Rooma 14:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Taba, eti kakhuufnaanki us Waakh kakhuufo ꞌdabakhyahe soodowwaacha, toro la mali us khabo wahanyeyyohoor mammarah miinsan, aleeiriirina.

Rooma 14:1 Referans Kwoze

Rooma 15:1

Maantaka innohi kakhuufnaanki inno Waakh kakhuufno ka miige, ꞌdooꞌdi kakhuufnaanki us Waakh kakhuufo ka ꞌdabakhe igarrahsanni, a mehe wihi icho yeelaan ichoow kakhuufnaanki icho Waakh kakhuufaan ma israahaan. Toro la uus inno awteenna on ishamaadin giꞌde.

1 Koriinto 9:22

ꞌDooꞌdi ꞌdabakhe ka la, an a isꞌdabakhnoocha, ꞌdee icho Kiriisto ikeena. An ꞌdooꞌda tuumman iꞌdichooda iskayeele, ꞌdee sagag tuumman ka ꞌdooꞌd gaasoo Kiriisto ikeena.

Rooma 15:7

Taba giꞌde, saggi Kiriisto atin ikhaattuu, saggaas isikhaadda, ꞌdee enenyet Waakh a saaꞌdo.

Rooma 14:21

A deefta chirri jid liiumhane ommos farsoti sabiib liidamine ommos wohoo addane etaahki Kiriisto rummeeste tarraantarricho liiyeelin.

2 Yoohana 1:10

Chiꞌ etoo atin iyimiyye ulla wori us keene, wori Kiriisto enenyet abche buusanyahe, etaas urantiin laka asoogelinna ommos bariito laka abariitinna.

Rooma 4:19

Geedda ka Aburaaham a araarrowe, sartiis la a iꞌdoo iche tumuy, iꞌdi tahe us geeddi guꞌh kudoo a eleele. Toro la arantiisti Saara layadeeh a mahan. Chuꞌus waha dakkhan kamasse laka, kakhuufnaanki us Waakh kakhuufo ma kaꞌharin ba.

Luuka 17:2

Wihi deefo a usuhi daddaabti buurenye gurnaan lakatumo lukhum lakahido beyti buure goya lakalugꞌdo usuhi ꞌdooꞌdaar tarraantarricho ka.

Mattaayo 14:31

Yeesso chirraas on dahan sooge khabte, wihi us iyidah, “Ati iꞌdaaru marah on ikakhuufta! A iꞌdoh ikamalassa?”

Mattaayo 12:20

Us koloo kalday laka balakki khollokhte ma jebcho, toro la ꞌdabi taahi uum bahcho ma jiccho. Iꞌdaas ka eti ꞌdabakhenye ꞌdaran jiti samacchaarenye kawoya, ma ꞌdiicho ichoowka ebba saggi jiti fissan ka liihukkumo iyeela.

Fiiliffi 2:29

Iꞌdi eti Kamur rummeestuu, taba hamaadi buure ka usú martiisda, ꞌdooꞌdi iꞌdiise laka inkaanyita.

Yoohana 13:20

Rume atin icheeka, eti tuummane eti an sooergade khaatti, ani ikhaatta. Eti ani ikhaatti la, eti isooergate khaattta.”

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Marko 7:19

A mehe rubeytiis ma gelaane, iꞌdaasenyi holoolo on gelaane sartiis kabahaan.” Yeesso la wahaas us yidah ka, saggi golol tuumman biꞌdir ieheynane tuse.

Hilassi Ergaano 28:2

ꞌDooꞌdi kurtaas yaal la weyti haag nah tuste. Intaas ka la hir a ꞌdeya il la a roffo. ꞌDooꞌdaas ꞌdabi nah dahammoonni nah ibolkhiche, nah tuumman la nah martiisteen.

Rooma 11:15

Iꞌdi tahe maanti Waakh ꞌdooꞌdi Issiraayel ꞌdiiꞌde, iche ꞌdooꞌdi addane harrata ankiis keene. A haaggoo geeddohe maanti Waakh ꞌdooꞌdi Issiraayel khaatti? A iꞌdoo ꞌdooꞌdi goorat tuume omoot kasookaho!

Rooma 14:2

Iyookkoka, etoo kolossoo wihi us kakhuufo a mehe ya, suujoon kijiro mele chuꞌus gololbaaw us ꞌhele ka us yaham. Iꞌdaasenyi etoo addane Kiriisto kakhuufe, kakhuufnaankiiis la ꞌdaranyahe, imboogati gos kalday on yaham.

Rooma 14:3

Eti golol tuumman yaham, uus ki imboogati gos kalday yaham ꞌdarraawin giꞌde. Eti imboogati gos kalday on yaham la, uus eti addane golol tuumman yaham uskeel igoon giꞌde. Iꞌdi tahe Waakh kan walah tuumman yaham laka a khaatte.

1 'Dessaloonika 5:14

ꞌDooꞌd Kiriistokaaw, a atin hawwaassanne, ꞌdooꞌdi ollommee tootoocha. Ki roorro khabo uur miigoocha. Ki isuubaaꞌdan gargaara. ꞌDooꞌd tuumman la igarrahsada.

Ibiraaniya 5:14

Iꞌdaasenyi gololi miige a ki ꞌdooꞌdi iiꞌdowe, kol tuumman Yeedi Waakh raaho, wihi haaggan ichoow wihi suuje seley saahnaan isabche.