Rooma 13:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Ibeen kola a kute, il a soobarya. Maantaka taba, wihi suujenye mugꞌdi kasootaba. Birti haaggane banayeet okhsada, ꞌdee uskeel diha.

Rooma 13:12 Referans Kwoze

Efeesso 5:11

Taba wahanyeyyohi ꞌdooꞌdi mugꞌdi goya kijiro gurnaan idelin iꞌdaaru laka araahina, wihi icho yeelaan ꞌdow isoobahcha.

2 Koriinto 6:7

Nah rumanka runti Waakh a cheekne, miigti Waakh la a nah leejirte. Jiroteenyoti fissan la iꞌdi birti walah lakayagiis ichoow ti walah islakajeycho eheet.

Yaakoobo 1:21

Maantaka, wihi uurassiin biꞌdirroocho tuumman ichoow suujoonki noole atin yeessaan kasootaba. Wori Waakh uurassiin goya gesse ribin atin yabuuꞌd samacchaar on khaadda.

Efeesso 4:22

Wihi atin laabche, jiroti atin ꞌhor jirteene, fiddihiinki uskeel liimoono atin ekkeeste toro atin kheerooche ꞌdiicha.

Rooma 13:14

Taba giꞌde sagag tuumman ka Yeesso Kiriistohi Kamure iꞌdiis ateeha, toro la wihi uurassiin goya kijiro uskeel imoono koloo kalday laka araahina.

Bakkaahit 22:10

Herti Waakh toro wihi iche itidah, “Jeenteti ibeenki waha yateehiin isoodowwaatuu, yeedassi atihi Waakh iyeyyeeddo buugga kachiirte hanja akadaginne ꞌdee yeedassa a laargo.

1 Beetero 2:1

Maantaka, suujoon tuumman ichoow ekkeysi tuumman ichoow iskaayyeelnaan ichoow kalꞌdarri ichoow ham tuumman kasootaba.

Bakkaahit 1:3

Waakh eti buugga eti Waákh íyeyyeedo chiire soomo a imaala. Toro la Waakh ꞌdooꞌdi wahaas daago toro wihi buugga goya kachiiran raaho a imaala. Iꞌdi tahe ibeenki waha yateehiin, a soodowwaate.

1 Koriinto 7:29

ꞌDooꞌd Kiriistokaaw wihi an atin icheeko kallaayo, ibeenneti ankhan a gaabantahe. Uus toolla kakhabatti eti makhaabál khabo, iꞌdi eti makhaabál ikhabin a ijiro.

1 Koriinto 10:11

Waha tuumman yaafohi Issiraayel a kayitaaheene, ꞌdee iyookko inno iyateehiin. A lachiire ꞌdee innohi ibeenki harra ꞌdubiche soodowwaate jirro inno tootoochaan.

2 Koriinto 10:4

A mehe birti inno diho leeiranni ti harrata mee, birteen a miigti Waakhe worassi beenaat jejjebisso.

Efeesso 5:8

A mehe atin rubeytiin goorat ꞌhor mugꞌdi eheete, iꞌdaasenyi atin ichoow Kamur wohoo kalday a tahiin gone, banaye titaaheen. Maantaka fatali ꞌdooꞌdi banaye jira giꞌde.

Ibiraaniya 10:25

Uus inno kulanki inno kulanno ꞌdiin, iꞌdi ꞌdooꞌdoo yeeluu. Iꞌdaasenyi tabno uur a ismiigoonno, toro Ibeenki Kamur soonokhti a soodowwaatee gone, weyti iꞌdaas yeello giꞌde.

Ibiraaniya 12:1

Maantaka urura buurenye garti saggi icho Waakh ikakhuufaan laabo a inno kamarsanyahe gone, taba, wihi tuummane inno jeycho ichoow uskeeli inno woyo tuumman rogno, toro la oriisihi Waakh orteen gesse ka, a garrahsanni.

Yaakoobo 5:8

Atin laka ꞌdooꞌdi samacchaare ateeha, mujjum tolossada iꞌdi tahe ibeenki Kamur soonokhti a soodowwaatee.

1 Beetero 4:7

Harra ꞌdubiche kola a yitah. Maantaka mujjum malda toro la isjeycha uus ꞌdee wohoo weysihiin targeyine.

2 Beetero 3:9

Kamur wihi us ayyiche ka ma soomalmalo iꞌdi ꞌdooꞌd gaasoo malmalli ikhaatuu. Us a atin igarrahsata a mehe usuhi etoo kalday laka iumaatane, iꞌdaasenyi enenyet tuumman uskeel kasoonokhti iche ꞌdoona.

2 Beetero 3:11

Walah tuumman saggane liibaabiicha gone, atinhi jiroti munyee ichoow jiroti Waakh kahamaado jirtaane laꞌdoona,

1 Yoohana 2:18

Nyaakhuteeyki an weyti ꞌdoono, waha a ibeenneti ꞌdaꞌddaboot. Saggi goorat atin idaagteen u la, eti Kiriisto igafo a yamiit. Toolla laka ꞌdooꞌdi ittaawenye Kiriisto igafo a yimiy. Iꞌda ka la saggi waha ibeenneti ꞌdaꞌddaboot iyahiin a garanna.