Rooma 14:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² ꞌDeerka ꞌdee eteemba berri wori jirotiis tuumman Waakh a idowdowa.

Rooma 14:12 Referans Kwoze

1 Beetero 4:5

Iꞌdaasenyi ꞌdooꞌda wihi jiroticho miinsane us Waakkhi ꞌdooꞌdi jiro ichoow ki tuume ba hukkumo idowdowo ma kabahsataan.

Mattaayo 12:36

“Iꞌdaasenyi wihi an atin icheeko, ibeenki Waakh ꞌdooꞌd hukkumo, enenyet yeedi indigir laaye aficho kasoobahe iche cheekta.

Mattaayo 16:27

Iꞌdi tahe Ínam Aadam dowwanoha ka herti Waakh khabaayi anto Aabbahiissa leeyamiite, ꞌdee ebba wihi us yeele ka sina ommos kalaꞌd laguta.

Galaatiya 6:5

A mehe ebba keley on huleesiis siꞌda.

Luuka 16:2

Ulla ꞌdeerka ilbooyaas wahe wihi us worsate, ‘Waha an daddaago lakaacheekti a mehe? Saggi orran at hoolaheey idakhatti khadaaboo ka isoochiire isii. Iꞌdi tahe at kola ilbooyeeyki ween mee.’

2 Koriinto 5:10

Iꞌdi tahe inno tuumman komborti Kiriisto enenyet kahukkumo orcheeda kasoobahna, ꞌdee ebba haag ommos suujoonki us geeddi us sartiis khabo yeele ka laguta.