Rooma 14:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ Atihi bowꞌdati etoo addan uuraah ka hukkunto a ayyo? Kamuriissa gon usu uskeel khabo kufe ommos usu uskeel ikhabine toollo goocha. Ulla ꞌdee rumanka a toolla, a mehe Kamur toollin a yabuuꞌde.

Rooma 14:4 Referans Kwoze

Rooma 9:20

Etaaw, atiha Waakh yeed ilaabto, at ayyo iskoogtahe? ꞌDirihi doobbo eti yeele, “At a iꞌdoh sagga ikayeesse?” ma worsati gon.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.

Rooma 14:3

Eti golol tuumman yaham, uus ki imboogati gos kalday yaham ꞌdarraawin giꞌde. Eti imboogati gos kalday on yaham la, uus eti addane golol tuumman yaham uskeel igoon giꞌde. Iꞌdi tahe Waakh kan walah tuumman yaham laka a khaatte.

Rooma 16:25

Waakh saaꞌdno! Us kakhuufnaanki atin Kiriisto kakhuuftaan ka atin miigoon a yabuuꞌd. Ulla Wori Haaggane Yeesso Kiriisto miinsane an cheeko ka waha yeelin a yabuuꞌd. Wora Haaggan la a ki inno awteen u iabanne, Waakh kalday on inno isoofura. Runta la a ti Waakh guꞌhassi ittaawe dagche.

1 Beetero 1:5

Kakhuufnaanki inno Waakh kakhuufno ka, Waakh miigtiis ka a inno toorriba, ichoowka ribnaankaas ꞌhella. Waha la ibeenki ꞌdaꞌddaboote ꞌdow liisoobahcha.

Hilassi Ergaano 11:17

ꞌDeerka chirri Waakh siinti Rubeyti Munyeenye us goorat innohi Yeesso Kiriistohi Kamure rummeysanne inno siiche icho laka siiche, anihi Waakh tirrimo a ayyo?”

Rooma 11:23

ꞌDooꞌdi Issiraayel la chuꞌus uskeeliiski us Waakh ikakhuufin sooꞌdiiche, Waakh icho laka a inokhta, geey kakaba. Iꞌdi tahe Waakh geeyi us toro atin kakabo a yabuuꞌd.