Rooma 15:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Toro la, wihi Isaaya yidahye Kiriisto miinsan kallaayo, “Eti hiiy Yeessee a yamiite, ulla ꞌdooꞌdi yaafohi Yaꞌhuud ieheynane dakhta. Icho la usu khajjeel kakhabaan.”

Rooma 15:12 Referans Kwoze

Mattaayo 12:21

Magahiis ka yaafo tuumman khajjeel a khabaan.”

Bakkaahit 22:16

“Anihi Yeessee herteeytoo a kisooerge, ꞌdee iche la wahanyeyyoha tuummane rummaat ururreteey icheekta. Ani a Hiiy ichoow weel weel Dawuude toro la a Bakkaali Baryo weyti ababo.”

Bakkaahit 5:5

ꞌDeerka ewweenkaas kichekoo wihi us ani iyidah, “Ooyin! Yey, ki Bahassihi yaaf Yuuda layadeehe, Hiiy karnati Dawuud layadeehe, walah dakkhan a sooriche. Usu muꞌdane hanjayyohaas teebee bukkhicha, khadaabaas furin yabuuꞌd.”

1 Koriinto 15:19

Chirri inno jiroti harrata kalday on ka Kiriisto khajjeel kakhabno, weeli enenyet tuumman ꞌdirihiissa inno liisoonaha.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

2 Timooti 1:12

Jeentetase toolla ani sina ikawaarta. Iꞌdaasenyi ma kalakhaanyeysadi. A mehe eti an rummeesde a garda. Anna waha a tissiba, miigti us wihi an dahantiis gesse us kayaakhicho ichoowka ibeenki ꞌdaꞌddaboot yateeh a khaba.

1 Yoohana 3:3

Eti tuummane khajjeela khabo miꞌdabe iskayeela, saggi Kiriisto rubeytiis miꞌdab iyahuu.