Rooma 13:7 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁷ Taba giꞌde, ebba wihi miinsan siicha. Taba eti kooddi goocho kooddi iguta, eti chilim liiguto la chilim iguta. Eti inkaanyit imale inkaanyita, eti roorro imasse la karoora.

Rooma 13:7 Referans Kwoze

Luuka 20:25

Wihi icho ilaabeen “A koo Kaaysar.” Wihi us iyidah, “ꞌDeerka Kaaysar wihi wihiise iguta, Waakh la wihi wihiise iguta.”

Mattaayo 17:25

Beetero la wihi us ilaabe, “Aa a guta.” Beetero la min gele, Yeesso wahaas worsataa. Yeesso geeddi Beetero isooyeedin yeede, “Siimon at mehe tadeeh? Karnatohi harrata ayyo kooddi kaguttaan, ꞌdooꞌdichooda bal ꞌdooꞌdi ilaas kicho ieheynane ilaas fiddiyo?” worsate.

1 Timooti 5:17

Ewweenki urur Kiriisto woyo urur mujjum dakhti a imasse chiꞌ liinkaanyito kalaꞌd laguto, kach ka la ewweenki Yeedi Waakh cheeko enenyet walah abcho wahaas a liiyeelo.

Mattaayo 22:21

Wihi icho ilaabeen, “A koo Kaaysar.” ꞌDeerka wihi us iyidah, “Kaaysar wihi wihiise iguta, Waakh la wihi wihiise iguta.”

Efeesso 6:5

Bowꞌdayyo, taba kamurretiinti harrata walah tuumman ka yeedicho raaha. Inkaanyit ka ichoow roorro ka wihi icho ꞌdoonaan tuumman yeela, uuri haaggan ka la yeela. Saggi atin Kiriisto ikihissaan on icho laka ihila.

1 Beetero 3:7

Saggaas on u, atinhi arammee taba deyyehotiin jiti samacchaare ka leefiddiya saggi icho wahalhi atin kaaꞌddaran iyahiin kasa. Toro la inkaanyita iꞌdi tahe atin tuumman jiroti Waakh enenyet iꞌdaanu siicho a isleeꞌhessaan. Chaꞌatin iꞌda yeessaan la, walah weysihiin jeycho mele.

1 Timooti 6:1

Eti tuummane huleesi bowꞌda siꞌdo Yeesso rummeeste, kamuriis rumanka a inkaanyito, uus ꞌdee Waakh ichoow woriiski enenyet laabcho liigafine.

Efeesso 5:33

Iꞌdaasenyi taba etiin ba saggi us isiꞌdoono makhaabassiis a iꞌdoono, makhaabál la makhaabaliche a inkaanyitto.

Luuka 23:2

Chirraas on usu cheekteene wihi icho yidaaheen, “Eta usuhi yaafteen baabiicho khabanne. Karnati ili Rooma kooddihi liiguto ꞌdiiꞌda, Ki Lasubhe karnatenye iskawaha.”

Marko 12:17

Yeesso chirraakka iiyeyye, “Kaaysar, wihi wihiise iguta, Waakh la wihi wihiise iguta.” ꞌDooꞌd usu weyti kagirmeeste.

1 Timooti 5:13

Toro la a ollommowaane, kolba minkoo gelaan. Ollom kalday la menye, enenyet hantaane, yeedassi wihicho ieheynan kaaddihaane, wohoo kootte ikamalin essaan.

Luuka 20:22

Kaaysarhi weene inno kooddi igunno a mujjum a bal mujjum mee?”

Rooma 12:10

Iꞌdi ꞌdooꞌdi uuroo kaldaye u, isꞌdoona, ꞌdooꞌdi addan kol tuumman ꞌdirihiin inkaanyita.

Rooma 13:6

Jeentetane kooddi laka iguttaan, iꞌdi tahe weynaanti sirgaal a falfati Waakhe, icho la geeddi noole hil haaggichaane, wihi lakaꞌdoono buuhichaan.