Rooma 15:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Ulla miigti Rubeyti Munyee ka wahanyeyyohi miigti Waakh tuso ichoow wihi weeli enenyet yeelin iubaaꞌdan ba yeele, icho Waakh iwoye. Iꞌdaas ka la ani Wori Haaggane Kiriisto miinsan tuume cheeke. Ilkerengeetti weene Yeerusaleeme kasookhabde ichoowka ili Iliriiko eleeliche.

Rooma 15:19 Referans Kwoze

2 Koriinto 12:12

Goytiin ka wihi eti ergaanee tuso iꞌdi maanta wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdan garrahsihi buure ka a layeele.

Ibiraaniya 2:4

Waakh rubeytiis la ribnaankaas rummaache. Saggi us irummaache la a iꞌda, wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdane yeele, toro la saggi us iꞌdoono on u, siinti Rubeyti Munyee ꞌdooꞌd gise.

Galaatiya 3:5

Waakh Rubeyti Munyee a atin siicha, wihi ittaawenye weeli enenyet yeelin iubaaꞌdan goytiin ka yeela. Waha a jeenteti atin amurre Muusa iraahteen a? Mele! A jeenteti atin Wori Haaggan idaagteene irummeysatteen gon.

2 Timooti 4:17

Iꞌdaasenyi Kamur a ileejire, miig isiiche, ꞌdee anna farniin tuum cheeka, ꞌdee yaafohi Waakh igaran tuumman daagaan. Ulla kootiinki Rooma ka omoot a ikaribe.

Hilassi Ergaano 20:6

Nah la inkoo Daawti Makaateti Liikhasin kutte ka kooban ka ilkerengeetti Fiiliffi kakahne. Ibeen chan sohanne ꞌdooꞌd ilkerengeetti Tuurowa ka toro ikhayne. Teebatoo intaas fiddiine.

Hilassi Ergaano 17:10

Uus il ibeennowe ka ꞌdooꞌdi Kiriisto rummeeste Baawulo ichoow Siila ilkerengeetti Beeroya ierge. Chirri icho Beeroya geleen ka minki weysiite Yaꞌhuud irteen.

Hilassi Ergaano 20:20

Maanti an ꞌdow ka ichoow minassiin ka Yeedi Waakh atin icheeke, wihi indigir atin ikhabo tuumman uureey tuumman ka a atin abche. Iꞌdaasenyi saggi an kolba minkoo igele an Yeedi Waakh atin iabche a garattaan.

Hilassi Ergaano 19:1

Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele.

Hilassi Ergaano 18:19

Chirri icho ilkerengeetti Efeesso yimaateen ka, Baawulo Birisiila ichoow Akiila intaas katabe. Baawulo minki weysiite Yaꞌhuud irte, ꞌdooꞌdi Yaꞌhuud leehawwooche.

Hilassi Ergaano 18:1

Inkoo waha kuteen ka Baawulo ilkerengeetti Aaꞌden kabahe ilkerengeetti Koriinto irte.

Hilassi Ergaano 17:15

ꞌDooꞌdi kootte Baawulo khaate la, Baawulo raahe ichoowka ilkerengeetti Aaꞌden eleelicheene intaas ka nokhteen. Baawulo Siila ichoow Timooti amur ibahche ꞌdee dowwa ilkerengeetti Aaꞌden ka usu a isookhayeen.

Hilassi Ergaano 16:18

Iche la ibeenneti ittaawe iꞌdaas yeesse ichoowka Baawulo weyti hollowe, iurgiye, ginna leeyeede wihi us iyidah, “Antohi magah Yeesso Kiriisto ka, amure kibahcha, inanta kasoobah!” Chirraas on ginna inám kabahte.

Hilassi Ergaano 15:12

Chirra Baawulo ichoow Barnaba wahanyeyyohi miigti Waakh tuso ichoow girmohi Waakh icho ka yaafohi Yaꞌhuud ieheynan iyeele cheekaan ka nabah isudeene, urur tuumman ba rukkuy gooche.

Hilassi Ergaano 14:25

intaas ka ilkerengeetti Beerga ka Yeedi Waakh cheekeen. Ilkerengeetti Attaaliya ikhubteen.

