Rooma 15:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Iꞌdaasenyi toolla rubeyche ilkerengeetti weene Yeerusaleeme isohda, ꞌdooꞌdi Waakhe ilaas kajiro wihi lasoobaayiche igeechaa.

Rooma 15:25 Referans Kwoze

Hilassi Ergaano 24:17

“Inkoo an guꞌhassoo tuumman khar kijire ka ilkerengeetti weene Yeerusaleem isoonokhde, yaafteeyti Yaꞌhuude miskiine chilimme ikeene, sadakha laka bahche.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Hilassi Ergaano 20:22

“Toolla la Rubeyti Munyee iche ilkerengeetti weene Yeerusaleem iwoyta, wihi intaas ka iyateeh la ma gardi.

Hilassi Ergaano 20:16

Baawulo la usuhi kooban ka ilkerengeetti Efeesso ikuto iche gooche. Usuhi ibeennetoo boroofenhi Aassiya fiddiyo ma ꞌdoonin. A mehe usuhi dowwa ilkerengeetti weene Yeerusaleem chirri iche tateeh ibeenki daawti Beentekos ka eleelo ꞌdoona.

Hilassi Ergaano 18:21

Iꞌdaasenyi chirra us kaho ka, “Chirri Waakh ꞌdoono a atin isoonokhda,” iyidahye, kooban kore ilkerengeetti Efeesso kabahe.

Galaatiya 2:10

Wihi kaldache icho nah daaheen a mehe ya, ꞌdooꞌdichoki miskiinee a lakasooꞌhelo. Anna wahaas a wihi an uureey kakhabo on.

Hilassi Ergaano 9:13

Anaaniya wihi us ilaabe, “Kamur, ꞌdooꞌdi ittaawe wori eta a isiiche, suujoonki noole us ꞌdooꞌdi Waakhe ilkerengeetti weene Yeerusaleem kijiro yeele a daage.

Rooma 12:13

Wihi atin khabtaan ꞌdooꞌdi Waakhe gargaar ꞌdoono leegisma, toro la artohiin faha, marti urmohiin a soogesso.

2 Koriinto 8:4

weyti nah hawwaasteene, ꞌdee ꞌdooꞌdi Waakhe ilkerengeetti Yaꞌhuudiya kijiro haaggi hila khumman leegismaan.

2 Koriinto 8:6

ꞌDeerka Tiitohi hilaas chilimme labaayicho sookhabte hawwaassanne, hili wihi atin diibtaan massi inidah.

Ibiraaniya 6:10

Waakh wihi imale on yeela. Usu wihi atin yeessaan ma kadabo, ommos ꞌdooninti atin usu tusatteen ma kadabo. ꞌDooninta la mehe lakaarga ya, gargaari atin ꞌdooꞌdi Waakh gargaarteene, uliba laka atin gargaartaan.

1 Koriinto 16:4

Chirri iche mujjum tahe, a geeddi an laka irdi icho la iraahaan.