Rooma 15:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ Iꞌdi tahe an a falfa Yeesso Kiriisto, ꞌdooꞌdi yaafohi Yaꞌhuud ieheynane liisooerge. An hili kuhaani haaggicha, Wori Haaggane Waakh iche cheeka, ꞌdee ꞌdooꞌda iꞌdi soorriyoti Waakh kahamaado Rubeyti Munyee munyaasse yateeh.

Rooma 15:16 Referans Kwoze

Rooma 11:13

An atinhi yaafohi Yaꞌhuud ieheynane atin leeyyeeda. An a ergaanoti yaafohi Yaꞌhuud ieheynane, toro la hila wohoo weyti khummane iekkaacha.

Rooma 1:1

Khadaaba eti atin isoochiiro a ani, Baawulohi ilbooy Yeesso Kiriisteenye, toro la ergaanoti Waakh soobahsate, ꞌdee Woriiski Haaggan cheekto.

Fiiliffi 2:17

Chirri liiyagiis laka, diiggeey a iꞌdi sadakhati soorriyotiin lakakhube, an weyti atin leehamaada, toro la hamaadeey atin leegisma. A mehe hiliin a iꞌdi soorriyoti atin Waakh ibihissaane, kakhuufnaanki atin Waakh kakhuuftaan kayamiit.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

2 Timooti 1:11

Waakh la Wora Haaggan ka hili Yeedi Waakh lacheeko ichoow ki ergaano ichoow ki enenyet Yeedi Waakh laabcho a ikorche.

1 Timooti 1:11

Woraas mujjume ichoow Wori Haaggane weynaanti Waakkhi lasaaꞌdo tusso us ikorche a israahaan.

Ibiraaniya 13:16

Haaggi atin ꞌdooꞌdi addan iyeessaan ichoow gargaari atin ꞌdooꞌdi addan leegisantaan la akadabina. A mehe haagga a iꞌdi soorriyoti Waakh kahamaado.

Rooma 15:18

Wihi Kiriisto ikahaagsate on menye, walah addane an kaayyeedo mele. Iꞌda ka yeedeey ichoow jiroteey ka ꞌdooꞌdi yaafohi Yaꞌhuud ieheynan a woya ayti Waakh raahaan.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

1 Timooti 2:7

Jeentetane Waakh ani eti Yeedi Waakh cheeko ichoow ergaano ikayeele. Toolla la wihi an cheeko been menye, a yeedi rummaat on. Toro la ani eti wori rummaate Kiriisto miinsan yaafohi Yaꞌhuud ieheynan abcho ikayeele.

2 Koriinto 5:20

Maantaka nah a ꞌdooꞌdi meel Kiriisto kijiro. Waha a iꞌdoo Waakh nah ka enenyet hawwaasti. Nah la a atin hawwaassanna iroono Kiriistuu taba keennaanki Waakh ankiis atin keeno raaha.

1 Koriinto 4:1

ꞌDeerka ilbooyye Kiriisto ichoow ꞌdooꞌdi Waakh hili maliiski dagsan enenyet liicheeko dahanohicho soogesse nah iekkaacha.

1 Beetero 2:5

Toolla la iꞌdi dagahti jiro khabtuu, Waakh minki ꞌdooꞌdi Waakh waho iche atin kadisa. Waakh la iꞌdane yeela ꞌdee kuhaaniyyohi munyee atin kayeela. Iꞌdi kuhaaniyyoot u la, Yeesso Kiriisto ka, iꞌdi soorriyoti Rubeyti Munyee woyto toro Waakh kahamaaduu Waakh isibihissaan.

1 Beetero 1:12

Wihi liisoobabbakkaahiche a mehe ya icho ma isihiline, iꞌdaasenyi atine atin ihileen maanti icho wahanyeyyohi geeddi icho noolyahiin iitaahane guꞌhassi ittaawenye yombo sooraaho sooyateeh kaayyeedeen. Toolla la ꞌdooꞌdi Wori Haaggane miigti Rubeyti Munyeenye goobi Waakh lakasooergo cheeko ka, wahanyeyyoha a atin liisoocheeke. Herti Waakh laka ichehi wahanyeyyohaas agarto imoonta.

1 'Dessaloonika 5:23

Toollaka Waakkhi nebey leh ba tuum atin munyaacha. Waakh ba rubeyohiin ichoow uurassiin ichoow sartiin ba tuum el tuumman kasoohossa, ichoowka ibeenki Yeesso Kiriistohi Kamureene soonokhti yateeh.