Hilassi Ergaano 14:20

Iꞌdaasenyi inkoo abatti Baawulo kakhaaratte ka, Baawulo sookahe icho raahe ilkerengeet leegele. Saahka usu ichoow Barnaba ba ilkerengeetti Deerbe ikaheen.

Hilassi Ergaano 14:10

kariire, “Kahe tolosso,” iyidah. Geeddaas on ka et serey isoonyaame sohannaan sookhabte.

Hilassi Ergaano 14:6

Iꞌdaasenyi Baawulo ichoow Barnaba yeedaas kaseene ilkerengeetti Deerbe ichoow ti Luussira distriighi Lukahooniya kajirto ichoow ili tuummane isoodow ifirdeen.

Hilassi Ergaano 13:51

Ergaano ꞌdeerka ebeeri luhlohicho fuulo wihi iche ꞌdooꞌdaas kacheekatti tuso ijahte, ꞌdeerka ilkerengeetti Ikooniyo iratte.

Hilassi Ergaano 13:14

Ilkerengeetti Beerga kakaheene ilkerengeetti Antiyookhiya boroofenhi Bisiidiya kijirto irteen. Seeri Lanaso ka minki weysiite Yaꞌhuud geleene orronteen.

Hilassi Ergaano 1:8

Iꞌdaasenyi maanti Rubeyti Munyee atin isooyagte, miig a ꞌhessaane, atin la weheeyki atin garattaan cheektaan. Ilkerengeetti weene Yeerusaleem ka ichoow boroofenneti Yaꞌhuudiya ichoow ti Saamariya ka ichoow harra tuumman ka cheektaan.”

Yoohana 4:48

Yeesso la wihi us iyidah, “Atin sammata atin wahanyeyyohi miigti Waakh tuso ichoow girmo iargin ma irummeysattaan.”

Mattaayo 12:28

Iꞌdaasenyi chirri an Rubeyti Waakh ka ginnayyo bahcho, waha saggi dakhi goobi Waakh goytiin iyimiyye tusaan.”

1 Beetero 1:12

Wihi liisoobabbakkaahiche a mehe ya icho ma isihiline, iꞌdaasenyi atine atin ihileen maanti icho wahanyeyyohi geeddi icho noolyahiin iitaahane guꞌhassi ittaawenye yombo sooraaho sooyateeh kaayyeedeen. Toolla la ꞌdooꞌdi Wori Haaggane miigti Rubeyti Munyeenye goobi Waakh lakasooergo cheeko ka, wahanyeyyoha a atin liisoocheeke. Herti Waakh laka ichehi wahanyeyyohaas agarto imoonta.

Kolossaay 1:25

Hili Waakh indigirtiin u dahanteey soogesse ichoow urura an ifalo a israahaan. Hila la a ki an tuum Yeedi Waakh cheeko.

Rooma 15:24

mali an khabo a mehe ya, maanti an ili Isbaaniya isohdi a atin sooꞌdaara. Khajjeeli an khabo a ki an atin leeamiite, ꞌdee atin luhlo iyeessaan. Waha la a inkoo an geeddoo atin leebarye, inno isleehamaane.

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

Rooma 15:16

Iꞌdi tahe an a falfa Yeesso Kiriisto, ꞌdooꞌdi yaafohi Yaꞌhuud ieheynane liisooerge. An hili kuhaani haaggicha, Wori Haaggane Waakh iche cheeka, ꞌdee ꞌdooꞌda iꞌdi soorriyoti Waakh kahamaado Rubeyti Munyee munyaasse yateeh.

1 Koriinto 2:4

Farniinkeeyki Kiriisto miinsan ichoow Yeedi Waakhe an atin icheeke ka, an mali khara mee atin ikacheeke. Iꞌdaasenyi miigti Rubeyti Munyee ka, wihi an eldi saggi icho rum iyahiin a atin latuse,

1 'Dessaloonika 1:5

Iꞌdi tahe maanti nah Wori Haaggan atin icheekne, woraas yeedi afoot kalday menye, miigti Rubeyti Munyee laka us a atin tuse. Wori Haaggane nah atin icheekne tuume rummeysanne. Toro la saggi fiddihi nah goytiin fiddiine iroonotiin ieheneet a garattaan.