Rooma 14:11 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹¹ Wihi chiiran, “Kamur mehe essa ya, ‘An rumanka a jira gone, weeli enenyet tuumman orteey ka jilbo il a kaguꞌdda, ꞌdooꞌd tuumman la saggi an Waakh iahe ꞌdow ka a cheeka.’ ”

Rooma 14:11 Referans Kwoze

Rooma 10:9

Farniinka la a mehe ya, chirri at afaah ka, “Yeesso usu Kamure,” cheekto, uuraah ka la saggi Waakh Yeesso omoot ka isookahche rummeysatte, Waakh a kiriba.

1 Yoohana 4:15

Eti tuummane saggi Yeesso Weeli Waakh iyahe cheeko, Waakh goytiissa fiddiya ulla Waakh goytiis fiddiya.

Rooma 15:9

Kiriisto la a yimiyye ꞌdee yaafohi Yaꞌhuud ieheynan Waakh saaꞌdaan jeenteti us enenyet uur ikasoonugleestuu. Iꞌdi liichiiruu, “Maantaka an ꞌdooꞌdi yaafohi Yaꞌhuud ieheynan goyaka a kikoolicha, geeyo ka magahaah a saaꞌda.”

Mattaayo 10:32

“Eti tuummane ꞌdooꞌd ortiis ka saggi us keey iyahe cheeko, ani laka usu Aabbaheeyki goobi Waakh kijiro ortiis ka saggi us keey iyahe a cheeka.

Bakkaahit 5:14

Wahanyeyyohi affarenye lasoouume rubey khabo la, “Aamiin,” yidaaheene, ewweenki tomon lamma ichoow affare la il guꞌdde Waakh ichoow Heleem ba wahte.

2 Yoohana 1:7

ꞌDooꞌdi ittaawenye enenyet ekkeesti, saggi Yeesso Kiriisto harrata uummanki weeli enenyet ikayimiy icheekin harra a kataaꞌhe. Eti iꞌdee tuumman a ki enenyet ekkeesti, toro la a eti Kiriisto igafo.