Rooma 14:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ A deefta chirri jid liiumhane ommos farsoti sabiib liidamine ommos wohoo addane etaahki Kiriisto rummeeste tarraantarricho liiyeelin.

Rooma 14:21 Referans Kwoze

1 Koriinto 8:13

Maantaka chirri gololi an aham eteeykoo Kiriisto rummeeste uskeel kalugꞌdo, an yombuu toro jid ma aham uus an etaas koo Kiriistee kufinne.

Rooma 14:13

Maantaka taba giꞌde uus inno uskeel isigoon. Fiddihi inno fiddiino ka waha goonno, koloo kalday laka etaahki Kiriisto rummeeste daakki tarraantarricho iitaahane, ommos uskeel goya akalugꞌdin.

Mattaayo 16:23

Yeesso la urgiye wihi us Beetero iyidah, “Seytaankaane fooleey buj! At a daakki itarraantarricho, at wahanyeyyohi Waakh menye, iꞌdaasenyi wahanyeyyohi weeli enenyete kamalatta.”

Bakkaahit 2:14

Iꞌdaasenyi wahanyeyyohoo rucchul a atin kakhaba. Atin intaas ka ꞌdooꞌdoo wihi Baalam enenyet abche raaho a khabtaan. Baalam usu Baalak saggi ꞌdooꞌdi Issiraayel liitarraantarricho abche, ꞌdee ꞌdooꞌdi Issiraayel gololi iyookkoyyohi waakkhakh lakayeessi liisoorriyooche yahame toro sohoꞌddarri liisoojiita.

Ibiraaniya 12:13

“Luhlohiin jiti fissan iyeela.” ꞌDee jirotiin ka ma tarrantarrattaane, ma kuftaane, iꞌdaasenyi a miigowtaan.

Fiiliffi 1:10

Waakhe atin isoowaha, ꞌdee wihi weyti haaggan soobahsan tabuuꞌdiine, toro la uus toolla kakhabatti ichoowka maanti Kiriisto soonokhti, Kiriisto atinhi eloo rucchul laka laaye toro la enenyet wohoo atin ikacheekan atin ꞌhela.

Rooma 14:17

A mehe dakhi Waakh ka wihi khumman golol ichoow wihi ladamo menye, a innohi fiffissane nebey khabno. Jeenteti inno ichoow Rubeyti Munyee wohoo kalday inahuu la hamaad a ꞌhella.

Mattaayo 13:21

Iꞌdaasenyi hiiyyay us khabo mele, mujjum ma tolossati. Maanti jeenteti Yeedi Waakh u sinatoo isoobahte ommos sina loomhiche dowwa on soodiha.

1 Koriinto 8:9

Iꞌdaasenyi atinhi wihi atin tamhiin seley bihin tabuuꞌdiin, yuubsada giꞌde ꞌdooꞌdi ꞌdabakhe daakki tarraantarricho iitaahana.