Rooma 15:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ ꞌDooꞌd Kiriistokaaw, ani rubeyteey saggi wihi hahhaaggan atin ibuuhaane, wihi ꞌdooꞌd Kiriisto miinsan tuum igarattaane toro la iswaanin itabuuꞌdiin a tissiba.

Rooma 15:14 Referans Kwoze

2 Beetero 1:12

Rumanka runti Chiirnaanneti Waakhe goorat atin laabche a garattaane toro la a raahtaan. Eheetteey laka, a inokhda one toro kol tuumman atin kasooꞌhelcha.

1 Yoohana 2:21

Jeenteti atin runtaas igaran mee khadaaba atin ikasoochiiro, a jeenteti atin igarattaan ichoow jeenteti beentoo rucchul laka rum ikiimaatan.

1 Koriinto 8:1

An toolla wori gololi iyookkoyyohi waakkhakh lakayeessi liisoorriyooche miinsane kaayyeeda. Inno tuumman wihi wahaas miinsan a garanna. Kharateen rannyaate inno buuhissa, iꞌdaasenyi ꞌdooninti inno isꞌdoonno ꞌdooꞌdi addan a miigoossa.

1 'Dessaloonika 5:11

Toollaka uur ismiigoocha, toro isgargaara iꞌdi toolla atin yeessaan u.

Kolossaay 3:16

Walah tuumman ka wori Kiriisto miinsan mujjum nabah isuda, jirotiin ka tuum raaha. Khara tuumman ka, wora isabcha, toro la wora on ka issoohossa. Sabuuri Yeedi Waakh goya kayimiy ichoow geeyohi Waakh lakasaaꞌdo ichoow geeyohi Rubeyti Munyee atin siisso, Waakh idowa. Kol dakkhan Waakh kalaꞌd ilaaba, geeyo idowa. Geeddaas tuumman la rubeyohiin ka Waakh kalaꞌd ilaaba.

1 Koriinto 8:10

Iyookkoka eemba etoo rubeytiisti haag ichoow suujoon seley saahto ꞌdabakh tahe atihi waha dakkhan garatti, gololi iyookkoyyo liibahche minki iyookkoyyo lakawahti ka taham kiagar? Eta a faajjiya ꞌdee ullaka gololi iyookkoyyohi waakkhakh lakayeessi liisoorriyooche yaham menya?

1 Koriinto 8:7

Iꞌdaasenyi ꞌdooꞌd tuumman mee runta garti. ꞌDooꞌd gaasoo iyookkoyyoha a bare. Chiꞌicho gololi iyookkoyyoha liisoorriyooche yamhiin ka, jeenteti rubeyohichoki haag ichoow suujoon seley saaho ꞌdabakh iyahiin u, rubeyohichokaas biꞌdirroochaan.

1 Koriinto 1:5

Iꞌdi tahe jeenteti atin ichoow Kiriisto wohoo kalday ititaaheen u, Waakh walah tuumman ka a atin kamurrooche. Waha la a iꞌdi maanta, wihi atin cheektaan ichoow wihi atin abatteen.

Fiilemon 1:21

Saggi at wihi an kidaahe iyeesso a tissiba, ꞌdeerka khadaaba a kisoochiira. Saggi at wihi an kidaahe laka ꞌdirihicho iyeesso a garda.

1 'Dessaloonika 5:14

ꞌDooꞌd Kiriistokaaw, a atin hawwaassanne, ꞌdooꞌdi ollommee tootoocha. Ki roorro khabo uur miigoocha. Ki isuubaaꞌdan gargaara. ꞌDooꞌd tuumman la igarrahsada.

Efeesso 5:9

A mehe banayha gurnaanki us delo a haag tuumman ichoow wihi fissan tuumman ichoow wihi rummaat tuumman.

Ibiraaniya 6:9

Aalasseenyoki nah weyti ꞌdoonno, chirri nah iꞌduu atin faajjiino laka, nah waꞌdwaaꞌd ma atin kakhabno. Iꞌdi tahe saggi atin jiti deefo ribnaan raaho iraahtaane garanna.

Ibiraaniya 5:12

Atin geeddi deere ꞌdooꞌd Kiriisto eheet. Kootte geeddee ka, atine ꞌdooꞌdi addan walah abissaan. Iꞌdaasenyi, atin laka toolla wihi Yeedi Waakh ka kolooraat lakasooumho, iche eti atin abcho ꞌdoontaan. Wihi Waakh miinsan ka, atin uliba a iꞌdi nyaakhuti gololi miige ohom iubaaꞌdane, haanu kalday on damo.

2 Timooti 1:5

An saggi at kakhuufnaanki rummaate Kiriisto lakakhuufo ikhabto a kasooꞌhela, iꞌdi goorat inkookotaahti Looyis layadeeh ichoow abartaahti Yuunis layadeeh ijireen u. Anna a tissiba at laka a iꞌdichooda.

Fiiliffi 1:11

Iꞌda ka Yeesso Kiriisto ka gurnaanki fiffissane jirotiin goya buuhicha. Waha la Waakh weynaan ichoow koolo ikeenaan.

Fiiliffi 1:7

Ani uure atin kakhaba gone, a mujjum chirri an iꞌdaasu atin tuumman atin kamaldi. A mehe chaꞌan hidanahe ommos kootiin ka saggi Wori Haaggan rum iyahe ꞌdooꞌd icheeko, atin tuumman hila haaggi Waakhe buure a ileegisantaan.

1 Koriinto 13:2

Chirri an siinti Waakh liiyeyyeedo khabo, chirri an wihi dagsan tuumman gardi, chirri an walah tuumman gardi, chirri an kakhuufnaanki Waakh weyti lakakhuufo khabo an halal laka guuricho, iꞌdaasenyi an enenyet iꞌdoonin, walah an ahe mele.

1 Koriinto 12:8

Rubeyti Waakh on ka etoo wori khara lasiicha, Rubeyta Waakh on ka etoo addan wori walah lakagarti lasiicha.

2 Koriinto 8:7

Iꞌdaasenyi atin walah tuumman ka weyti orey jirtaan, iꞌdi maanta kakhuufnaanki atin Waakh kakhuuftaan ichoow Wori Haaggane atin cheektaan, ichoow runti Yeedi Waakhe atin garattaan ichoow wihi tuummane atin aw ikhabtaan. Taba hila ꞌdoonineete atin walah diibtaan ka laka orey jira giꞌde.

2 'Dessaloonika 1:11

Jeentetaase kol dakkhan Waakh atin isoowahna, ꞌdee Waakkheen ꞌdooꞌdi jiroti us iwahe imale jiro atin iekkaacha. Toro la Waakhe atin isoowahna, ꞌdee miigtiis ka haaggi atin yeelin ꞌdoontaan tuumman ichoow wihi atin yeessaan tuumman jeenteti atin usu ikakhuuftaan u massicha.