Rooma 13:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ Chaꞌat ollokkaah ꞌdoonto wohoo suuje ma iyeesso gon. A mehe ꞌdooninti rummaat, amurre tuumman a buuhissa gon.

Rooma 13:10 Referans Kwoze

Rooma 13:8

Mogti kaldaye atin iskakhabtaan, ti atin isꞌdoontaan on menye, too addan iiskakhabina. Iꞌdi tahe eti etoo addan ꞌdoono, rumanka amurre Muusa wihiche a buuhicha.

Mattaayo 7:12

Walah tuumman ka, wihi kootte incheenka atinhi atin liiyeelo ꞌdoontaan, ꞌdooꞌdi addan iyeela. Wihi tahe, waha a wihi Chiirnaanneti Amurre ichoow Chiirnaanneti ꞌdooꞌdi Waákh íyeyyeedo enenyet abchaan.

Yoohana 13:34

“Amuroo husube atin siicha. Taba isꞌdoona. Saggi an atin iꞌdoone, atin laka saggaas isiꞌdoona.

Galaatiya 5:14

Amurre Muusa tuumman yeeda kalday on kakulanta, “Ollokkaah geeddi at isꞌdoonto ꞌdoon.”

Yaakoobo 2:8

Chirri atin rumanka amuri weyti khummane Yeessohi karnateene inno siiche, Chiirnaanneti Waakh goya kachiirane, “Ollokkaah geeddi at isꞌdoonto ꞌdoon,” yadeeh raahtaan, haage yeessaan.