Rooma 13:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Jirotiin tuumman wihi mujjumenye saggi fiddihi ꞌdooꞌdi banay goya fiddiyo a eheetti. Taba giꞌde, daawohi biꞌdire ommos meleefu uus goytiin kijirine, ommos uus ꞌdooꞌdi isidisanne isleeurꞌdo ommos sohoꞌddarri goytiin kijirine, ommos uus jihit ommos inaaf laka goytiin kijirin.

Rooma 13:13 Referans Kwoze

Galaatiya 5:21

kalꞌdarri, meleefu ichoow daawohi biꞌdire ichoow wihi iꞌdaase tuumman. Orey a atin tootooche, toro maanta a atin tootoocha, ꞌdooꞌdi jiroti iꞌdee jiro, dakhi Waakh ma gelo.

Efeesso 5:18

Taba, farsoti sabiib ka meleefu iitaahana, a mehe jiroti uskeeli buurenye iꞌdaanu layeelo keenaan. Iꞌdaasenyi Rubeyti Munyee a atin buuhisso.

1 'Dessaloonika 4:12

Iꞌdaakka ꞌdooꞌdi Kiriisto irummeysan a atin inkaanyita, toro la et atin kanoossahiin mele.

1 Yoohana 2:6

Eti tuummane Waakh goytiissa kijira essi, jiroti Yeesso jire iche jira.

Efeesso 5:15

ꞌDeerka saggi atin ijirtaan weyti yuubsada. Saggi ꞌdooꞌdi ꞌdalammee iijirina, iꞌdaasenyi saggi ꞌdooꞌdi kharayyee ijira.

1 'Dessaloonika 2:12

Nah uur a atin miigoonne, uur atin khoboonne, atin hawwaassanne, ꞌdee jiroti Waakh kahamaado jirtaan. A mehe Waakh dakhiis ichoow weynaantiisti ababto a atin iwaha.

Luuka 21:34

“Weyti isyuubsada uus meleefu ichoow wahanyeyyohi sussuujenye ꞌdooꞌdi meleefee yeelo ichoow waꞌdwaaꞌdi jirota uurassiin miigoonne ꞌdee ibeenkaas iꞌdi angey u doglaan atin geline.

1 'Dessaloonika 5:17

Kol dakkhan weesda.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

Yuuda 1:23

ꞌDooꞌdi addan la ꞌdab goya kasootogda, riba. Gaasoo la nahtinti roorroti Waakh khabto tusda, iꞌdaasenyi atin laka ubbaarretichoti derdeere ildeerroti suujenye icho yeelaan ka labiꞌdirrooche ꞌdiiꞌda.

2 Yoohana 1:4

An weyti hamaade chaꞌan nyaakhutaahki gaasoo usuhi runti Waakh raaho arge, saggi Waakkhi Aabbaheene amur inno isiichuu.

Yaakoobo 4:5

Ommos Chiirnaanneti Waakhe, “Rubeyti Waakh goyteen gesse inaafe leetahe,” elatti a immarah on a?

Kolossaay 3:5

Maantaka sartiinti harratane uskeel ꞌdoonto wahanyeyyohi iꞌdee ka agiisa. ꞌDooꞌdi isidisanne isleeurꞌdo ichoow wihi biꞌdire ichoow ꞌdooꞌdi eti icho argaan ichohi leeurꞌdo ꞌdoono ichoow uskeeli liimoono ichoow ꞌdamaam ꞌdiicha. ꞌDamaam la a iꞌdi iyookkoyyohi waakkhakh lakayeessi.

Kolossaay 1:10

Waakhe atin iwahna, ꞌdee jiroti Kamur inkaanyitto toro kahamaadisso jirtaan. Iꞌda ka sagag tuumman ka enenyet haag a iyeessaane, abannaanki atin Waakh abattaan la a kakhayma.

Fiiliffi 2:3

ꞌDooꞌdi wihi awtiissa on yowti ommos immarah serey isgeecho iitaahana, iꞌdaasenyi ꞌdooꞌdi isnuglaacho ateeha, ꞌdooꞌdi addan saggi us atin ikakhummanyahe iekkaacha.

Efeesso 5:8

A mehe atin rubeytiin goorat ꞌhor mugꞌdi eheete, iꞌdaasenyi atin ichoow Kamur wohoo kalday a tahiin gone, banaye titaaheen. Maantaka fatali ꞌdooꞌdi banaye jira giꞌde.

Efeesso 4:17

Maantaka, antohi Kamur isiiche ka an weyti waha katirriinsada, taba uus jiroti atin jirtaan iꞌdi ti ꞌdooꞌdi Waakh igaranne mali ilmarhaatteet kamassi eheynan.

Efeesso 4:1

Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.

Galaatiya 5:19

Wahanyeyyohi wihi uurasseen goya kijiro uskeel imoono yeelaan a ꞌdow on. Waha a iꞌdi maanta ꞌdooꞌdi isidisanne isleeurꞌdo, wihi biꞌdire, sohoꞌddarri,

Hilassi Ergaano 2:15

ꞌDooꞌda farso mee khaatte, iꞌdi maanta atin ielattaan u, a mehe il toolla a sahaꞌd seyyahti chirdeereet on.

Luuka 16:19

“Etoo kamurenye gaaddi weyti gato miige khabo toro la kol dakkhan gololi haaggan yahame jire.

Luuka 1:6

Lammacho ba la ꞌdooꞌdi Waakh ortiis ka fiffissane eheete, raahnaanki amurreti Kamur ichoow wihi Kamur enenyet kaꞌdoono laraaho ka wohoo rucchul laka ma lakacheekan.

1 Koriinto 3:3

Iꞌdi tahe atin uliba a ꞌdooꞌdi ꞌdabakkhi weeli enenyete harrata khabo. A mehe chirri maanta atin isinaaftaane toro la isleejaakhtaan wahaas saggi atin ꞌdabakkhi weeli enenyet ikhabtaan ma tusaan a? Waha la saggi atin uliba jiroti ꞌdooꞌdi harrata ijirtaan ma tusaan a?