Rooma 13:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Mogti kaldaye atin iskakhabtaan, ti atin isꞌdoontaan on menye, too addan iiskakhabina. Iꞌdi tahe eti etoo addan ꞌdoono, rumanka amurre Muusa wihiche a buuhicha.

Rooma 13:8 Referans Kwoze

Rooma 13:10

Chaꞌat ollokkaah ꞌdoonto wohoo suuje ma iyeesso gon. A mehe ꞌdooninti rummaat, amurre tuumman a buuhissa gon.

Galaatiya 5:14

Amurre Muusa tuumman yeeda kalday on kakulanta, “Ollokkaah geeddi at isꞌdoonto ꞌdoon.”

Mattaayo 7:12

Walah tuumman ka, wihi kootte incheenka atinhi atin liiyeelo ꞌdoontaan, ꞌdooꞌdi addan iyeela. Wihi tahe, waha a wihi Chiirnaanneti Amurre ichoow Chiirnaanneti ꞌdooꞌdi Waákh íyeyyeedo enenyet abchaan.

Rooma 13:7

Taba giꞌde, ebba wihi miinsan siicha. Taba eti kooddi goocho kooddi iguta, eti chilim liiguto la chilim iguta. Eti inkaanyit imale inkaanyita, eti roorro imasse la karoora.

Yaakoobo 2:8

Chirri atin rumanka amuri weyti khummane Yeessohi karnateene inno siiche, Chiirnaanneti Waakh goya kachiirane, “Ollokkaah geeddi at isꞌdoonto ꞌdoon,” yadeeh raahtaan, haage yeessaan.

Kolossaay 3:14

Haaggaas tuumman ꞌdirihicho la ꞌdooꞌdi isꞌdoono ateeha. ꞌDooninti islaꞌdoono la, ꞌdooꞌd Kiriisto tuum wohoo kaldaye kayeessa.

Yoohana 13:34

“Amuroo husube atin siicha. Taba isꞌdoona. Saggi an atin iꞌdoone, atin laka saggaas isiꞌdoona.

1 Timooti 1:5

Jeenteti an waha yeel ikaadeeh la, a iꞌdoo ꞌdee ꞌdooꞌd Kiriisto ꞌdoonin isikhabo. ꞌDooninta la inti iche katamiit a uuri eloo rucchul laka ikhabin ichoow rubeyti suujoon inno ikacheekan ichoow kakhuufnaanki rummaate Kiriisto lakakhuufo.

1 Yoohana 3:10

Saggane nyaakhuti Waakh ichoow nyaakhuti Seytaan seley ibihinna. Eti tuummane wihi fissan iyeelin, ki Waakh mee. Eti tuummane etiiski Kiriisto rummeeste iꞌdoonin laka ki Waakh mee.