1 'Dessaloonika 2:9

Rumanka ꞌdooꞌd Kiriistokaaw, atin hili miigenye nah haagginne a kasooꞌhessaan. Ibeen ichoow maalim ba hol a downe uus ꞌdee geedda nah Wori Haaggane Waakh atin icheekno etiinkoo kalday laka hulees korinne.

1 'Dessaloonika 2:2

Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.

Fiiliffi 4:18

A mehe wihi atin isooeregteen tuumman a ꞌhele. Geeddi an jiroteey ka ꞌdoono laka ꞌdirihicheeda ꞌhele. Toolla Ebaabara siimohi atin ani isooeregteen tuumman ikeene la, wihi an ꞌdoono tuumman a khaba. Waha a iꞌdi soorriyoti uyuugenye Waakh liibahcho, toro Waakh kahamaado.

Efeesso 2:22

Atinhi Yaꞌhuud ieheynan ichoow Kiriisto a wohoo kalday gone, Kiriisto atin ichoow Yaꞌhuud ba a atin isikeena, ꞌdee minka Waakh Rubeytiis ka igelo atin tuumman tateehiin.

Efeesso 2:18

A mehe Kiriisto ka, innohi Yaꞌhuude ichoow yaafohi addan ba, Rubeyta Munyee ka, Waakkhi Aabbaheenenye inno leeyyeeno a muꞌdannahe.

Galaatiya 3:5

Waakh Rubeyti Munyee a atin siicha, wihi ittaawenye weeli enenyet yeelin iubaaꞌdan goytiin ka yeela. Waha a jeenteti atin amurre Muusa iraahteen a? Mele! A jeenteti atin Wori Haaggan idaagteene irummeysatteen gon.

2 Koriinto 11:23

An saggi sirgo iyeyyeeda. Icho a ilbooyye Kiriisto? An ilbooy ka icho a kuta. ꞌDirihichooda hili miige haaggiche, ꞌdirihichooda jeela ka liihide, ꞌdirihichooda laajja ka liijahe, ꞌdirihichooda liigaasan leheet laka.

2 Koriinto 8:5

Wihi nah imurre weyti kuteen. Icho kolooraat Kamure isisoobahcheene, toro la saggi Waakh iꞌdoonuu wihi nah yeela inidah laka raaheen.

1 Koriinto 6:19

Atin saggi sartiin iꞌdi minki Rubeyti Munyeenye Waakh atin siiche goya fiddiito itahe ma garattaan a? Atin kiin menye, atin a ki Waakh alah.

1 Koriinto 3:5

Kamalda bal, Aboollo a mehe, ommos Baawulo laka a mehe? Nah a ilbooyyeti Waakhe atin gargaarte atin la wori Kiriisto miinsan rummeysatteen on. Eteenyoba hili Kamur dahan gesse on haaggiche.

Rooma 15:29

ꞌDee maantaas an goytiin imiy la, wihi an tissibo buuh Kiriisto tuume atin ileeamiit.

Rooma 5:5

Khajjeela inno khabno ka, rubeye ma inno jebto. Iꞌdi tahe Waakh Rubeytiisti Munyee a inno siiche, ꞌdee iche la ꞌdooninti Waakh rubeyoheen goya buuhissa.

Hilassi Ergaano 22:21

“Kamur la wihi us ani iyidah, ‘Nyaam, ani yaafohi Yaꞌhuud ieheynane fogaate kiergada.’ ”

Hilassi Ergaano 20:32

“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.

Hilassi Ergaano 13:2

Geedda icho Kamur wahtaane icho af hiitaan, Rubeyti Munyee wihi iche itidah, “Barnaba ichoow Saawulo ba hili an icho iwahe isoobahcha.”

Rooma 15:19

Ulla miigti Rubeyti Munyee ka wahanyeyyohi miigti Waakh tuso ichoow wihi weeli enenyet yeelin iubaaꞌdan ba yeele, icho Waakh iwoye. Iꞌdaas ka la ani Wori Haaggane Kiriisto miinsan tuume cheeke. Ilkerengeetti weene Yeerusaleeme kasookhabde ichoowka ili Iliriiko eleeliche.

Rooma 15:20

Wihi kol dakkhan uur iꞌdoono a mehe ya, a anihi Wori Haaggan inti magah Kiriisto injire liikadaagin ka cheeko. Iꞌda ka daddaabohi ilaate etoo addan dise sarche ma kadisdi.

Efeesso 5:2

Wihi atin haaggissaan tuumman ka, ꞌdooninti atin enenyet ꞌdoontaan a laargo, saggi Kiriisto inno iꞌdoone ichoowka us iroonoteen u jirotiis isoobahchuu. Ulla sadakha ichoow soorriyoti uyuugenye Waakh liibahche yitah.