Rooma 15:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Maantaka, jeenteti ani ichoow Yeesso Kiriisto ba wohoo kalday inahuu, hili an Waakh ihaaggicho ka a geeddi an eylajo.

Rooma 15:17 Referans Kwoze

Ibiraaniya 5:1

Kuhaanihi weyti ween tuumman ꞌdooꞌd goya lakasoobahcha. Hilicho la, a ki icho wihi Waakh miinsan ka, meessi enenyet ka Waakh ifalaane, siimo ichoow soorriyoyyohi uskeel bahcho Waakh ibahchaan.

Fiiliffi 3:3

A mehe innohi Rubeyti Waakh ka weysanni, wihi Yeesso Kiriisto inno iyeele keeylajno toro wihi enenyet sartiis ka yeelo ikakhuufin, iche khandihi rummaate.

Ibiraaniya 2:17

Jeentetaas u sagag tuumman ka iꞌdi ꞌdooꞌdi uuriisenye yitahye, kuhaanihi weyti weene hili Waakh ka lakakhuufo toro uur nugul yitah. Ulla toro iꞌdane yeele, ꞌdee soorriyoti holi Waakh laabto bahcha, ꞌdee Waakh uskeeli weeli enenyet kakuta.

2 Koriinto 12:1

Orey on isohda eylaja. Iꞌdaasenyi indigir iche khabto mele. Eheetteey laka inti an eylajeey ka eleelo a wahanyeyyohi Kamur ituse iꞌdi maanta fooltabchoyyo ichoow wihi Kamur isoobabbakkaahiche.

2 Koriinto 7:4

An weyti roorro laan atin leeyyeeda, toro la jeentetiin u a eylaja. Weyti uur liimiigooche. Sinayyohi buurenye inno khabno ka laka, hamaadeey weyti buuryahe.

Rooma 4:2

Chirri rumanka Waakh wihi Aburaaham yeele ka usu eti fissan iekkaache, wihi us keeylajo a khaba gon. Iꞌdaasenyi Waakh ortiis ka, Aburaaham walah us yeele us keeylajo mele.