroofenhi Makedooniya kijiro tuumman a ꞌdoontaan. Iꞌdaasenyi ꞌdooꞌd Kiriistokaaw, a atin hawwaassanne, taba kakhaya weyti ꞌdoona.

1 Timooti 1:3

Maanti an boroofenhi Makedooniya isohdi a kihawwaasde, ilkerengeetti Efeesso fiddiye kiidah. Efeesso fiddiita ꞌdee ꞌdooꞌdi worassi beenaate Waakh miinsan ꞌdooꞌd abcho amur ibihissa wahaas a toollicheen.